ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵣⵣⵢⴰ ⵉ ⵓⴷⵔⴰⵔ ⵏ ⵍⵡⴻⵃⵛ ⵢⴻⵡⵄⴻⵕ ⵓⴳⴰⵔ ⵏ ⵍⴻⴱⵏⵉ ⵏ ⵓⴱⵔⵉⴷ ⵏ ⵛⵛⴻⵔⵇ-ⵍⵖⴻⵔⴱ
ⵇⵙⴻⵏⵟⵉⵏⴰ – ⵍⴻⴱⵏⵉ ⵏ ⵓⴱⵔⵉⴷ ⴰⴷ ⴷ-ⵢⴻⵏⵏⴹⴻⵏ ⵉ ⵓⴷⵔⴰⵔ ⵏ ⵍⵡⴻⵃⵛ ⴷⴻⴳ ⵇⵙⴻⵏⵟⵉⵏⴰ « ⵢⴻⵡⵄⴻⵕ ⵓⴳⴰⵔ » ⵏ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⵏ ⵓⴳⵎⵓⴹ-ⴰⵜⴰⵔⴰⵎ, ⵢⴻⵔⵏⴰ ⴷ ⵜⵉⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⴰⵢ ⴷ-ⵢⴻⵍⵀⴰⵏ ⴷ ⵍⴻⴱⵏⵉ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵢⵉⵎⵓⵀⴰⵍ (ⴰⵛⵖⴰⵍ) ⵉⵏⴰⴳⴷⵓⴷⴻⵏ, ⴰⵍⵉ ⵀⴰⵎⵉ.
ⴰⴱⵔⵉⴷ ⵏ ⵜⵓⵏⵏⴹⴰ ⵖⴻⴼ ⵓⴷⵔⴰⵔ-ⴰ ⵖⴻⵣⵣⵉⴼ 13 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⵜⴽⴻⴱⴱⴰⵏⵉⵜ ⵜⴰⴱⴻⵕⵕⴰⵏⵉⵜ ⵏ ⵛⵧⵊⴰⴰⵍ ⴰⴷ ⵜⴻⴼⵔⵓ ⵓⴳⵓⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵍⵎⴻⵙ’ⵓⵍ) ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴷ ⵏ ⵓⵙⴻⵏⴼⴰⵔ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵓⵡⴰⵍⵉ ⵏ ⵇⵙⴻⵏⵟⵉⵏⴰ, ⵀⵧⵛⵉⵏⴻ ⵧⵓⴰⴷⴰⵀ.
ⴷ ⴰⵛⵓ ⴽⴰⵏ, ⵜⴰⴳⴰⵔⴰ ⵏ ⵡⴰⵢⵢⵓⵔ ⵏ ⵜⵓⴱⴻⵕ ⵏ 2015 ⴷ ⵏⴻⵜⵜⴰ ⴰⵢ ⴷ ⴰⴽⵓⴷ ⴰⵢ ⴷ-ⵢⴻⵜⵜⵡⴰⵙⵙⴻⴼⵔⴰⵏ ⵉ ⵓⴼⴰⴽⵉ ⵏ ⵍⴻⴱⵏⵉ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵀⴰⵎⵉ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵉⵅⴻⴷⴷⵉⵎⴻⵏ ⵏ ⵓⵙⵙⴻⵔⵙⵉ ⵏ ⵢⵉⴳⴰⵍⵉⵙⴻⵏ (ⵍⴰⴼⵉⵜⴰⵜ) ⴷ ⵜⵓⵥⵓⵜ ⵏ ⵜⵜⵊⵓⵕ ⵏ ⵓⵛⴻⴱⴱⴻⵃ ⵢⴻⵙⵙⴻⴼⴽ ⴰⴷ ⴷ-ⴱⴷⵓⵏ « ⵡⴰⵔ ⵍⴻⵄⴹⵉⵍ ».
ⵎⵉ ⴰⵔⴰ ⵢⴻⵜⵜⵡⴰⵇⴱⴻⵍ ⵓⵙⴻⵏⴼⴰⵔ ⴷⴻⴳ ⵡⴰⴽⵓⴷ ⴰⵢ ⴰⵙ-ⴷ-ⵢⴻⵜⵜⵡⴰⵃⵓⴷⴷⴻⵏ, ⵎⴻⵃⵙⵓⴱ ⴰⵙⵙ ⵏ 31 ⵜⵓⴱⴻⵕ 2015, ⴰⵙⴻⵏⴼⴰⵔ-ⴰ « ⴰⴷ ⵢⴻⵜⵜⵓⵏⴻⴼⴽ ⵉ ⵢⵉⴷⵓⴱⴰ ⵏ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ ⴰⴷ ⵢⴻⴼⴽⴻⵏ ⵍⴰⵎⴻⵕ ⴰⴽⴽⴻⵏ ⴰⴷ ⵢⴻⴱⴷⵓ ⴰⴷ ⵢⴻⵜⵜⵡⴰⵖⴻⵍⵍⴰⵜ ⵉⵎⵉⵔ-ⵏⵏⵉ ⴽⴰⵏ, ⴷⴻⴼⴼⵉⵔ ⵎⴰ ⵜⵜⵡⴰⴽⴽⵙⴻⵏ ⴰⴽⴽ ⵢⵉⵄⴻⵡⵡⵉⵇⴻⵏ ⴰⵢ ⵉⵣⴻⵎⵔⴻⵏ ⴰⴷ ⵉⵍⵉⵏ. » ⵍⴻⵎⵎⴻⵔ ⴰⴷ ⴷ-ⵢⴰⵡⴻⴹ ⵡⴰⵙⵙ-ⵏⵏⵉ ⵢⴻⵔⵏⴰ ⵡⴻⵔⵄⴰⴷ ⵓⵔ ⵉⴼⵓⴽ ⴰⵔⴰ ⵛⵛⵖⴻⵍ, ⴰⵙⴻⵏⴼⴰⵔ-ⴰ « ⴰⴷ ⵜⴻⵏⵇⴻⵙ ⵍⴼⴰⵢⴷⴰ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵍⵀⴰⵏ ⴷ ⵍⴻⴱⵏⵉ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵄⴻⴹⴹⵉⵍⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵢⵢⵓⵔⴻⵏ ⵢⴻⵣⵔⵉⵏ, ⵜⵉⴽⴻⴱⴱⴰⵏⵉⵢⵉⵏ ⵏ ⵍⴻⴱⵏⵉ ⵏⵏⴰⵏⵜ-ⴷ ⴷ ⴰⴽⴽⴻⵏ ⵓⴳⵓⵔ ⴰⵢ ⴷ-ⵉⴳⴰⵏ ⴰⵢⴰ ⵏⴻⵜⵜⴰ ⴷ ⴰⵄⴻⴹⴹⴻⵍ ⴷⴻⴳ ⵓⵅⴻⵍⵍⴻⵚ ⵏ ⵓⵅⴻⴷⴷⵉⵎ, ⵉⵎⵉ ⵙ ⵢⵉⴷⵔⵉⵎⴻⵏ-ⵏⵏⵉ ⵏ ⵍⴻⵅⵍⴰⵚ ⴰⵢ ⵣⴻⵎⵔⴻⵏⵜ ⴰⴷ ⴷ-ⴰⵖⴻⵏⵜ ⵜⵉⵏⴻⴳⵡⴰ (ⵎⴰⵡⴰⴷⴷ) ⵏ ⵍⴻⴱⵏⵉ ⵢⴻⵔⵏⴰ ⴰⴷ ⴹⴻⵎⵏⴻⵏⵜ ⴰⴽⴻⵎⵎⴻⵍ ⵏ ⵓⵅⴻⴷⴷⵉⵎ.
