ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵉⵖⵉⵍⵜ: 4 ⵏ ⵛⵛⵉⵄⴰⵜ ⵉ ⵍⴻⵣⵣⴰⵢⴻⵔ

ⵔⵔⴱⴰⵟ - ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵉⵖⵉⵍⵜ ⵜⴰⴳⵔⵉⴳⵉⵜ-ⵜⴰⵕⵓⵎⴰⵏⵉⵜ (ⵉⵎⴻⵇⵔⴰⵏⴻⵏ ⵉⵔⴳⴰⵣⴻⵏ) ⵜⴻⵔⴱⴻⵃ-ⴷ 4 ⵏ ⵜⵣⴰⵍⵖⵉⵡⵉⵏ (ⵎⵉⴷⴰⵍⵉⵢⵢⴰⵜ), 3 ⵏ ⵍⴼⴻⵟⵟⴰ, 1 ⵏ ⵓⴱⵕⵓⵏⵣ, ⵎⵉ ⵉⴼⵓⴽ ⵡⴰⵙⵙ ⵡⵉⵙ 4 ⵏ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵉⵖⵉⵍⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⴻⵍ ⵊⴰⴷⵉⴷⴰ, ⴷⴻⴳ ⵎⴻⵕⵕⵓⴽ.

ⵜⵉⵣⴰⵍⵖⵉⵡⵉⵏ ⵏ ⵓⵥⵔⴻⴼ (ⵍⴼⴻⵟⵟⴰ) ⵔⴻⴱⵃⴻⵏ-ⵜⴻⵏⵜ ⴼⴻⵔⴳⴰⵜ ⴰⴱⴷⴻⵍⴽⵔⵉⵎ (59 ⵏ ⵢⵉⴽⵉⵍⵓⴳⵕⴰⵎⴻⵏ), ⴱⵧⵓⵔⵎⴻⵍ ⵀⵉⵛⵀⴻⵎ (74 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⴱⵧⵓⴷⵊⴻⵎⵍⵉⵏⴻ ⴰⴷⴻⵎ (85 ⵏ ⵢⵉⴽⵉⵍⵓⴳⵕⴰⵎⴻⵏ), ⵎⴰ ⴷ ⵜⴰⵣⴰⵍⵖⵉ-ⵏⵏⵉ ⵏ ⵓⴱⵕⵓⵏⵣ ⵢⴻⵔⴱⴻⵃ-ⵉⵜⵜ ⴷⴻⵀⵔⵉ ⵀⴰⵎⵉⴷ (130 ⵏ ⵢⵉⴽⵉⵍⵓⴳⵕⴰⵎⴻⵏ).

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵉⵖⵉⵍⵜ (ⵉⵍⴻⵎⵥⵉⵢⴻⵏ ⵉⵇⵛⵉⵛⴻⵏ) ⵜⴼⵓⴽ ⴰⵎⵙⵉⵣⵡⴻⵔ-ⵏⵏⴻⵙ ⵙ 6 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ ⴷ 2 ⵏ ⵓⵥⵔⴻⴼ) ⴷⴻⴳ ⵜⵉⵖⵉⵍⵜ ⵜⵉⵍⴻⵍⵍⵉⵜ ⴷ ⵜⵉⵖⵉⵍⵜ ⵜⴰⴳⵔⵉⴳⵉⵜ-ⵜⴰⵕⵓⵎⴰⵏⵉⵜ.

ⵜⵉⵣⴰⵍⵖⵉⵡⵉⵏ ⵏ ⵡⵓⵔⴻⵖ ⵔⴻⴱⵃⴻⵏ-ⵜⴻⵏⵜ ⵍⴰⴽⴻⵍ ⴼⴰⵔⴻⵙ (55 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵍⴰⵉⵙⵙⴰⵧⵓⵉ ⴰⵎⴰⵔ (60 ⵏ ⵢⵉⴽⵉⵍⵓⴳⵕⴰⵎⴻⵏ) ⴷⴻⴳ ⵜⵉⵖⵉⵍⵜ ⵜⵉⵍⴻⵍⵍⵉⵜ. ⵎⴰ ⴷ ⵜⴰⵣⴰⵍⵖⵉ ⵏ ⵓⵥⵔⴻⴼ ⵢⴻⵔⴱⴻⵃ-ⵉⵜⵜ ⴽⴰⵜⴻⴱ ⵙⴰⵍⴰⵀⴻⴷⴷⵉⵏⴻ (50 ⵏ ⵢⵉⴽⵉⵍⵓⴳⵕⴰⵎⴻⵏ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵉⵍⵜ ⵜⴰⴳⵔⵉⴳⵉⵜ-ⵜⴰⵕⵓⵎⴰⵏⵉⵜ, 3 ⵏ ⵜⵣⴰⵍⵖⵉⵡⵉⵏ (2 ⵏ ⵡⵓⵔⴻⵖ ⴷ 1 ⵏ ⵓⵥⵔⴻⴼ) ⴰⵢ ⴷ-ⵢⴻⵜⵜⵡⴰⵔⴻⴱⵃⴻⵏ ⴷⴰⵖ. ⵙⵏⴰⵜ-ⵏⵏⵉ ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ ⵔⴻⴱⵃⴻⵏ-ⵜⴻⵏⵜ ⴷⵧⵓⵍⴰⵛⵀⴻ ⵛⵀⴰⵧⵓⴽⵉ (74 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵙⵉⴷ ⴰⵣⴰⵔⴰ ⴱⴰⵛⵀⵉⵔ (84 ⵏ ⵢⵉⴽⵉⵍⵓⴳⵕⴰⵎⴻⵏ), ⵎⴰ ⴷ ⵜⴰⵣⴰⵍⵖⵉ-ⵏⵏⵉ ⵏ ⵓⵥⵔⴻⴼ, ⵢⴻⵔⴱⴻⵃ-ⵉⵜⵜ ⵍⴰⵧⵓⵏⵉ ⴰⴱⴷⴻⵏⵧⵓⵔ (60 ⵏ ⵢⵉⴽⵉⵍⵓⴳⵕⴰⵎⴻⵏ).

14 ⵏ ⵢⵉⵏⴰⴷⴷⴰⵍⴻⵏ ⴰⵢ ⵢⴻⴷⴷⴰⵏ ⴷⴻⴳ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ (ⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ) ⴰⵢ ⵍⴰ ⵢⴻⵜⵜⴻⴽⴽⴰⵢⴻⵏ ⴷⴻⴳ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵉⵖⵉⵍⵜ ⴷⴻⴳ ⴻⵍ ⵊⴰⴷⵉⴷⴰ.