ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵓⴽⵍⵉ ⵏ ⵓⵏⴻⵥⵔⵓⴼ ⵓⵜⵔⵉⵎ: ⵢⴻⵙⵙⴻⴼⴽ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴽⴽⵙⴻⵏ ⵉⵄⴻⵡⵡⵉⵇⴻⵏ ⵉ ⴼⴻⵔⵔⵓ ⵜⴰⵍⵓⴼⵜ
ⴱⵓⵊⴷⵓⵔ (ⴰⵎⴰⵣⵉⵔ ⵏ ⵢⵉⵣⵔⴰⵣⵖⴻⵏ ⵉⵚⴻⵃⵔⴰⵡⵉⵢⴻⵏ) – ⴰⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ, ⴰⴱⴷⴻⵍⴽⴰⴷⴻⵔ ⵜⴰⵍⴻⴱ ⵧⵎⴰⵔ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵙⵙⴻⴱⵜ ⵙⴻⴳ ⵓⵎⴰⵣⵉⵔ ⵏ ⵢⵉⵣⵔⴰⵣⵖⴻⵏ (ⵍⴰⴵⵉ’ⵉⵏ) ⵏ ⴱⵓⵊⴷⵓⵔ, ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ « ⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ » ⵢⴻⵔⵏⴰ ⴰⴷ ⴽⴽⵙⴻⵏ « ⵉⵄⴻⵡⵡⵉⵇⴻⵏ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⴼⴻⵔⵔⵓ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ». « ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⴷ ⴷ-ⵢⴻⵔⵣⵓ ⵖⴻⴼ ⵜⴻⵎⵏⴰⴹⵜ-ⴰ ⵓⵇⴱⴻⵍ ⵜⴳⴰⵔⴰ ⵏ 2015, ⵢⴻⵔⵏⴰ, ⵓⵇⴱⴻⵍ ⵜⴻⵔⵣⵉ-ⵏⵏⴻⵙ, ⴰⴷ ⴷ-ⴰⵙⴻⵏⵜ ⵜⵓⵖⴷⴰⴹⵉⵏ (ⴱⵉⵄⴰⵜ) ⵏ ⵓⵙⵙⴻⵡⵊⴻⴷ ⴷⴷⴰⵡ ⵕⵕⴰⵢ ⵏ ⵓⵎⴰⵣⵓⵏ-ⵏⵏⴻⵙ ⵓⴷⵎⴰⴰⵏ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ. ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵙⵄⴰ ⴰⵙⵙⵉⵔⴻⵎ ⴷ ⴰⵎⴻⵇⵔⴰⵏ ⴷⴻⴳ ⵜⴻⵔⵣⴰ-ⴰ ⴰⵢ ⴷ-ⵢⴻⵜⵜⴻⴷⴷⵓⵏ, ⵉⵎⵉ ⴰⵢ ⵜⴻⴹⵎⴻⵄ ⴰⵢⴰ ⴰⴷ ⵢⴻⴽⴽⴻⵙ ⵉⵄⴻⵡⵡⵉⵇⴻⵏ-ⴰ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⴼⴻⵔⵔⵓ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵓⵙⴼⵓⴳⴻⵍ (ⵉⵃⵜⵉⴼⴰⵍ) ⵓⵏⵚⵓⴱ ⵏ ⵓⵎⵓⵍⵍⵉ ⵡⵉⵙ 40 ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵜⴰⵚⴻⵃⵔⴰⵡⵉⵜ. ⴰⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ ⵉⵄⴰⵡⴻⴷ-ⴷ ⵉ ⵜⴻⵖⵔⵉ-ⵏⵏⴻⵙ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ « ⴰⴷ ⴷ-ⵉⴳⴻⵔ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵍⴻⵃⵙⴰⴱ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵖⵔⴻⴼ ⴰⵚⴻⵃⵔⴰⵡⵉ ⵓⵔ ⵢⴻⵜⵜⵖⵉⵎⵉ ⴰⵔⴰ ⵉ ⵍⴻⴱⴷⴰ ⵢⴻⵙⴱⴻⴽ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⴰⵢⴷⴻⴳ ⵢⴻⴷⴷⴻⵔ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⵖⴻⵏ ⴷ ⵜⴻⵎⵏⴰⴹⵉⵏ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ». « ⵜⵉⵔⵏⵉ ⵜⴰⵖⴻⵍⵏⴰⵡⵜ ⵏ ⵓⵙⵍⴻⵍⵍⵉ ⵏ ⵜⴻⵔⴳⴰ ⵣⴻⵡⵡⴰⵖⴻⵏ ⴷ ⵡⴰⵙⵉⴼ ⵏ ⵡⵓⵔⴻⵖ (ⵒⵧⵍⵉⵙⴰⵔⵉⵧ) ⵍⴰ ⴷ-ⵜⴻⵙⵙⴻⵡⵊⴰⴷ ⴰⵙⵡⵉⵔ-ⵏⵏⴻⵙ (ⵎⵓ’ⵜⴰⵎⴰⵕ) ⵡⵉⵙ 14 ⵉ ⵓⵀⴻⵢⵢⵉ ⵏ ⵓⵅⴻⴷⴷⵉⵎ ⴰⵔⴰ ⴷ-ⵢⵉⵍⵉⵏ ⵙⴻⴳ-ⴰ ⵖⴻⵔ ⵙⴷⴰⵜ ⴷ ⵡⴰⵎⴻⴽ ⴰⵔⴰ ⴷ-ⵜⵜⵡⴰⵙⵙⴻⵡⵍⵉⵡⵍⴻⵏ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⵏⵏⴰⵖⴻⵏ ⵓⴳⴰⵔ ⵉ ⵍⵎⴻⵏⴷ ⵏ ⵓⵃⴻⵜⵜⴻⵎ ⵏ ⵢⵉⵣⴻⵔⴼⴰⵏ-ⵏⵙⴻⵏ », ⵍⴰⴷⵖⴰ ⴰⵣⵔⴻⴼ ⵏ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ. ⴰⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 40 ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵜⴰⵚⴻⵃⵔⴰⵡⵉⵜ ⴷ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵢⵉⴷⵍⴻⵙ ⵢⴻⴱⴷⴰ-ⴷ, ⴷⴻⴳ ⵓⵎⴰⵣⵉⵔ ⵏ ⵢⵉⵣⵔⴰⵣⵖⴻⵏ ⵏ ⴱⵓⵊⴷⵓⵔ, ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ, ⴷ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴻⵍ-ⴱⵧⵓⵀⴰⵍⵉ, ⵙ ⵓⵃⴷⴰⵕ ⵏ ⵡⴰⵟⴰⵙ ⵏ ⵎⴻⴷⴷⴻⵏ ⴷ ⵜⵎⴰⴳⵍⵉⵡⵉⵏ (ⵡⵓⴼⵓⵇ) ⵙⴻⴳ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⵜⵓⵕⵓⴼⵉⵢⵉ ⴷ ⵜⴻⵎⵔⵉⴽⵜ ⵏ ⵓⵏⵥⵓⵍ ⴰⵢ ⴷ-ⵢⵓⵙⴰⵏ ⴰⴷ ⴷ-ⵙⵙⴻⴽⵏⴻⵏⵜ ⴰⴱⴷⴰⴷ-ⵏⵙⴻⵏⵜ ⵖⴻⵔ ⵜⴻⵎⵙⴰⵍⵜ ⵜⵓⵣⵔⵉⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ. ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⴷⵢⴰⵏⵜ-ⴰ ⵙ ⵢⵉⵡⴻⵜ ⵏ ⵜⵎⴰⴳⵍⴰ ⴷ ⵜⴰⵎⴻⵇⵔⴰⵏⵜ ⴰⵢⴷⴻⴳ ⵍⵍⴰⵏ ⴰⵎⴰ ⴷ ⴰⵢⵜ ⵢⵉⴷⵍⴻⵙ, ⴰⵎⴰ ⴷ ⵉⵏⴰⵥⵓⵔⴻⵏ. ⴷⴻⴳ ⵜⴻⴳⵏⵉⵜ-ⴰ, ⴳⴰⵏ ⵢⵉⵙⴻⵔⴷⴰⵙⴻⵏ ⵉⵚⴻⵃⵔⴰⵡⵉⵢⴻⵏ ⴰⵎⵙⵓⴷⴻⵖ (ⵉⵙⵜⵉⵄⵔⴰⴹ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵓⵀⴰⵏⴰⵢ (ⵄⴰⵔⴹ) ⴰⴼⵓⵍⴽⵍⵓⵕⵉ. ⴰⵀⵉⵍ ⵏ ⵓⵙⴼⵓⴳⴻⵍ-ⴰ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵢⴻⵔⵏⴰ ⴰⴷ ⴷ-ⵉⵍⵉⵏ ⴷⴻⴳ-ⵙ ⴰⵟⴰⵙ ⵏ ⵢⵉⵔⵎⵓⴷⴻⵏ (ⵏⵏⴰⵛⴰⵟⴰⵜ) ⵢⴻⵇⵇⵏⴻⵏ ⵖⴻⵔ ⵢⵉⴷⵍⴻⵙ ⴷ ⵜⵥⵓⵔⵉ.
