ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴰⵙⵓⴷⴰⵏⵉ ⵢⴻⵛⴽⴻⵕ-ⴷ « ⴷⴷⵓⵕ ⵢⴻⵍⵀⴰⵏ » ⵏ ⵍⴻⵣⵣⴰⵢⴻⵔ ⵉ ⵓⵙⵙⴻⵔⴽⴻⴷ ⵏ ⵍⵉⴱⵢⴰ ⴷ ⵎⴰⵍⵉ
ⵍⴻⵣⵣⴰⵢⴻⵔ – ⵢⴻⵔⵔⴰ ⵜⴰⵊⵎⵉⵍⵜ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵙⵓⴷⴰⵏ, ⵧⵎⴰⵔ ⵀⴰⵙⵙⴰⵏ ⴻⵍ ⴱⴰⵛⵀⵉⵔ, ⵉ ⵍⴻⵣⵣⴰⵢⴻⵔ ⴰⵙⵙ ⵏ ⵜⵜⵍⴰⵜⴰ ⵖⴻⴼ ⴷⴷⵓⵕ-ⵏⵏⴻⵙ « ⵢⴻⵍⵀⴰⵏ » ⴷⴻⴳ ⵓⵙⵙⴻⵔⴽⴻⴷ ⵏ ⵍⵉⴱⵢⴰ ⴷ ⵎⴰⵍⵉ ⴷ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ ⴰⵄⵕⴰⴱ. ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴰⵢ ⴷ-ⵉⴳⴰ ⴷⴻⴳ ⵓⵏⴰⴼⴰⴳ ⵏ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ, ⵛⵡⵉⵟ ⵓⵇⴱⴻⵍ ⵎⴰ ⵢⴻⵇⵍⴻⵄ ⵙⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵙⵓⴷⴰⵏⵉ ⴷ ⴰⴽⴽⴻⵏ ⴰⵙⵇⴻⵔⴷⴻⵛ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵎⴻⴽ ⵙⴻⵍⵍⴰⵍ, ⵢⴻⴵⴵⴰ-ⵜⴻⵏ ⴰⴷ ⴷ-ⴱⴻⴷⵔⴻⵏ ⴰⵟⴰⵙ ⵏ ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵢⴻⵔⵏⴰ ⴰⴷ ⵙⵙⵉⵡⵍⴻⵏ ⵖⴻⴼ « ⴷⴷⵓⵕ ⵢⴻⵍⵀⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵙⴻⵔⴽⴻⴷ ⵏ ⵍⵉⴱⵢⴰ, ⵎⴰⵍⵉ ⴷ ⵓⵎⴰⴹⴰⵍ ⴰⵄⵕⴰⴱ ».
ⵎⴰⵙⵙ ⵧⵎⴰⵔ ⴻⵍ ⴱⴰⵛⵀⵉⵔ ⵉⵅⴻⴱⴱⴻⵔ-ⴷ ⴷⴰⵖ ⴷ ⴰⴽⴽⴻⵏ ⵢⴻⵍⵍⴰ ⵓⵅⴻⴷⴷⵉⵎ ⴷ ⵓⵛⵔⵉⴽ ⴳⴰⵔ ⵍⴻⵣⵣⴰⵢⴻⵔ ⴷ ⵙⵓⴷⴰⵏ ⵉ ⵢⵉⵔⵉⵔⵉ ⵏ ⵓⵔⴽⴰⴷ ⵖⴻⵔ ⵍⵉⴱⵢⴰ, ⵙⵓⵔⵢⴰ, ⵄⵉⵔⴰⵇ ⴷ ⵢⴰⵎⴰⵏ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜⵜ ⵜⴰⴼⴰⵍⴻⵙⵟⵉⵏⵉⵜ, ⵢⴻⵙⵎⴻⴽⵜⵉ-ⴷ ⵓⵙⴻⵍⵡⴰⵢ ⴰⵙⵓⴷⴰⵏⵉ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵜⵎⵓⵔⵜ-ⵏⵏⴻⵙ ⵎⵙⴻⴼⵀⴰⵎⴻⵏⵜ ⵖⴻⴼ ⵜⴻⵎⵙⴰⵍⵜ-ⴰ ⵢⴻⵔⵏⴰ ⵍⴰ ⴷ-ⵢⴻⵜⵜⵉⵍⵉ ⵓⵅⴻⴷⴷⵉⵎ ⵓⵛⵔⵉⴽ ⴳⴰⵔ ⵜⵎⵓⵔⴰ ⵜⴰⵄⵕⴰⴱⵉⵏ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵓⵖⴷⵉⵎ (ⵄⴰⴷⵉⵍ) ⵏ ⵢⵉⴼⴰⵍⴻⵙⵟⵉⵏⵉⵢⴻⵏ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵍⵡⴰⵢ ⴰⵙⵓⴷⴰⵏⵉ ⵢⴻⴼⴽⴰ ⴰⵣⴰⵍ ⵉ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ ⴷⴻⴳ ⵓⵏⵔⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵕⵀⴰⴱ), ⵜⴰⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵓⵙⵙⴻⵏⵣⵉ ⵏ ⵢⵉⵎⴻⴷⴰⵏⴻⵏ ⴰⴽⴽⴻⵏ « ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ». « ⴰⵏⵏⴻⵔⵏⵉ ⵏ ⵛⵛⵡⴰⵍ ⴰⵢ ⴷ-ⵜⵜⴳⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⵎⵎⴰⵖⵉⵏ (ⵉⵕⵀⴰⴱⵉⵢⵢⴰ) ⴷ ⵜⵉⴷ ⵏ ⵜⴻⵊⵔⵉⵎⵜ ⴷⴻⴳ ⵍⵉⴱⵢⴰ, ⵙⵓⵔⵢⴰ ⴷ ⵄⵉⵔⴰⵇ ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵙ ⵜⵉⴷⴻⵜ ⵜⴰⵖⴻⵍⵍⵉⵙⵜ (ⵍ’ⴰⵎⵏ) ⴷ ⵓⵔⴽⴰⴷ ⵏ ⵜⴻⵎⵏⴰⴹⵜ-ⴰ ⴷ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵙⵓⴷⴰⵏⵉ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⵙ ⵜⵉⴷⴻⵜ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵓⵎⵄⴰⵡⴻⵏ ⵉ ⵢⵉⵎⴻⵏⵖⵓ ⵎⴳⴰⵍ ⵜⵍⵓⴼⴰ-ⴰ.
