ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⵎⴰⵡⴻⵏ ⵉⵎⴰⵣⵉⵖⴻⵏ ⴷ ⵉⵙⵎⴰⵡⴻⵏ ⵉⵣⵣⴰⵢⵔⵉⵢⴻⵏ ⵉⵖⴻⴼ ⵉⵃⵓⵔⴻⴱ ⵍⵇⴰⵏⵓⵏ (ⴱⴻⴷⵧⵓⵉ)
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵓⴳⴻⵏⵙⵓ (ⴷⴰⵅⴻⵍ) ⴰⴽⴽⴻⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⴱⴻⵍⵍⵉ ⵉⵙⵎⴰⵡⴻⵏ ⵉⵎⴰⵣⵉⵖⴻⵏ ⵏ ⵢⵉⵍⵓⴼⴰⵏⴻⵏ ⴷ ⵉⵙⵎⴰⵡⴻⵏ ⵉⵣⵣⴰⵢⵔⵉⵢⴻⵏ ⵉⵖⴻⴼ ⵃⵓⵔⴱⴻⵏ ⴰⴽⴽ ⵉⵙⵓⴹⴰⴼ (ⵍⴻⵇⵡⴰⵏⴻⵏ) ⵢⴻⵍⵍⴰⵏ ⵜⵓⵔⴰ ⴷⵖⴰ ⵜⴰⵎⴻⵏⴹⴰⵡⵜ.
ⵎⵉ ⴷ ⵢⴻⵔⵔⴰ ⵉ ⵢⵉⵡⴻⵜ ⵏ ⵜⵓⵜⵜⵔⴰ ⵉ ⴷ-ⵢⴻⴼⴽⴰ ⵢⵉⵡⴻⵏ ⵏ ⵓⵄⴻⴳⴳⴰⵍ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⵜⵓⴳⵉⵏ ⵜⵜⴰⴳⵉⵏ ⴰⴷ ⵙⴽⴻⵍⵙⴻⵏ, ⵉⵎⴻⵥⵍⴰ ⵏ ⵓⴷⴷⴰⴷ ⴰⵖⴰⵔⵉⵏ ⴷⴻⴳ ⴽⵔⴰ ⵏ ⵜⵖⵉⵡⴰⵏⵉⵏ, ⵉⵙⵎⴰⵡⴻⵏ ⵉⵎⴰⵣⵉⵖⴻⵏ ⵏ ⵢⵉⵍⵓⴼⴰⵏⴻⵏ ⴷ ⵉⵍⵓⵍⴻⵏ, ⵎⴰⵙⵙ ⴱⴻⴷⵧⵓⵉ ⵢⴻⵏⵏⴰ-ⴷ ⴱⴻⵍⵍⵉ ⵉⵙⵎⴰⵡⴻⵏ ⴷ ⵉⵙⵎⴰⵡⴻⵏ ⵉⵣⵣⴰⵢⵔⵉⵢⴻⵏ ⵉⵖⴻⴼ ⵃⵓⵔⴱⴻⵏ ⴰⴽⴽ ⵉⵙⵓⴹⴰⴼ (ⵍⴻⵇⵡⴰⵏⴻⵏ) ⵢⴻⵍⵍⴰⵏ ⵜⵓⵔⴰ ⴷⵖⴰ ⵜⴰⵎⴻⵏⴹⴰⵡⵜ ⴰⴽⴽⴻⴷ ⵓⵏⴳⴰⵍ ⵏ ⵓⴷⴷⴰⴷ ⴰⵖⴰⵔⵉⵎ.
ⵢⴻⵏⵏⴰ-ⴷ ⵓⵏⴻⵖⵍⴰⴼ, ⴷⴻⴳ ⵍⵉⵃⴰⵍⴰ-ⴰ, ‘’ⵉⵍⵓⴼⴰⵏⴻⵏ ⵓⵎⵉ ⵓⴳⵉⵏ ⴰⴷ ⴰⵙⴻⵏ-ⵙⴽⴻⵍⵙⴻⵏ ⵉⵙⵎⴰⵡⴻⵏ-ⵏⵙⴻⵏ ⴰⵛⴽⵓ ⴷ ⵉⵙⵎⴰⵡⴻⵏ ⵉⵎⴰⵣⵉⵖⴻⵏ ⵛⵡⵉⵟ ⵉ ⵢⴻⵍⵍⴰⵏ, ⵏⵓⴼⴰ ⵍⵍⴰⵏ ⵙⵉⵏ ⵏⴻⵖ ⵎⴰ ⴽⵔⴰⴹ ⵉ ⵓⵎⵉ ⵏⴻⴼⵔⴰ ⵓⴳⵓⵔ-ⴰ ⴷⴻⴳ ⵓⵖⵍⵉⴼ ⵏ ⵓⴳⴻⵏⵙⵓ (ⴷⴰⵅⴻⵍ) ⴰⴽⴽⴻⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴰⴽⴽⴻⴷ ⵢⵉⵎⴻⵥⵍⴰ ⵉⵖⴻⴷⵎⴰⵏⴻⵏ’’.
ⵉⵎⴻⵥⵍⴰ ⵏ ⵓⵖⵍⵉⴼ ‘’ⴼⴽⴰⵏ ⴰⵣⴰⵍ ⴰⵎⴻⵇⵔⴰⵏ ⵉ ⵡⴻⵙⵏⴻⴼⵍⵉ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ, ⵓⵍⴰ ⴷ ⴰⴷⴷⴰⴷ ⴰⵖⴰⵔⵉⵎ, ⵎⴰ ⵢⴻⵍⵍⴰ ⴱⴰⵏⴻⵏ-ⴷ ⵡⵉⴷ ⵢⵓⴳⵉⵏ ⴷⴰⵖⴻⵏ ⴰⴷ ⵙⴽⴻⵍⵙⴻⵏ ⵉⵍⵓⴼⴰⵏⴻⵏ ⵢⴻⵙⵄⴰⵏ ⵉⵙⵎⴰⵡⴻⵏ ⵉⵎⴰⵣⵉⵖⴻⵏ, ⴰⴷ ⵜⴻⵏ-ⴼⵔⵓ ⵙ ⵜⵓⵣⵏⴰ ⵏ ⵜⴻⵖⴷⵉⵡⵉⵏ ⵜⵉⵎⴰⵢⵏⵓⵜⵉⵏ’’.
