Asebter amenzawi

Talɣuɣa taɛṛabt n tiɣilt: 4 n cciɛat i Lezzayer

RRBAṬ - Taɣlamt tadzayrit n tiɣilt tagrigit-taṛumanit (imeqranen irgazen) terbeḥ-d 4 n tzalɣiwin (midaliyyat), 3 n lfeṭṭa, 1 n ubṛunz, mi ifuk wass wis 4 n Telɣuɣa taɛṛabt n tiɣilt ay d-yellan ass n laṛebɛa deg El Jadida, deg Meṛṛuk.

Tizalɣiwin n uẓref (lfeṭṭa) rebḥen-tent Fergat Abdelkrim (59 n yikilugṛamen), Bourmel Hichem (74 n yikilugṛamen) d Boudjemline Adem (85 n yikilugṛamen), ma d tazalɣi-nni n ubṛunz yerbeḥ-itt Dehri Hamid (130 n yikilugṛamen).

Seg yidis niḍen, taɣlamt tadzayrit n tiɣilt (ilemẓiyen iqcicen) tfuk amsizwer-nnes s 6 n tzalɣiwin (4 n wureɣ d 2 n uẓref) deg tiɣilt tilellit d tiɣilt tagrigit-taṛumanit.

Tizalɣiwin n wureɣ rebḥen-tent Lakel Fares (55 n yikilugṛamen) d Laissaoui Amar (60 n yikilugṛamen) deg tiɣilt tilellit. Ma d tazalɣi n uẓref yerbeḥ-itt Kateb Salaheddine (50 n yikilugṛamen).

Deg wayen yerzan tiɣilt tagrigit-taṛumanit, 3 n tzalɣiwin (2 n wureɣ d 1 n uẓref) ay d-yettwarebḥen daɣ. Snat-nni n tzalɣiwin n wureɣ rebḥen-tent Doulache Chaouki (74 n yikilugṛamen) d Sid Azara Bachir (84 n yikilugṛamen), ma d tazalɣi-nni n uẓref, yerbeḥ-itt Laouni Abdenour (60 n yikilugṛamen).

14 n yinaddalen ay yeddan deg teɣlamt tadzayrit (ilemẓiyen d yimeqranen) ay la yettekkayen deg Telɣuɣa Taɛṛabt n tiɣilt deg El Jadida.