Asebter amenzawi

Apitṛul d lgaz mazal ad qqimen d tala tameqrant n rrbeḥ i tmurt

WEHṚAN – Mazal ad qqimen upitṛul d lgaz d nitni ay d tala tameqrant n rrbeḥ n tmurt, yerna ad tkemmel tegnit-a acḥal n tmerwin (ɛacaṛat) n yiseggasen, ɣef wakken ay d-yenna uselway anemhal amatu aqbur n Sonatrach, Abdelmadhjid Attar, deg temlilt tamezwarut n Useqqamu n Ssuq n Lgaz ay d-tga Tdukli Tagraɣlant n Lgaz deg Wehṛan gar 12 d 14 Tubeṛ.

Mass Abdelmadjid Attar, yellan d aselway n temlilit-a, yenna-d d akken « medden akk ẓran d akken taẓwert (ṭṭaqa), tillin-nnes d wawwaḍ ɣer-s d nitni ay d ccuruḍ imeqranen n usnerni n tdamsa ».

Iwekked-d daɣ d akken gar yiserɣa (maḥruqat), lgaz agaman la yettuɣal d yiwet seg tliwa tizedganin akk n teẓwert, d acu kan, ssuq n lgaz la yettewliwil yerna la yettbeddil, yerna d aya ay yeswaɣen mliḥ aḥric n teẓwert.

Deg wayen yerzan timlilit n Wehṛan, yenna-d Mass Attar i Tnegga n Yisalan n Lezzayer d akken Tiddukla Tadzayrit n Temguri (ṣṣinaɛa) n Lgaz (AIG) ad texdem ayen yessefken gar 2015 d 2018 akken ad d-tessewjed i uttekki-nnes deg uswir (mu’tamaṛ) ad d-yilin deg Washington deg Yunyu n 2018. Tiddukla Tdzayrit n Temguri n Lgaz d tamaslaḍt (ɛuḍwa) deg Tdukli Tagraɣlant n Lgaz, yerna tettekka deg 3 n tegrawin n uxeddim, ɣef wakken ay d-yenna, am wakken ay d-yerna d akken iswi n temliliyin-a d assewjed n tegnit d uheyyi n wahil ad ḍefrent tmura d tuddsiwin niḍen n lgaz deg 3 n yiseggasen ay d-yetteddun.