ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵜⴰⵡⵉ ⵏ ⵜⴻⵍⵡⵉⵜ ⴷⵉ ⵎⴰⵍⵉ: ⴰⵏⵎⴰⵀⴰⵍ ⴰⵎⴰⵍⵉ ⵢⴻⵙⵏⴻⵎⵎⴻⵔ ⵜⴰⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ

LEZZAYER – Anmahal amali di Lezzayer, Mas Nainy Touré, yerra tajmilt ass n laxmis i tdiblumasit tazzayrit ladɣa amḍebbeṛ-ines, Ramtane Lamamra, i wayen akk texdem deg usurrif udiwenni ger yidisan imaliyen s laɛnaya tagraɣlant ladɣa Lezzayer.

"ⵏⴻⵙⵄⴰ ⵜⴰⵎⵓⵖⵍⵉ ⵢⴻⵜⵜⵓⵎⴻⵢⵣⴻⵏ ⵖⴻⴼ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ", ⵉⴷ-ⵢⴻⵏⵏⴰ ⵓⴷⵉⴱⵍⵓⵎⴰⵙⵉ ⴰⵎⴰⵍⵉ, ⵖⴻⵔ ⵢⵉⴷⵉⵙ ⵏ ⵜⵎⴰⵖⵕⴰ ⴷ-ⵢⴻⵙⵎⴻⴽⵜⴰⵢⴻⵏ ⴰⵙⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ.

ⵎⴰⵙ ⵏⴰⵉⵏⵢ ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ ⵍⴻⵎⵛⴰⵡⵔⴰⵜ ⴳⴻⵔ ⵓⵏⴰⴱⴰⴹ ⴰⵎⴰⵍⵉ ⴰⴽⴽ ⴷ ⵜⵔⴻⴱⴱⵓⵢⴰⵄ ⵜⵉⵙⴻⵔⵜⴰⵏⵉⵏ ⵜⵉⵙⴻⵔⴷⴰⵙⵉⵢⵉⵏ ⵏ ⵜⴻⵎⵏⴰⴹⵜ ⵓⴳⴰⴼⴰ ⵏ ⵎⴰⵍⵉ.

"ⴰⵎ ⵡⴰⴽⴽⴻⵏ ⵜⴻⵥⵕⴰⵎ ⵍⴻⵎⵛⴰⵡⵔⴰⵜ-ⴰⴳⵉ ⵙⵙⴰⵡⴹⴻⵏ ⵖⴻⵔ ⵢⵉⵙⵡⵉ ⴰⴽⴽⴻⵏ ⵉⵡⴰⵜⴰ, ⴷ ⴰⵢⴰⴳⵉ ⴷ-ⵢⴻⵜⵜⴱⴻⴳⴳⵉⵏⴻⵏ ⴰⵣⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⴰⴽⴽ ⴷ ⵓⵎⴹⴻⴱⴱⴻⵕ-ⵉⵏⴻⵙ, ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⴽⴽ ⴷ ⵍⴻⵎⵄⵉⵡⵏⴰ ⵜⴰⴳⴻⵔⴰⵖⵍⴰⵏⵜ, ⵎⴰⵙ ⵍⴰⵎⴰⵎⵔⴰ, ⴷ-ⵉⴱⴻⴳⴳⵏⴻⵏ ⵉ ⵓⵎⴰⴹⴰⵍ ⴱⴻⵍⵍⵉ ⴷ ⴰⵔⴳⴰⵣ ⵏ ⴷⴷⴻⵡⵍⴰ", ⵉⴷ-ⵢⴻⵏⵏⴰ ⵓⴷⵉⴱⵍⵓⵎⴰⵙⵉ ⴰⵎⴰⵍⵉ.

ⴰⴳⴻⵏⵙⴰⵙ ⵏ ⵎⴰⵍⵉ ⴷⵉ ⵍⴻⵣⵣⴰⵢⴻⵔ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵏⵏⵉⴳ ⵏ ⵢⴰⴽⴽ "ⵉⵖⴻⴱⵍⴰⵏ ⴰⵢ ⴷ-ⵏⴻⵎⵎⵓⴳⴻⵔ, ⴷⴻⴳ ⵓⵙⵓⵔⵔⵉⴼ-ⴰⴳⵉ ⵏ ⵓⴷⵉⵡⴻⵏⵏⵉ ⴳⴻⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ, ⵢⴻⵙⵙⴰⵡⴻⴹ (ⵎⴰⵙ ⵍⴰⵎⴰⵎⵔⴰ) ⴰⴷ ⵢⴻⵙⵖⵉⵎ ⴰⴽⴽ ⵉⴷⵉⵙⴰⵏ ⴷⴻⴳ ⵢⵉⵡⴻⵜ ⵏ ⵟⵟⴰⴱⵍⴰ ⴰⴽⴽ ⴷ ⵡⴰⵢⴻⵏ ⵓⵖⴻⵔ ⵏⴻⵙⵙⴰⵡⴻⴹ".