Asebter amenzawi

Tacirt n uḍar: ad d-terzu yiwet n tegrawt n FIFA ɣef Lezzayer Tamaneɣt

LEZZAYER TAMANEɣT – Ad d-terzu yiwet n tegrawt n Tfidiṛalit Tagraɣlant n Tcirt n Uḍar (FIFA) ɣef Lezzayer ass n lǧemɛa akken ad tessefɛel kra n wahilen n usnefli (ttanmiya) i lmend n Tfidiṛalit Tadzayrit n Tcirt n Uḍar, ɣef wakken ay d-tenna ass n laṛebɛa tfidiṛalit-a.

« Deg tɣimit-nnes deg Lezzayer Tamaneɣt, tamagla (wafd) n FIFA ad terzu ɣef Wammas Atekni Aɣelnaw n Tfidiṛalit Tadzayrit n Tcirt n Uḍar deg Sidi Musa, am wakken ara terzu ɣef Uxxam n Temɣunin (rrabiṭat) », ɣef wakken ay d-tenna tfidiṛalit tadzayrit.

Tirzi-a ad d-tili ddaw ṛṛay n umasay (lmes’ul) n usnefli n FIFA i Tefriqt, Zelkifi Ngoufonja, yerna ad d-ddun deg tmagla-a kra seg yimasayen unnigen niḍen n FIFA, gar-asen Laila Garga d Anne Noe.

Tamagla n FIFA « ad teg timlilit n uxeddim d uselwah n Tfidiṛalit Tadzayrit n Tcirt n Uḍar, Mohamed Raouraoua », ɣef wakken ay d-ixebber ulɣu (bayan) n tfidiṛalit tadzayrit.