ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵒⵉⵜⵕⵓⵍ ⴷ ⵍⴳⴰⵣ ⵎⴰⵣⴰⵍ ⴰⴷ ⵇⵇⵉⵎⴻⵏ ⴷ ⵜⴰⵍⴰ ⵜⴰⵎⴻⵇⵔⴰⵏⵜ ⵏ ⵔⵔⴱⴻⵃ ⵉ ⵜⵎⵓⵔⵜ

ⵡⴻⵀⵕⴰⵏ – ⵎⴰⵣⴰⵍ ⴰⴷ ⵇⵇⵉⵎⴻⵏ ⵓⵒⵉⵜⵕⵓⵍ ⴷ ⵍⴳⴰⵣ ⴷ ⵏⵉⵜⵏⵉ ⴰⵢ ⴷ ⵜⴰⵍⴰ ⵜⴰⵎⴻⵇⵔⴰⵏⵜ ⵏ ⵔⵔⴱⴻⵃ ⵏ ⵜⵎⵓⵔⵜ, ⵢⴻⵔⵏⴰ ⴰⴷ ⵜⴽⴻⵎⵎⴻⵍ ⵜⴻⴳⵏⵉⵜ-ⴰ ⴰⵛⵃⴰⵍ ⵏ ⵜⵎⴻⵔⵡⵉⵏ (ⵄⴰⵛⴰⵕⴰⵜ) ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵙⵧⵏⴰⵜⵔⴰⵛⵀ, ⴰⴱⴷⴻⵍⵎⴰⴷⵀⵊⵉⴷ ⴰⵜⵜⴰⵔ, ⴷⴻⴳ ⵜⴻⵎⵍⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⵇⵇⴰⵎⵓ ⵏ ⵙⵙⵓⵇ ⵏ ⵍⴳⴰⵣ ⴰⵢ ⴷ-ⵜⴳⴰ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵍⴳⴰⵣ ⴷⴻⴳ ⵡⴻⵀⵕⴰⵏ ⴳⴰⵔ 12 ⴷ 14 ⵜⵓⴱⴻⵕ.

ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⴰⵜⵜⴰⵔ, ⵢⴻⵍⵍⴰⵏ ⴷ ⴰⵙⴻⵍⵡⴰⵢ ⵏ ⵜⴻⵎⵍⵉⵍⵉⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⵎⴻⴷⴷⴻⵏ ⴰⴽⴽ ⵥⵔⴰⵏ ⴷ ⴰⴽⴽⴻⵏ ⵜⴰⵥⵡⴻⵔⵜ (ⵟⵟⴰⵇⴰ), ⵜⵉⵍⵍⵉⵏ-ⵏⵏⴻⵙ ⴷ ⵡⴰⵡⵡⴰⴹ ⵖⴻⵔ-ⵙ ⴷ ⵏⵉⵜⵏⵉ ⴰⵢ ⴷ ⵛⵛⵓⵔⵓⴹ ⵉⵎⴻⵇⵔⴰⵏⴻⵏ ⵏ ⵓⵙⵏⴻⵔⵏⵉ ⵏ ⵜⴷⴰⵎⵙⴰ ».

ⵉⵡⴻⴽⴽⴻⴷ-ⴷ ⴷⴰⵖ ⴷ ⴰⴽⴽⴻⵏ ⴳⴰⵔ ⵢⵉⵙⴻⵔⵖⴰ (ⵎⴰⵃⵔⵓⵇⴰⵜ), ⵍⴳⴰⵣ ⴰⴳⴰⵎⴰⵏ ⵍⴰ ⵢⴻⵜⵜⵓⵖⴰⵍ ⴷ ⵢⵉⵡⴻⵜ ⵙⴻⴳ ⵜⵍⵉⵡⴰ ⵜⵉⵣⴻⴷⴳⴰⵏⵉⵏ ⴰⴽⴽ ⵏ ⵜⴻⵥⵡⴻⵔⵜ, ⴷ ⴰⵛⵓ ⴽⴰⵏ, ⵙⵙⵓⵇ ⵏ ⵍⴳⴰⵣ ⵍⴰ ⵢⴻⵜⵜⴻⵡⵍⵉⵡⵉⵍ ⵢⴻⵔⵏⴰ ⵍⴰ ⵢⴻⵜⵜⴱⴻⴷⴷⵉⵍ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵡⴰⵖⴻⵏ ⵎⵍⵉⵃ ⴰⵃⵔⵉⵛ ⵏ ⵜⴻⵥⵡⴻⵔⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵍⵉⵍⵉⵜ ⵏ ⵡⴻⵀⵕⴰⵏ, ⵢⴻⵏⵏⴰ-ⴷ ⵎⴰⵙⵙ ⴰⵜⵜⴰⵔ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⵜⵉⴷⴷⵓⴽⵍⴰ ⵜⴰⴷⵣⴰⵢⵔⵉⵜ ⵏ ⵜⴻⵎⴳⵓⵔⵉ (ⵚⵚⵉⵏⴰⵄⴰ) ⵏ ⵍⴳⴰⵣ (ⴰⵉⴳ) ⴰⴷ ⵜⴻⵅⴷⴻⵎ ⴰⵢⴻⵏ ⵢⴻⵙⵙⴻⴼⴽⴻⵏ ⴳⴰⵔ 2015 ⴷ 2018 ⴰⴽⴽⴻⵏ ⴰⴷ ⴷ-ⵜⴻⵙⵙⴻⵡⵊⴻⴷ ⵉ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵙⵡⵉⵔ (ⵎⵓ’ⵜⴰⵎⴰⵕ) ⴰⴷ ⴷ-ⵢⵉⵍⵉⵏ ⴷⴻⴳ ⵡⴰⵙⵀⵉⵏⴳⵜⵧⵏ ⴷⴻⴳ ⵢⵓⵏⵢⵓ ⵏ 2018. ⵜⵉⴷⴷⵓⴽⵍⴰ ⵜⴷⵣⴰⵢⵔⵉⵜ ⵏ ⵜⴻⵎⴳⵓⵔⵉ ⵏ ⵍⴳⴰⵣ ⴷ ⵜⴰⵎⴰⵙⵍⴰⴹⵜ (ⵄⵓⴹⵡⴰ) ⴷⴻⴳ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵍⴳⴰⵣ, ⵢⴻⵔⵏⴰ ⵜⴻⵜⵜⴻⴽⴽⴰ ⴷⴻⴳ 3 ⵏ ⵜⴻⴳⵔⴰⵡⵉⵏ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵉⵙⵡⵉ ⵏ ⵜⴻⵎⵍⵉⵍⵉⵢⵉⵏ-ⴰ ⴷ ⴰⵙⵙⴻⵡⵊⴻⴷ ⵏ ⵜⴻⴳⵏⵉⵜ ⴷ ⵓⵀⴻⵢⵢⵉ ⵏ ⵡⴰⵀⵉⵍ ⴰⴷ ⴹⴻⴼⵔⴻⵏⵜ ⵜⵎⵓⵔⴰ ⴷ ⵜⵓⴷⴷⵙⵉⵡⵉⵏ ⵏⵉⴹⴻⵏ ⵏ ⵍⴳⴰⵣ ⴷⴻⴳ 3 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.