ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵍⵓⵣⵉⵏⴰⵜ ⵏ ⵍⵃⴻⴵⴵⴰⵕ: ⴱⵧⵓⵛⵀⵧⵓⴰⵔⴻⴱ ⵉⵡⴻⴽⴽⴻⴷ-ⴷ ⵖⴻⴼ ⵓⵚⴻⴳⴳⴻⵎ ⵏ ⵓⴼⴰⵔⵏⵓ ⵡⵉⵙ ⵙⵉⵏ ⴷⴻⴳ ⵍⴰⵡⴰⵏ

ⵄⴻⵏⵏⴰⴱⴰ – ⵉⵅⴻⴷⴷⵉⵎⴻⵏ ⵏ ⵓⵚⴻⴳⴳⴻⵎ ⴷ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵓⴼⴰⵔⵏⵓ ⵡⵉⵙ ⵙⵉⵏ ⵏ ⵍⵍⵓⵣⵉⵏⴰⵜ ⵏ ⵍⵃⴻⴵⴵⴰⵕ (ⵄⴻⵏⵏⴰⴱⴰ) ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ « ⵙ ⵓⵇⴰⴷⴻⵔ ⵏ ⵍⵡⴻⵇⵜ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵍⴻⵄⵇⴻⴷ » ⴰⴽⴽⴻⵏ ⴰⴷ ⴷ-ⵢⵓⵖⴰⵍ ⵓⴼⴰⵔⵏⵓ-ⴰ ⵖⴻⵔ ⵓⵅⴻⴷⴷⵉⵎ « ⵎⴰ ⴰⵟⴰⵙ, ⴷⴻⴳ ⵎⴻⵖⵔⴻⵙ ⵏ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ.

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ, ⵎⵉ ⵢⴻⵙⵙⴻⴼⵇⴻⴷ ⵜⵉⵎⴰⵛⵉⵏⵉⵏ ⵏ ⵓⵍⴻⴱⴱⴻⴹ ⵏ ⵡⵓⵣⵣⴰⵍ (ⵢⴻⵃⵎⴰⵏ ⵏⴻⵖ ⵙⴻⵎⵎⴹⴻⵏ), ⴷ ⴰⴽⴽⴻⵏ ⴰⵙⵙⴻⵡⵊⴻⴷ ⵏ ⵓⵖⴰⵡⴰⵙ (ⵍⴻⴱⵍⴰⵏ) ⵏ ⵓⵙⵙⴻⴼⵜⵉ ⴰⴷ ⵢⴻⵙⵙⴻⵎⵖⴻⵔ ⵍⵖⴻⵍⵍⴰ ⵏ ⵡⵓⵣⵣⴰⵍ ⵖⴻⵔ 1,2 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ, ⵢⴻⵔⵏⴰ ⴰⴷ ⵜⴰⵡⴻⴹ ⵍⵖⴻⵍⵍⴰ-ⴰ ⵖⴻⵔ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ ⵙⴻⴳ-ⴰ ⵖⴻⵔ 2017, ⵢⴻⵔⵏⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⴻⴽⴼⵓ ⵉⵎⴰⵏ-ⵏⵏⴻⵙ ⵙⴻⴳ ⵢⵉⴷⵉⵙ ⵏ ⵡⵓⵣⵣⴰⵍ.

ⴰⵖⴰⵡⴰⵙ-ⴰ ⵏ ⵓⵙⵙⴻⴼⵜⵉ ⴰⴷ ⴷ-ⵢⴻⵙⵇⴰⵎ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ, ⴳⴰⵔ-ⴰⵙⴻⵏ 355 ⵏ ⵢⵉⵎⴻⵍⵢⵓⵏⴻⵏ ⵉ ⵓⵖⴻⵍⵍⴻⵜ ⵏ ⵍⵍⵓⵣⵉⵏⴰⵜ ⴷ ⵓⵅⴻⵍⵍⴻⵚ ⵏ ⴹⴹⵍⴰⴱⴰ-ⵏⵙⴻⵏⵜ, ⴷ 720 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵉ ⵓⵙⵙⴻⴼⵜⵉ ⴷ ⵓⵚⴻⴳⴳⴻⵎ ⵏ ⵜⵜⴰⵡⵉⵍⴰⵜ ⵏ ⵓⵅⴻⴷⴷⵉⵎ, ⴷ 76 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵉ ⵓⵙⵙⴻⵜⵔⴻⵔ ⵏ ⵍⵎⵉⵏⴰⵜ ⵏ ⵡⵓⵣⵣⴰⵍ ⵏ ⵍⵡⴻⵏⵣⴰ ⴷ ⴱⵓⵅⴻⴹⵔⴰ ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵢⴻⵜⵜⵡⴰⵇⴻⴷⴷⵎⴻⵏ ⵉ ⵓⵏⴻⵖⵍⴰⴼ.

ⴰⵖⴰⵡⴰⵙ-ⴰ ⴰⵢ ⵢⴻⴹⴼⴻⵔ ⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵙⴻⴳ-ⴰ ⵖⴻⵔ ⴷⵓⵊⴻⵎⴱⴻⵕ, ⴰⴽⴽⴻⵏ ⴰⴷ ⴷ-ⵜⵓⵖⴰⵍ ⵜⴻⵎⵏⴰⴹⵜ ⵏ ⵓⵙⵙⴻⴼⵙⵉ ⵏ ⵡⵓⵣⵣⴰⵍ ⵖⴻⵔ ⵓⵅⴻⴷⴷⵉⵎ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵙⴽⵉⵏ-ⵏⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵉⵃⴻⵣⵣⵉⴱⴻⵏ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴷⴷⵓ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵜⴻⴳⵏⵉⵜ-ⴰ ⵏ ⵓⵚⴻⴳⴳⴻⵎ.

ⴰⵏⴻⵖⵍⴰⴼ ⵢⴻⵙⵙⴻⴼⵇⴻⴷ ⴷⴰⵖ ⵍⵍⵓⵣⵉⵏ ⵏ ⵜⴽⴻⴱⴱⴰⵏⵉⵜ ⵏ ⴼⴻⵔⵔⵧⵠⵉⴰⵍ ⴰⵢ ⴷ-ⵉⵅⴻⴷⴷⵎⴻⵏ ⵜⵜⴰⵡⵉⵍⴰⵜ ⵢⴻⵇⵇⵏⴻⵏ ⵖⴻⵔ ⵓⴱⵔⵉⴷ ⵏ ⵜⵎⴰⵛⵉⵏⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵍⵍⴰ ⵓⵖⴰⵡⴰⵙ ⵉ ⵓⵅⴷⴰⵎ ⵏ 380 ⵏ ⵢⵉⴼⴰⴳⵓⵜⴻⵏ ⵏ ⵜⵎⴰⵛⵉⵏⵜ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵓⴼⵓⵙⴼⴰⵟ.