ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⴷ-ⵢⵉⵍⵉ ⵓⵎⵄⴰⵡⴻⵏ ⴳⴰⵔ ⵓⵖⵍⵉⴼ ⵏ ⵜⵜⴻⵕⴱⴻⵢⵢⴰ ⴷ ⵡⵉⵏ ⵏ ⵢⵉⴷⵍⴻⵙ (ⴱⴻⵏⴳⵀⴻⴱⵔⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ) ⴰⵖⴻⵍⵏⴰⵡ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵓⵎⵄⴰⵡⴻⵏ ⴷ ⵜⵉⵛⵛⵓⵔⴽⴰ ⴳⴰⵔ ⵓⵃⵔⵉⵛ ⵏ ⵓⵙⵙⴻⴳⵎⵉ ⴷ ⵡⵉⵏ ⵏ ⵢⵉⴷⵍⴻⵙ ⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⴱⴻⵢⵢⴻⵏ ⵢⵉⴷⵍⴻⵙ ⴷ ⵜⵥⵓⵔⵉ ⴷⴻⴳ ⵓⵖⴻⵔⴱⴰⵣ ⵢⴻⵔⵏⴰ ⴰⴷ ⵜⵜⵡⴰⵙⴱⴻⵖⵙⴻⵏ (ⴰⴷ ⵜⵜⵡⴰⵙⴻⴵⴵⵄⴻⵏ) ⵢⵉⴱⴰⵍⵎⵓⴷⴻⵏ ⴰⴽⴽⴻⵏ ⴰⴷ ⴷ-ⵙⵏⵓⵍⴼⵓⵢⴻⵏ.

ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵓⵎⴽⴰⵏ ⵉ ⵢⵉⴷⵍⴻⵙ ⴷⴻⴳ ⵓⵙⵙⴻⴳⵎⵉ ⵙ ⵓⵙⵙⴻⴱⴷⴻⴷ ⵏ ⵡⴰⵀⵉⵍⴻⵏ ⴰⵢⵖⴻⴼ ⴰⵢ ⵎⵙⴻⴼⵀⴰⵎⴻⵏ ⵢⵉⵖⵍⵉⴼⴻⵏ ⵏ ⵓⵙⵙⴻⴳⵎⵉ ⴷ ⵢⵉⴷⵍⴻⵙ ⴷⴻⴳ ⵓⵎⵜⴰⵡⴰ-ⵏⵙⴻⵏ (ⵉⵜⵜⵉⴼⴰⵇ) ⵏ ⵓⵎⵄⴰⵡⴻⵏ ⴰⵢ ⴳⴰⵏ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ.

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⴰⵀⵉⵍ-ⴰ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⴷ ⵡⵉⵏ ⴰⵢ ⵢⴻⵙⵙⴻⴼⵔⴰⵢⴻⵏ ⴰⴷ ⴷ-ⵢⴻⵙⵙⵉⴷⴻⴼ 80 ⵏ ⵢⵉⵎⴻⵙⴽⴰⵔⴻⵏ (ⵎⵓ’ⴰⵍⵍⵉⴼⵉⵏ) ⵉⴷⵣⴰⵢⵔⵉⵢⴻⵏ ⴷⴻⴳ ⵡⴰⵀⵉⵍ ⴰⵖⵓⵔⴱⵉⵣ ⵢⴻⵔⵏⴰ ⴰⴷ ⴷ-ⵉⵀⴻⵢⵢⵉ ⴰⵀⵉⵍⴻⵏ ⵏ ⵓⵙⵙⵉⵍⴻⵖ (ⵜⵜⴰⴽⵡⵉⵏ) ⵉ ⵍⵎⴻⵏⴷ ⵏ ⵜⵎⵓⵙⵙⵏⵉ ⵏ ⵢⵉⴹⵔⵉⵙⴻⵏ ⵉⵙⴻⴽⵍⴰⵏⴻⵏ ⴰⵔⴰ ⴷ-ⵢⴻⵜⵜⵡⴰⴼⴻⵔⵏⴻⵏ ⵉ ⵓⵖⴻⵔⴱⴰⵣ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵀⵉⵍ-ⴰ « ⴰⴷ ⵉⵍⵉⵏⵜ ⴷⴻⴳ-ⵙ ⵜⵓⴼⴼⵖⵉⵡⵉⵏ ⵜⵉⵙⴻⵏⵙⴻⴳⵎⴰⵏⵉⵏ (ⴱⵉⴷⴰⵖⵓⴵⵉⵢⵢⴰ) ⵉ ⵢⵉⴱⴰⵍⵎⵓⴷⴻⵏ » ⵢⴻⵔⵏⴰ ⴰⴷ ⵜⴻⵏ-ⴰⵡⵉⵏ ⵖⴻⵔ ⵢⵉⵙⴰⵍⴰⵢⴻⵏ (ⵎⴰⵜⴰⵃⵉⴼ) ⴷ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵍⵍⴰ ⵍⴰⵜⴻⵕ ⴰⵇⴱⵓⵔ ⴷ ⵓⵎⴻⵣⵔⵓⵢ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵉⵍⵉⵏ ⴷⴰⵖ ⵢⵉⵅⴻⴷⴷⵉⵎⴻⵏ ⵏ ⵜⵥⵓⵔⵉ ⴷⴻⴳ ⵢⵉⵖⴻⵔⴱⴰⵣⴻⵏ ⴰⵎ ⵓⵎⴻⵣⴳⵓⵏ, ⵙⵙⵉⵏⵉⵎⴰ, ⴰⵥⴰⵡⴰⵏ ⴷ ⵓⵙⵙⵓⵏⴻⵖ (ⵕⵕⴰⵙⵎ).

ⵜⵉⵎⵍⵉⵍⵉⵜ-ⴰ ⵢⴻⵍⵍⴰ-ⴷ ⴷⴰⵖ ⴷⴻⴳ-ⵙ ⵡⴰⵡⴰⵍ ⵖⴻⴼ ⵓⵀⴻⵢⵢⵉ ⵏ ⵓⵜⵜⴻⴽⴽⵉ ⵏ ⵓⵖⵍⵉⴼ ⵏ ⵓⵙⵙⴻⴳⵎⵉ ⴷⴻⴳ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 20 ⵏ ⵓⴷⵍⵉⵙ ⴰⵔⴰ ⴷ-ⵢⵉⵍⵉⵏ ⴳⴰⵔ 27 ⵜⵓⴱⴻⵕ ⴷ 7 ⵏⵡⴻⵎⴱⴻⵕ.

ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⴱⴷⴻⵔ-ⴷ ⵓⴳⵓⵔ ⵏ ⵍⴻⵅⵚⴰⵚ ⵏ ⵢⵉⵙⴻⵍⵎⴰⴷⴻⵏ ⵏ ⵓⵥⴰⵡⴰⵏ ⴷ ⵓⵙⵙⵓⵏⴻⵖ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵓⵙⵙⵉⴷⴻⴼ ⵏ ⵙⵏⴰⵜ-ⴰ ⵏ ⵜⵏⴻⴳⵡⴰ (ⵎⴰⵡⴰⴷⴷ) ⵖⴻⵔ ⵡⴰⴽⴽ ⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ.ⵍⴻⵜⵏⵉⵢⴻⵏ,