Asebter amenzawi

Timsizwert taɣelnawt n ubyaṛ deg Tbatent

LEZZAYER TAMANEɣT – 40 n yimariren (26 n yimeqranen d 14 n yilemẓiyen) ara yettekkin deg temsizwert taɣelnawt n ubyaṛ ara d-yilin ussan n lexmis d ljemɛa deg tzeɣɣa takkaddalt n « Kchida CLS » n Tbatent, ɣef wakken ay d-yenna ass n letniyen yiwen n ulɣu (bayan) n Tfidiṛalit Tadzayrit n Ṛṛafl d Ubyaṛ (FARB).

Tadyant-a d aḥric seg wahil n tfidiṛalit-a yerna ad teǧǧ isleɣmayen (mudarribin) ad ẓren aswir n yinaddalen-nsen deg tezwara n useggas-a amaynu n wurar.

Timsizwert-a ad tebdu ass n lexmis ɣef 6s00 n tmeddit, deffir temlilit tateknit d tesɣart aydeg ara d-iban anwa ara yuraren d wanwa, ɣef leḥsab n wahil ay d-yettwaheyyan i waya.

Ass amezwaru n wurar (lexmis) ad ifak deg yiḍ. Azekka-nni (ljemɛa), ad yebdu wurar ɣef 9s30 n tṣebḥit.

Tamsizwert-a taɣelnawt n ubyaṛ ad tfak s tukci n warrazen i wid ad irebḥen, ɣef wakken ay tt-id-yextem ulɣu n Tfidiṛalit.