ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⴽⵕⴰⴹⵉⵜ ⵜⴻⵍⵍⴰ-ⴷ ⴷⵉ ⵜⴱⴻⵙⴽⵔⴻⵜ ⴷⵉ ⵜⴻⴳⵏⵉⵜⵜ ⵜⴰⴷⴰⵎⵙⴰⵏⵜ ⵓⵔ ⵏⴻⵙⵀⵉⵍ
ⵜⵉⴱⴻⵙⴽⴻⵔⵜ- ⵜⵉⵎⵍⵉⵍⵉⵜ ⵜⵉⵙ 18 ⵏ ⵜⴻⵎⴽⵕⴰⴹⵉⵜ ⴰⴷ ⴷ-ⵜⵉⵍⵉ ⵙⴻⴳ ⵡⴰⵙⵙ-ⴰ ⵍⴰⵕⴻⴱⵄⴰ ⴷⵉ ⵜⴱⴻⵙⴽⴻⵔⵜ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜⵜ ⵜⴰⴷⴰⵎⵙⴰⵏⵜ ⵓⴻ ⵏⴻⵙⵀⵉⵍ ⴰⵔⴰ, ⴰⵏⴷⴰ ⴷ-ⵜⴱⴰⵏ ⵜⴻⵖⵥⴻⵏⵜ ⵜⴰⵎⴰⴹⵍⴰⵏⵜ ⵏ ⵓⵒⵉⵜⵕⵓⵍ ⵢⴻⵙⵙⴰⵡⴰⵍⴻⵏ ⵉ ⵜⵉⴼⵔⴰⵜⵉⵏ ⵏ ⴷⴷⴻⵎⵎⴰ, ⵍⴰⴷⵖⴰ ⴷⴻⴳ ⵡⴻⵃⵔⵉⵛ ⵓⵙⴻⴼⵜⵉ, ⵏ ⵓⵙⵏⵓⵍⴼⵓ ⵉⵎⴻⴹⵇⴰⵏ ⵓⵅⴻⴷⴷⵉⵎ ⴷ ⵓⵏⴻⴳⵎⵓ ⴰⴷⴰⵎⵙⴰⵏ.
ⵜⵉⵎⵍⵉⵍⵉⵜ-ⴰⴳⵉ ⴰⴷ ⵜⵉⵍⵉ ⴷ ⵜⴰⴳⵏⵉⵜⵜ ⵉ ⵢⴻⵛⵔⵉⴽⴻⵏ ⵏ ⵜⴻⵎⴽⵕⴰⴹⵉⵜ (ⴰⵏⴰⴱⴰⴹ, ⵙⵙⴰⵏⴷⵉⵛⴰⵜ ⴰⴽⴽ ⴷ ⵢⴻⵎⵄⴻⵍⵍⵎⴻⵏ) ⴰⴽⴽⴻⵏ ⴰⴷ ⵇⴻⵢⵎⴻⵏ ⴰⵎⵛⴰⵔⴻⴽ-ⵏⵙⴻⵏ ⴷ ⵓⵏⴰⴷⵉ ⵏ ⵜⵜⴰⵡⵉⵍⴰⵜ ⴷ ⵡⴰⵍⵍⴰⵍⴻⵏ ⵉ ⵓⵙⴻⴼⵜⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⵜⴰⵎⴽⵕⴰⴷⵉⵜ, ⵢⴻⵣⴳⴰⵏ ⴷ ⵜⵜⵉⵄⴰⴷ ⴰⴳⴻⵊⴷⴰⵏ ⵢⴻⵔⵣⴰⵏ ⵉⵖⴻⴱⵍⴰⵏ ⵉⵏⵎⴻⵜⵜⴰⵏⴻⵏ ⵉⴷⴰⵎⵙⴰⵏⴻⵏ, ⵢⴻⵜⵜⵡⴻⵕⵊⴰ ⵙⵙⴻⴳ-ⵙ ⵜⵉⴽⴽⴻⵍⵜ-ⴰⴳⵉ ⴰⴽⴽⴻⵏ ⴰⴷ ⵜⵉⵍⵉ ⴷ ⵜⵉⵔⵉⵔⵉⵜ ⵉ ⵢⵉⵅⴻⴷⴷⴰⵎⴻⵏ, ⴷⵉ ⵜⴻⴳⵏⵉⵜⵜ ⴰⵏⴷⴰ ⵢⴻⵍⵍⴰ ⵍⵃⴻⵕⵚ ⵏ ⵜⵉⴷⴻⵜⵜ ⴷ-ⵢⵓⴷⴷⴰⵎⴻⵏ ⵙⴻⴳ ⵓⵖⴻⵍⵍⵓⵢ ⵏ ⵍⴻⵙⵡⴰⵎ ⵓⵒⵉⵟⵕⵓⵍ.
ⴷⵉ ⵜⴷⴰⵎⵙⴰ ⵢⴻⵔⵙⴻⵏ ⵍⴰⴷⵖⴰ ⵖⴻⴼ ⵓⵙⴻⵡⵡⴰⵇ ⵓⵒⵉⵟⵕⵓⵍ, ⴰⵖⴱⴻⵍ ⴷ ⴰⵃⴰⵔⴻⴱ ⵖⴻⴼ ⵡⴰⵢⴻⵏ ⴰⴽⴽ ⵖⴻⵔ ⵏⴻⵙⵙⴰⵡⴻⴹ ⴰⵔ ⴰⵙⵙ-ⴰ ⵢⴻⵍⵍⴰⵏ ⴷⵉ ⵍⴼⴰⵢⴷⴰ ⵉⵅⴻⴷⴷⴰⵎⴻⵏ, ⴷ ⵓⵏⴰⴷⵉ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵜⵉⴼⵉⵏ ⵏ ⵍⴼⴰⵢⴷⴰⵜ-ⵏⵏⵉⴹⴻⵏ ⵎⴻⴱⵍⴰ ⵎⴰ ⵢⴻⵍⵍⴰ-ⴷ ⵡⵓⴳⵓⵔ ⵖⴻⴼ ⵙⵙⵄⴰⵢⴰ ⵏ ⵜⵎⵓⵔⵜ.
ⴷ ⴰⵏⴰⴷⵉ ⵖⴻⴼ ⵢⵉⴱⴻⵔⴷⴰⵏ ⴰⵔⴰ ⵢⴻⵙⴷⴻⵔⴼⵉⵏ ⵉⵡⴻⵍⵍⵉⵀⴻⵏ ⵉⵖⴻⵍⵏⴰⵡⴻⵏ, ⴰⵎ ⵡⴰⴽⴽⴻⵏ ⵜ-ⵉⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵡⴰⵡⴰⵍ-ⵉⵙ ⵖⴻⴼ ⵜⴻ,ⴽⵕⴰⴷⵉⵜ-ⴰⴳⵉ, ⴷⴻⴳ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵏⴻⴳⴳⴰⵔⵓ.
