ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵛⵖⴰⵍ ⵏ ⵓⵙⵙⴻⴷⴷⵓ ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ ⵜⵜⵡⴰⵡⴻⴽⴽⵍⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵏ ⵢⵉⵍⴻⵎⵥⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵜⵓⵏⴻⴼⴽⴻⵏ ⵍⴻⵄⵇⵓⴷⴰⵜ ⵏ ⵓⵙⵙⴻⴷⴷⵓ ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ, ⴰⵙⵙ ⵏ ⵍⴰⵕⴻⴱⵄⴰ, ⵉ ⴽⵔⴰ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵙⴱⴻⴷⴷⴻⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⵛⵛⵖⴻⵍ-ⴰ ⴰⴷ ⵉⴽⴻⵎⵎⴻⵍ ⴰⴷ ⴷ-ⵉⵃⴰⵣ ⵜⵉⵏⴻⵣⴷⵓⵖⵉⵏ ⵏ ⴰⴰⴷⵍ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.

ⵍⴻⵄⵇⵓⴷⴰⵜ-ⴰ ⴼⴽⴰⵏ-ⵜⴻⵏ ⵢⵉⵅⴻⴷⴷⴰⵎⴻⵏ ⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ ⵉ ⵢⵉⵎⵄⴻⵍⵍⵎⴻⵏ ⵏ 4 ⵏ ⵜⴽⴻⴱⴱⴰⵏⵉⵢⵉⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵓⵚⴻⴳⴳⴻⵎ ⵏ ⵢⵉⵎⵙⴰⵡⵏⴻⵏ (ⵎⴰⵚⴰⵄⵉⴷ), ⴰⵙⵙⵉⵣⴷⴻⴳ ⴷ ⵓⵖⵔⴰⵎ ⵏ ⵡⴰⵎⴰⵏ.

ⵜⴰⵎⴻⵖⵔⴰ ⵏ ⵜⵓⴽⵛⵉ ⵏ ⵍⴻⵄⵇⵓⴷⴰⵜ-ⴰ ⵜⴻⵍⵍⴰ-ⴷ ⴷⴻⴳ ⵓⵖⴰⵔⴰⵎ (ⵃⴰⵢⵢ) ⵏ ⴰⴰⴷⵍ ⵏ ⵍⵄⴰⵛⵓⵕ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵙ ⵓⵃⴷⴰⵕ ⵏ ⵓⵏⴻⵎⵀⴰⵍ ⵏ ⵜⵏⴻⵣⴷⵓⵖⵜ ⴷⴻⴳ ⵓⵖⵍⵉⴼ, ⴽⴰⵎⴻⵍ ⵏⴰⵛⴻⵔⵉ, ⴷ ⵓⵏⴻⵎⵀⴰⵍ ⵏ ⵜⵏⴻⴳⴳⴰ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ), ⵎⵧⵀⴰⵎⴻⴷ ⵜⴰⵔⴻⴽ ⴱⴻⵍⴰⵔⵉⴱⵉ.

ⵜⵓⵛⴽⵉ-ⴰ ⵏ ⵍⴻⵄⵇⵓⴷⴰⵜ ⵜⴻⵍⵍⴰ-ⴷ ⴷ ⴰⵙⵙⴻⴼⵄⴻⵍ ⵉ ⵍⵓⴼⴻⵇ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ ⴳⴰⵔ ⵓⵖⵍⵉⴼ ⵏ ⵜⵏⴻⵣⴷⵓⵖⵜ, ⵡⵉⵏ ⵏ ⵓⵅⴻⴷⴷⵉⵎ ⴷ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ, ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⴻⴳⵔⴰⵡⵉⵏ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵜⵜⴰⵡⵉⵍⴰⵜ ⵏ ⵓⵄⴰⵡⴻⵏ ⵏ ⵓⵙⵙⴻⵅⴷⴻⵎ ⵏ ⵢⵉⵍⴻⵎⵥⵉⵢⴻⵏ (ⴰⵏⵙⴻⵊ ⴷ ⵛⵏⴰⵛ).

ⵙ ⵡⴰⵢⴰ, 20 ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵉⴳⴰⵏ ⵍⴻⵄⵇⵓⴷⴰⵜ ⴷⴻⴳ ⴰⴰⴷⵍ ⵉ ⵓⵙⵙⴻⴷⴷⵓ ⵏ ⵍⴻⵛⵖⴰⵍ ⴷⴻⴳ ⵢⵉⵖⴰⵔⴰⵎⴻⵏ ⵏ ⵜⵏⴻⵣⴷⵓⵖⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ 30 ⵏ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ ⴰⵢ ⵢⴻⵙⵙⵓⵜⵔⴻⵏ ⴰⵢⴰ, ⵢⴻⵔⵏⴰ ⴰⴰⴷⵍ ⵍⴰ ⴷ-ⵜⴻⵙⵙⵓⴽⴽⵓⵢ ⵜⵉⵟ ⵖⴻⴼ ⵢⵉⵙⵙⵓⵜⵔⴻⵏ-ⵏⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⴰⵔⵉⴱⵉ.