ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⵙⵉⵏⵉⴳⴰⵍ ⵜⴼⵓⴽ ⵙ 1 ⵖⴻⵔ 0

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⵏⴰ ⵜⴻⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵜⴰⵅⵚⵉⵎⵜ-ⵏⵏⴻⵙ ⵜⴰⵙⵉⵏⵉⴳⴰⵍⵉⵜ ⵙ 1 ⵖⴻⵔ 0 ⴷⴻⴳ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ (ⵡⵓⴷⴷⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ 5 ⵢⵓⵍⵢⵓ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵉⵙⵡⵉ ⴰⵡⵃⵉⴷ ⵏ ⵜⴻⵎⵍⵉⵍⵉⵜ-ⴰ ⵢⴻⵙⵙⴰⴷⴻⴼ-ⵉⵜ ⵓⴷⵣⴰⵢⵔⵉ ⵢⴰⵛⵉⵏⴻ ⴱⵔⴰⵀⵉⵎⵉ ⴷⴻⴳ ⵜⴻⴷⵇⵉⵇⵜ ⵜⵉⵙ 81.

ⵜⵉⵎⵍⵉⵍⵉⵜ-ⴰ ⴷ ⴰⵃⵔⵉⵛ ⵙⴻⴳ ⵓⵙⵙⴻⵡⵊⴻⴷ ⵏ ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵉⵇⵚⴰ’) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⴷ ⴷ-ⵢⵉⵍⵉⵏ ⴷⴻⴳ ⵏⵡⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ.

ⵍⴻⵣⵣⴰⵢⴻⵔ ⴰⴷ ⵜⵓⵔⴰⵔ, ⴷⴻⴳ ⵜⵓⵣⵣⵢⴰ-ⴰ, ⵎⴳⴰⵍ ⵜⴰⵏⵣⴰⵏⵢⴰ, ⵎⴰ ⴷ ⵙⵉⵏⵉⴳⴰⵍ ⴰⴷ ⵜⴻⵎⵇⴰⴱⴰⵍ ⴷ ⵎⴰⴷⴰⴳⴰⵙⴽⴰⵕ.