ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵏ ⵓⴹⴼⴰⵔ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ: ⵢⴻⵍⵍⴰ ⵍⴻⴱⵖⵉ ⵉ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ

ⵜⵓⵏⴻⵙ ⵜⴰⵎⴰⵏⴻⵖⵜ – ⵜⴰⴷⵡⵉⵍⵜ ⵜⵉⵙ 18 ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵜⴻⵙⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵓⵙⴻⵍⵡⴰⵢ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵓⵎⵜⵉⵍ-ⵏⵏⴻⵙ ⴰⵜⵓⵏⵙⵉ, ⴱⴻⵊⵉ ⵛⴰⵉⴷ ⴻⵙⵙⴻⴱⵙⵉ, ⴰⴽⴽⴻⵏ ⵔⵏⵓⵏ ⴰⴷ ⵙⵙⴰⵍⵉⵏ ⴰⵙⵡⵉⵔ ⵏ ⵡⴰⵙⵙⴰⵖⴻⵏ (ⵍⵄⴰⵍⴰⵇⴰⵜ) ⵓⵛⵔⵉⴽⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.

ⵜⴰⴷⵡⵉⵍⵜ-ⴰ ⴷ ⴰⵃⵔⵉⵛ ⵙⴻⴳ ⵓⵙⵙⴻⵡⵊⴻⴷ ⵉ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵇⵔⴰⵏⵜ ⵜⵓⵅⵍⵉⴹⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ 25 ⴷ 26 ⵜⵓⴱⴻⵕ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴷ ⵢⵉⵖⴻⴼ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ.

ⵢⵓⵎⴰⵔ (ⵢⴻⴼⵕⴻⵃ) ⴷⴰⵖ ⵓⵏⴻⵖⵍⴰⴼ ⵙ ⵓⵙⵙⴻⵇⴷⴻⵛ ⵏ ⵡⴰⴽⴽ ⵜⵜⴰⵡⵉⵍⴰⵜ ⵓⵛⵔⵉⴽⴻⵏ ⵉ ⵓⵎⵎⴰⴳⴻⵔ ⵏ ⵡⵓⴳⵓⵔⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵢⴻⵇⵇⵏⴻⵏ ⵖⴻⵔ ⵔⵔⴻⴱⵔⴰⴱ, ⵜⴰⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⴰⵙⵙⴻⵏⵣⵉ ⵏ ⵍⴻⵙⵍⴰⵃ ⴷ ⵢⵉⵎⵉⵏⵉⴳⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵍⵓⴼⴰ-ⴰ « ⵇⴻⵙⴷⴻⵏⵜ ⴰⴷ ⵙⵡⴰⵖⴻⵏⵜ ⴰⵔⴽⴰⴷ ⵏ ⵜⴻⵎⵏⴰⴹⵜ-ⵏⵏⴻⵖ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵇⴰⴱⵍⴻⵏⵜ ⵙ ⵓⵙⴷⵓⴽⴽⴻⵍ ⵏ ⵍⵎⴻⴵⵀⵓⴷ ⴰⴽⴽⴻⵏ ⴰⴷ ⴷ-ⵏⴰⴼ ⴰⵎⴻⴽ ⴰⵔⴰ ⵜⴻⵏⵜ-ⵏⴻⴼⵔⵓ ».

ⵎⴰⵙⵙ ⵎⴻⵙⵙⴰⵀⴻⵍ ⵢⴻⵔⵔⴰ ⵜⴰⵊⵎⵉⵍⵜ, ⴷⴻⴳ ⵜⴻⵎⵙⴰⵍⵜ-ⴰ, ⵉ ⵢⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⵄⴰⵡⴻⵏ ⴷⴻⴳ ⵜⵖⴻⵍⵍⵉⵙⵜ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵄⴰⵡⴻⵏ ⴰⵙⴻⵔⵜⵉ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⵓⵎⵛⵉⵡⴻⵕ ⴷ ⵓⵅⴻⴷⴷⵉⵎ ⵓⵛⵔⵉⴽ ⴳⴰⵔ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴱⴷⴰⴷ ⵖⴻⵔ ⵢⵉⴷⵉⵙ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⴳⴰⵔ ⵢⵉⵍⵉⴱⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵢⴻⵙⵙⴻⴷⴷⵓⵏ ⵜⴰⵎⵓⵔⵜ ⴷⴻⴳ ⵜⴰⵍⵍⵉⵜ ⵏ ⵜⵓⴽⴽⵉⵜ, ⵢⴻⵔⵏⴰ ⴰⴷ ⵢⴻⴱⵏⵓ ⵜⵉⵙⵓⴷⴰ (ⵍⵎⵓ’ⴰⵙⵙⴰⵙⴰⵜ) ⴰⴷ ⵢⴻⵜⵜⵇⴰⴷⴰⵔⴻⵏ ⵍⵇⴰⵏⵓⵏ.