ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰⴽⵙⵉⴷⴰⵜ ⵏ ⵓⴱⵔⵉⴷ: 2.949 ⴰⵢ ⵢⴻⵎⵎⵓⵜⴻⵏ ⴷⴻⴳ 9 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – 2.949 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵢⵉⵙⴻⵀⵡⴰ (ⵍⵃⴰⵡⴰⴷⵉⵜ) ⵏ ⵓⴱⵔⵉⴷ ⴷⴻⴳ 9 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⴷⴻⴳ ⵡⴰⴽⵓⴷ ⴰⵢⴷⴻⴳ ⴷⴻⴳ 2014, 3.129 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵢⵓⵜⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ. ⵙ ⵡⴰⵢⴰ, ⴰⵎⴹⴰⵏ (ⵍⴻⵄⴷⴰⴷ) ⵏ ⵢⵉⵎⴻⵜⵜⴰⵏⴻⵏ ⵢⴻⵏⵇⴻⵙ ⵙ 180 ⵏ ⵢⵉⵎⴷⴰⵏⴻⵏ (-5,75%) ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵙⴻⵜⵍⴰ (ⴷⴷⴰⵕⴰⴽ) ⵜⴰⵖⴻⵍⵏⴰⵡⵜ.

ⵎⴰ ⴷ ⵉⵎⴻⵊⵔⴰⵃ, ⴷⴻⴳ 9 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ-ⴰ, ⵡⵡⴹⴻⵏ ⵖⴻⵔ 29.479, ⵢⴻⵔⵏⴰ ⵢⴻⵏⵇⴻⵙ ⵓⵎⴹⴰⵏ-ⵏⵙⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⵍⵉⵏⴷⵉ ⴷⴻⴳ ⵜⴰⵍⵍⵉⵜ-ⵏⵏⵉ ⴰⵢⴷⴻⴳ ⵊⴻⵔⵃⴻⵏ 35.586 ⵏ ⵢⵉⵎⴷⴰⵏⴻⵏ. ⵙ ⵡⴰⵢⴰ, ⴰⵎⴹⴰⵏ ⵏ ⵢⵉⵎⴻⵊⵔⴰⵃ ⵢⴻⵏⵇⴻⵙ ⵙ 6.107 ⵏ ⵍⵉⵃⴰⵍⴰⵜ (-17,16%), ⵖⴻⴼ ⵍⴻⵃⵙⴰⴱ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.

ⴰⵎⴹⴰⵏ ⵏ ⵢⵉⵙⴻⵀⵡⴰ ⵢⴻⵏⵇⴻⵙ-ⴷ ⵓⵍⴰ ⴷ ⵏⴻⵜⵜⴰ, ⵉⵎⵉ ⴰⵙⴻⴳⴳⴰⵙ-ⴰ ⵍⵍⴰⵏ-ⴷ 16.241 ⵏ ⵢⵉⵙⴻⵀⵡⴰ ⴷⴻⴳ 9 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ, ⵢⵉⵍⵉ ⵉⵍⵉⵏⴷⵉ, ⴷⴻⴳ ⵜⴰⵍⵍⵉⵜ-ⵏⵏⵉ, ⵍⵍⴰⵏ-ⴷ 19.262 ⵏ ⵢⵉⵙⴻⵀⵡⴰ. ⵙ ⵡⴰⵢⴰ, ⴰⵎⴹⴰⵏ ⵏ ⵢⵉⵙⴻⵀⵡⴰ ⵢⴻⵏⵇⴻⵙ-ⴷ ⵙ 3.021 ⵏ ⵍⵉⵃⴰⵍⴰⵜ (-15,68%), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.

ⵜⴰⵛⵔⴰⵡⵜ-ⴰ (ⵍⵃⴰⵚⵉⵍⴰ) ⵜⴻⴱⴷⴻⵔ-ⴷ ⴷⴰⵖ ⴷ ⴰⴽⴽⴻⵏ ⴷⴻⴳ 9 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵢⴰⵍ ⴰⵙⵙ ⵍⵍⴰⵏ ⵜⵜⵎⴻⵜⵜⴰⵜⴻⵏ 11 ⵏ ⵢⵉⵎⴷⴰⵏⴻⵏ, ⴷⴻⴳ ⵜⵍⴻⵎⵎⴰⵙⵜ, ⵢⴻⵔⵏⴰ ⵍⵍⴰⵏ ⵊⴻⵔⵔⵃⴻⵏ 130 ⵏ ⵢⵉⵎⴷⴰⵏⴻⵏ ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⵜⵜⵉⵍⵉⵏ-ⴷ 70 ⵏ ⵢⵉⵙⴻⵀⵡⴰ.