ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Burkina Faso: Lḥukuma tɛewwel ad d-teg tifranin « ɣef zik lḥal » (aneɣlaf)

ⴱⵓⵔⴽⵉⵏⴰ ⴼⴰⵙⵓ: ⵍⵃⵓⴽⵓⵎⴰ ⵜⵄⴻⵡⵡⴻⵍ ⴰⴷ ⴷ-ⵜⴻⴳ ⵜⵉⴼⵔⴰⵏⵉⵏ « ⵖⴻⴼ ⵣⵉⴽ ⵍⵃⴰⵍ » (ⴰⵏⴻⵖⵍⴰⴼ)

ⵡⴰⴳⴰⴷⵓⴳⵓ – ⴰⵏⴰⴱⴰⴹ ⵏ ⵜⵓⴽⴽⵉⵜ (ⵍ’ⵉⵏⵜⵉⵇⴰⵍ) ⵏ ⴱⵓⵔⴽⵉⵏⴰ ⴼⴰⵙⵧ ⵉⵄⴻⵡⵡⴻⵍ ⴰⴷ ⴷ-ⵢⴻⴳ ⵜⵉⴼⵔⴰⵏⵉⵏ « ⵖⴻⴼ ⵣⵉⴽ ⵍⵃⴰⵍ » ⴰⴽⴽⴻⵏ ⴰⴷ ⴷ-ⵢⴻⵙⵙⵓⴼⴼⴻⵖ ⵜⴰⵎⵓⵔⵜ ⵙⴻⴳ ⵜⴰⵍⵓⴼⵜ-ⵏⵏⵉ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⵍⵍⴰⵏ ⴷⴻⴳ-ⵙ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵍⵍⴰ ⵜⵓⵜⵜⵢⴰ-ⵏⵏⵉ ⵜⴰⵙⴻⵔⴷⴰⵙⵉⵜ ⵢⴻⵜⵜⵡⴰⵣⴻⴳⵍⴻⵏ ⵏ 17 ⵛⵜⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⴻⵖⵍⴰⴼ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ, ⵏ ⵓⵅⴻⴷⴷⵉⵎ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⴰⵓⴳⵓⵙⵜⵉⵏ ⵍⵧⴰⴷⴰ.

ⵜⵓⵜⵜⵢⴰ-ⵏⵏⵉ ⵜⴰⵙⴻⵔⴷⴰⵙⵉⵜ ⵢⴻⵜⵜⵡⴰⵣⴻⴳⵍⴻⵏ ⵜⴻⵍⵍⴰ-ⴷ 3 ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵜⴻⴱⴷⴰ ⵜⵃⴻⵎⵍⴰ ⵏ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴰⵢ ⵢⴻⵍⵍⴰⵏ ⵜⵜⴻⴷⴷⵓⵏⵜ ⴰⴷ ⴷ-ⵉⵍⵉⵏⵜ, ⵏⴰⵇⴰⵍ, ⴷⴻⴳ ⵜⵓⴱⴻⵕ ⵏ 2015, ⵢⴻⵔⵏⴰ ⴰⵏⴻⵖⵍⴰⴼ ⵍⵧⴰⴷⴰ ⵢⴻⵜⵜⵡⴰⵍⵉ ⴷ ⴰⴽⴽⴻⵏ ⵜⵓⵜⵜⵢⴰ-ⴰ ⵜⴻⵍⵍⴰ-ⴷ ⵉ ⵓⵔⵡⴰⵢ ⵏ ⵡⴰⵀⵉⵍ ⴰⵢ ⵢⴻⵙⵙⴻⴼⵔⴰ ⵓⵏⴰⴱⴰⴹ ⴰⴷ ⵜ-ⵢⴻⴹⴼⴻⵔ ⵏⴰⵇⴰⵍ.

ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⵢ ⴷ-ⵢⴻⵏⵏⴰⵏ ⴰⵢⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⵓⵏⴰⴱⴰⴹ ⵏ ⵜⵓⴽⴽⵉⵜ, ⵜⴰⴷⵢⴰⵏⵜ-ⴰ ⴰⵢ ⴷ-ⵢⴻⵍⵍⴰⵏ ⵓⵔ ⵜⴻⵣⵎⵉⵔ ⴰⵔⴰ ⴰⴽⴽ ⴰⴷ ⵜⴻⵔⵡⵉ ⴰⵀⵉⵍ ⵏ ⵓⵏⴰⴱⴰⴹ.

« ⵖⴰⵙ ⵀⴻⴷⴷⵏⴻⵜ ⵉⵎⴰⵏ-ⵏⵡⴻⵏ, ⵓⵍⴰ ⴷ ⵢⵉⵡⴻⵏ ⴷⴻⴳ ⵓⵏⴰⴱⴰⴹ ⵓⵔ ⵢⴻⴱⵖⵉ ⴰⴷ ⵢⴻⵇⵇⵉⵎ ⵉ ⵍⴻⴱⴷⴰ. ⴱⴷⴰⵏⵜ-ⴷ ⵍⴻⵎⵛⴰⵡⵕⴰⵜ ⴷ ⵢⵉⴷⵉⵙⴰⵏ ⴰⵢ ⵢⴻⵙⵜⴻⵏⵢⴰⵏ ⴰⵔⴽⴰⵡⴰⵍ (ⵍⵎⵉⵜⴰⵇ), ⵜⴰⵙⴻⵇⵇⴰⵎⵓⵜ ⵏ ⵜⴻⴼⵔⴰⵏⵉⵏ ⴷ ⵓⵏⴰⴱⴰⴹ, ⴰⴽⴽⴻⵏ ⴰⴷ ⵏⵄⴰⵡⴻⴷ ⴰⴷ ⵏⴻⵎⵙⴻⴼⵀⴰⵎ ⵖⴻⴼ ⵡⴰⵙⵙ ⴰⵢⴷⴻⴳ ⴰⵔⴰ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⵜⵉⵍⴻⵍⵍⵉⵢⵉⵏ ⵢⴻⵔⵏⴰ ⴷ ⵜⵉⴼⵔⴰⵡⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵓⵙⴰⵔⴰⴳ-ⴰ ⵏ ⵜⵖⴻⵎⵙⴰ ⵢⴻⵍⵍⴰⵏ ⴷ ⴰⵎⴻⵣⵡⴰⵔⵓ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵍⵍⴰ ⵜⵓⵜⵜⵢⴰ-ⵏⵏⵉ ⵜⴰⵙⴻⵔⴷⴰⵙⵉⵜ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⴰⵏⴻⵟⵟⴰⵇ ⵏ ⵓⵏⴰⴱⴰⴹ, ⴼⵔⴻⴷⴻⵔⵉⵛ ⴰ.ⵜ. ⵏⵉⴽⵉⴻⵎⴰ, ⴷ ⴰⴽⴽⴻⵏ ⴰⵖⵔⴻⴼ ⴰⴱⵓⵔⴽⵉⵏⴰⴱⵉ ⵢⵓⴽⵍⴰⵍ ⵜⴰⵊⵎⵉⵍⵜ ⵉⵎⵉ ⴰⵢ ⵉⵄⴻⵡⵡⴻⵍ « ⴰⴷ ⵉⵃⵓⴷⴷ ⴰⵣⴰⵍⴻⵏ ⵉⵎⴻⵇⵔⴰⵏⴻⵏ ⵏ ⵜⵍⴻⵍⵍⵉⵢⵉⵏ ⵖⵍⴰⵢⴻⵏ » ⵏ ⵜⵎⵓⵔⵜ. ⴷ ⴰⵛⵓ ⴽⴰⵏ, ⵢⴻⵙⵃⴰⵙⵙⴻⴼ ⴷⴰⵖ ⵖⴻⴼ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⴰⵢⴷⴻⴳ ⵎⵎⵓⵜⴻⵏ 14 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵊⴻⵔⵃⴻⵏ 254 ⵏⵉⴹⴻⵏ.