Asebter amenzawi
Aselway asudani yenna-d tirzi-nnes ɣef Lezzayer « tewwi-d aṭas n lfayda »
LEZZAYER TAMANEɣT – Yenna-d uselway n tegduda n Sudan, Omar Hassan El Bachir, d akken tirzi-nnes n 3 n wussan ɣef Lezzayer « tewwi-d aṭas n lfayda », yerna iwekked-d ɣef « lebɣi » n snat-a n tmura akken ad snernint assaɣen-nsent (ɛalaqat) deg yinurar yemgerraden.
Dɣa, deg temsalt-a, yenna-d d akken tirzi-nnes tella-d « d asurif ameqran ɣer sdat deg wayen yerzan assaɣen gar Lezzayer d Sudan », yerna yesmekti-d d akken iɣerfan n Lezzayer d Sudan « qqnen-ten wassaɣen n tammidwa (ṣadaqa) d iqburen mliḥ ».
« Cfan akk medden ɣef tedyant tucbiḥt n Oum Dourman », ɣef wakken ay d-yenna mi d-yessemɛen ɣef temlilit-nni n tcirt n uḍar aydeg turar Lezzayer d Maṣer deg Nwembeṛ n 2009 i lmend n uɛeddi ɣer uḥric aneggaru n Teqbuct n Umaḍal n 2010.
Nnig waya, yenna-d uselway El Bachir d akken « assaɣen uǧhiden ay icerken snat-a n tmura ttbanen-d s wassaɣen isertiyen ifazen ay yellan gar-asent ».
