Asebter amenzawi

Adiwenni anmettan :d igmaḍ yelhan ɣer tessaweḍ Lezzayer

TIBESKERT – Anmahal amatu n lbiru ageraɣlan uxeddim (BIT), Guy Ryder, yenna ass n laṛebɛa di Tbeskert, belli d ayen yessebɣasen yegmaḍ ɣer tessaweḍ Lezzayer deg wayen yerzan adiwenni anmettan akk d temkṛaḍit.

"ad ken-snemreɣ ɣef yigmaḍ-agi yessebɣasen deg wayen yerzan adiwenni anmettan akk d temkṛaḍit d wusnulfu n ttwilat iwulmen i uxeddim ay idumen di Lezzayer", id-iwekked wemḍebbeṛ-agi deg wawal-is lawan n temlilit tis 18 n temkṛaḍit.

"D ayen yelhan ma yella terram adiwenni-yagi anmettan d lemri akken tuddsiwin ixeddamen, n yemɛellmen akken ad d-inin, ad xedmen, wa ad qeymen tiseṭṛatijiyin unegmu tinmettanin tidamsanin", ikemmel yenna.

I unemhal amatu n lbiru ageraɣlan uxeddim (BIT), asenyi n wemtawi aɣelnaw adamsan akk d unegmu yettbeggin-d "lebɣi n yakk idisan anǧaṛ n webrid n tsertit tadamsant yemtawan d tenmettant".

Win d-yemmeslayen yenna belli iseggasen n laḥkem n tuddsa tageraɣlant uxeddim (OIT) akk d tmuɣli n wemtawi adamsan anmettan n Lezzayer "ddukklen", u yerna yenna belli " axeddim ibanen d agerruj i lahna n twaculin akk d yiɣerfan".