ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵔⵖⵉⵡⵜ ⵏ ⵍⵍⵓⵣⵉⵏ ⵏ ⴻⵏⵉⴻ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ: ⴰⵃⵜⴰⵙ ⴷ ⴰⵍⵇⴰⵢⴰⵏ ⵉ ⵓⵇⴻⵢⵢⴻⵎ ⵏ ⵍⴻⵅⵚⴰⵔⴰ
ⵙⵉⴷⵉ ⴱⴻⵍⵄⴻⴱⴱⴰⵙ – ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵃⵜⴰⵛ ⴷ ⴰⵍⵇⴰⵢⴰⵏ ⵉ ⵓⵇⴻⵢⵢⴻⵎ ⵏ ⵢⵉⵅⴻⵚⵚⴰⵔⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⴻⵔⵖⵉⵡⵜ ⵏ ⵍⵍⵓⵣⵉⵏ-ⵏⵏⵉ ⵏ ⵜⵜⴰⵡⵉⵍ ⴰⵍⵉⴽⵜⵕⵓⵏⴰⵏ ⵏ ⵜⴻⴳⵔⴰⵡⵜ ⵏ ⴻⵏⵉⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ ⵓⵏⴻⵖⵍⴰⴼ ⵏ ⵜⴻⵎⴳⵔⵓⵜⵉ (ⵚⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ.
« ⴰⵍⴰ ⵉⵎⴰⵣⵣⴰⵢⴻⵏ (ⵍⵅⵓⴱⴰⵔⴰ’) ⴰⵢ ⵉⵣⴻⵎⵔⴻⵏ ⴰⴷ ⴷ-ⴰⴼⴻⵏ ⴰⵛⵃⴰⵍ ⴰⵢ ⵎⴻⵖⵖⴻⵔ ⵓⵅⴻⵚⵚⴰⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵜⵡⵉⵍⴰⵢⵜ, ⴷⴻⴼⴼⵉⵔ ⵎⴰ ⵢⴻⵔⵣⴰ ⵖⴻⴼ ⵓⵎⴽⴰⵏ-ⵏⵏⵉ ⵏ ⵓⵅⴻⵚⵚⴰⵔ ⵢⴻⵔⵏⴰ ⵢⴻⵥⵔⴰ-ⴷ ⴰⵢⴻⵏ ⴰⵢ ⵜⴻⵙⵙⴻⵅⵚⴻⵔ ⵜⵎⴻⵙ ⴰⵙⵙ ⵏ ⵍⴻⵅⵎⵉⵙ ⵢⴻⵣⵔⵉⵏ. ⵢⴻⵏⵏⴰ-ⴷ, ⵓⵏⴻⵖⵍⴰⴼ, ⴷ ⴰⴽⴽⴻⵏ ⴰⵃⵜⴰⵛ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ.
ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵜⵜⴰⵡⵉⵍⴰⵜ ⵏ ⵓⵄⴻⵢⵢⴻⵏ ⴷ ⵍⴰⵎⴰⵏ ⴰⵢ ⵜⴻⵙⵄⴰ ⵍⵍⵓⵣⵉⵏ-ⵏⵏⵉ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵙⵙ ⵏ ⵍⴻⵅⵎⵉⵙ-ⵏⵏⵉ, ⵎⵉ ⴷ-ⵜⴻⵍⵍⴰ ⵜⵎⴻⵙ-ⵏⵏⵉ, ⵏⴻⴼⴽⴰ ⵍⴻⵡⵚⴰⵢⴰⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⵇⵇⴻⵇ ⵖⴻⴼ ⵜⵜⴰⵡⵉⵍⴰⵜ-ⴰ ⵢⴻⵔⵏⴰ ⴰⴷ ⵏⴰⴷⵉⵏ ⵖⴻⴼ ⵡⴰⵢⴻⵏ ⴰⵢ ⵉⵅⴻⵚⵔⴻⵏ ⴷⴻⴳ-ⵙⴻⵏ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷ ⴰⴽⴽⴻⵏ ⵍⵍⵓⵣⵉⵏ-ⵏⵏⵉ ⵜⴻⵍⵍⴰ ⵜⴻⵙⵄⴰ ⵜⵉⴽⴰⵎⵔⵉⵡⵉⵏ ⵏ ⵜⵄⴻⵙⵙⴰⵙⵜ ⴷⴻⴳ ⵓⵎⴽⴰⵏ-ⵏⵏⵉ ⴰⵢⴷⴻⴳ ⴷ-ⵢⴻⵜⵜⵡⴰⵅⴷⴰⵎ ⵜⵜⴰⵡⵉⵍ ⴰⵍⵉⴽⵜⵕⵓⵏⴰⵏ. ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⴷⴷⴰⵔⵉ-ⵏⵏⵉ ⴰⵢⴷⴻⴳ ⵅⴻⵣⵣⵏⴻⵏ ⵙⵙⴻⵍⵄⴰ ⵏ ⵓⵙⵙⵓⴷⴻⵔ (ⵉⵙⵜⵉⵀⵍⴰⴽ) ⵓⵍⴰⵛ ⴷⴻⴳ-ⵙ ⵜⵉⴽⴰⵎⵔⵉⵡⵉⵏ ⵏ ⵜⵄⴻⵙⵙⴰⵙⵜ. « ⴰⵢⴻⵏ ⴰⵢ ⴷ-ⴹⴹⴼⴻⵏⵜ ⵜⴽⴰⵎⵔⵉⵡⵉⵏ ⵏ ⵜⵄⴻⵙⵙⴰⵙⵜ ⵍⴰ ⵜ-ⵜⵃⴻⵜⵜⴻⵛ ⵜⴻⵎⵙⵓⵍⵜⴰ (ⵛⵛⵓⵔⵟⴰ) ⵜⵓⵙⵙⵏⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⴳⴳⴻⵎ ⵏ ⵍⵍⵓⵣⵉⵏ-ⵏⵏⵉ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵎⴽⴰⵏ-ⵏⵏⵉ ⴰⵢ ⵢⴻⵔⵖⴰⵏ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⵓⵖⴰⵍ ⵖⴻⵔ ⵓⵅⴻⴷⴷⵉⵎ. « ⵉⵣⵉⵔⵉⴳ (ⵍⵅⴰⵟⵟ) ⴰⵎⴻⵣⵡⴰⵔⵓ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⵓⵖⴰⵍ ⵖⴻⵔ ⵓⵅⴻⴷⴷⵉⵎ, ⵎⴰ ⴷ ⵉⵣⵉⵔⵉⴳ-ⵏⵏⵉ ⵡⵉⵙ ⵙⵉⵏ ⴰⴷ ⵜ-ⴰⵡⵉⵏ ⵖⴻⵔ ⵓⵙⴻⴷⴷⴰⵔⵉ ⵢⴻⵔⵏⴰ ⴷⵉⵏ ⴰⵔⴰ ⵢⵓⵖⴰⵍ ⴰⴷ ⵉⵅⴻⴷⴷⴻⵎ, ⴷⴻⴼⴼⵉⵔ ⵎⴰ ⴱⴻⴷⴷⵍⴻⵏ-ⴰⵙ ⵜⵉⵛⴻⵇⵇⵓⴼⵉⵏ-ⵏⵏⴻⵙ ⴰⵢ ⵉⵅⴻⵚⵔⴻⵏ. ⵜⵉⵛⴻⵇⵇⵓⴼⵉⵏ-ⴰ ⴰⵜⴻⵏⵜⵉ ⵡⴻⵊⴷⴻⵏⵜ ⴷⴻⴳ ⵓⵙⵓⴷⴷⵉⵙ (ⵎⵓⵕⴰⴽⴽⴰⴱ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
