Asebter amenzawi

Timlilit tammidwant gar Lezzayer d Sinigal tfuk s 1 ɣer 0

LEZZAYER TAMANEɣT – Terna teɣlamt n Lezzayer taxṣimt-nnes tasinigalit s 1 ɣer 0 deg temlilit tammidwant (wuddiyya) ay d-yellan ass n ttlata tameddit deg Usarir n 5 Yulyu, deg Lezzayer Tamaneɣt.

Iswi awḥid n temlilit-a yessadef-it Udzayri Yacine Brahimi deg tedqiqt tis 81.

Timlilit-a d aḥric seg ussewjed n snat-a n teɣlamin akken ad ttekkint deg tuzzya tis snat n temliliyin n waffas (iqṣa’) n Teqbuct n Umaḍal n 2018 ad d-yilin deg Nwembeṛ ay d-yetteddun.

Lezzayer ad turar, deg tuzzya-a, mgal Tanzanya, ma d Sinigal ad temqabal d Madagaskaṛ.