ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵙⴻⵍⵍⴰⵍ ⴰⴷ ⵢⴻⵔⵣⵓ ⵜⵉⵔⵣⵉ ⵏ ⵓⵎⴰⵀⵉⵍ ⴰⵙⵙ ⵏ ⵍⴰⵔⴻⴱⵄⴰ ⵖⴻⵔ ⵜⴱⴻⵙⴽⴻⵔⵜ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⴷ ⵢⴻⵔⵣⵓ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⴽⴻⵔⵜ ⴰⵏⴷⴰ ⴰⵔⴰ ⵢⴻⵙⵙⴻⵍⵡⵉ ⵜⵉⵎⵍⵉⵍⵉⵜ ⵜⵉⵙ 18 ⵏ ⴳⴰⵔ ⴽⵔⴰⴹ ⵢⴻⵃⵔⵉⵛⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⵜⵉⵎⵍⵉⵍⵉⵜ-ⴰ ⴰⴷ ⵜⴻⵙⵙⵉⵡⴻⴹ ⵙ ’’ⴰⵙⴻⴽⵜⴰⵣⴰⵍ ⵏ ⵡⴰⵏⴷⴰ ⵢⴻⵙⵙⴰⵡⴻⴹ ⵓⵎⵜⴰⵡⴰ ⴰⴷⴰⵎⵙⴰⵏ ⴰⴽⴽⴻⴷ ⵓⵎⴻⵜⵜⵉ, ⴰⵣⵔⴰⵡ ⵏ ⵢⵉⴱⴻⵔⴷⴰⵏ ⴰⴽⴽⴻⴷ ⵡⴰⵍⵍⴰⵍⴻⵏ ⴰⵔⴰ ⵢⴻⵙⴱⴻⵖⵙⴻⵏ ⴰⵙⴻⴼⵜⵉ, ⴰⵙⴻⵖⵏⴻⵡ ⵏ ⵜⴻⵕⵎⵉⵙⵉⵏ ⴰⴽⴽⴻⴷ ⵓⵙⵉⵏⴻⴹ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⵔⴰ ⵔⴰⴼⵇⴻⵏ ⴷⴷⴻⵇⵙ ⵏ ⵢⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ, ⴰⴷ ⵉⴼⴰⵔⴻⵚ ⵜⵉⵔⵣⵉ-ⴰ ⴰⴽⴽⴻⵏ ⴰⴷ ⵢⴻⵙⵡⴻⴹ ⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ ⴰⵎⴻⵜⵜⵉ-ⴰⴷⴰⵎⵙⴰⵏ ⵏ ⵜⵡⵉⵍⴰⵢⵜ-ⴰ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⴷ-ⵢⴻⵏⵏⴰ ⴷⴻⴳ ⵜⴰⴳⴳⴰⵔⴰ ⵓⵍⵖⵓ.
