ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴰⴷ ⵜⴻⵃⵔⴻⵣ ⵜⴰⵎⵓⵙⵙⵏⵉ ⴷ ⴷⴷⵉⵏ ⵏ ⵢⵉⴷⵣⴰⵢⵔⵉⵢⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ « ⵎⴰⵛⵉ ⴰⵍⴰ ⴷ ⴰⵛⴻⴱⴱⴻⵃ ⴰⴷ ⵜⵛⴻⴱⴱⴻⵃ ⵜⴰⵎⴰⵏⴻⵖⵜ ⵏⴻⵖ ⵢⵉⵔⵉ ⵏ ⵍⴻⴱⵃⴻⵕ, ⵎⴰⵛⴰ ⴰⴷ ⵜⴻⵃⵔⴻⵣ ⵓⵍⴰ ⴷ ⵜⴰⵎⴻⴷⴷⵓⵔⵜ ⵜⴰⴳⴳⴰⴳⴰⵏⵜ (ⴼⵉⴽⵔⵉⵢⵢⴰ) ⴷ ⴷⴷⵉⵏ ⵏ ⵢⵉⴷⵣⴰⵢⵔⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵢⴰ ⵎⵉ ⵜ-ⵉⴷ-ⵜⵜⵔⴻⵏ ⵖⴻⴼ ⵓⴽⴻⵎⵎⴻⵍ ⵏ ⵍⴻⴱⵏⵉ ⵏ ⵜⵎⴻⵙⴳⵉⴷⴰ-ⴰ ⵓⵍⴰ ⵎⴰ ⵜⴻⵖⵍⵉ ⵙⵙⵓⵎⴰ ⵏ ⵓⵒⵉⵜⵕⵓⵍ.
« ⵓⵔ ⵏⴻⴱⵖⵉ ⴰⵔⴰ ⴰⴷ ⵏⴻⵙⵄⵓ ⵙⵉⵏ ⵏ ⵢⵉⵙⵡⵉⵔⴻⵏ ⵏ ⵜⵉⵏⵏⴻⵙⵍⴻⵎⵜ, ⵡⴰⵍⴰ ⵍⵉⵙⵍⴰⵎ ⵓⵏⵚⵉⴱ ⴷ ⵍⵉⵙⵍⴰⵎⵏ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ) ⴷ ⵓⵣⴱⵓ (ⵎⵓⵇⴰⵡⴰⵎⴰ), ⴷⵖⴰ ⵖⴻⴼ ⵡⴰⵢⴰ ⴰⵢ ⵏⴻⵃⵡⴰⵊ ⵜⴰⵎⴻⵙⴳⵉⴷⴰ-ⴰ ⵜⴰⵎⴻⵇⵔⴰⵏⵜ ⴰⴷ ⵢⵉⵍⵉⵏ ⴷ ⴰⵣⴰⵎⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵓⵏⵎⴰⴳⴻⵔ ⵏ ⵓⵖⵎⵉⵙ ⵏ ⵍⵉⴱⴻⵔⵜⴻ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴰⵉⵙⵙⴰ, ⵍⴱⴻⵏⵢⴰⵏ-ⴰ ⴰⴷ ⵢⵉⵍⵉ ⴰⵎⵣⵓⵏ « ⴷ 'ⵍⵉⵎⴰⵎ ⵏ ⵜⵎⴻⵙⴳⵉⴷⵉⵡⵉⵏ ⵏⵉⴹⴻⵏ’. ⴰⴷ ⵢⵉⵍⵉ ⴷⴻⴳ-ⵙ ⵓⵙⴻⵇⵇⴰⵎⵓ ⵏ ⵍⴼⴻⵜⵡⴰ, ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⵡⴻⵍⵍⴻⵀ ⴷ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⵙⵙⴻⵍⵎⴻⴷ ⵏ ⵍⴻⵇⵔⴰⵏ, ⴰⵎⵎⴰⵙ ⴰⴷⴻⵍⵙⴰⵏ ⴰⴷ ⵢⵉⵍⵉⵏ ⴷ ⵜⴰⵡⴻⵍⵀⴰ ⴷⴻⴳ ⵍⴻⵣⵣⴰⵢⴻⵔ, ⵜⴰⵎⴽⴰⵔⴹⵉⵜ ⵏ ⴷⴷⵉⵏ ⴰⴷ ⵢⵉⵍⵉⵏ ⴷ ⵜⴰⵡⴻⵍⵀⴰ ⴷⴻⴳ ⵍⴻⵣⵣⴰⵢⴻⵔ, ⴷ ⵜⴻⵙⴷⴰⵡⵉⵜ ⵏ ⵍⴻⵇⵔⴰⵏ ⴰⴷ ⴷ-ⵢⴻⵙⵙⵓⴼⴼⵓⵖⴻⵏ ⵍⵉⵎⴰⵎⴰⵜ (ⵉⵎⴰⵢⵏⵓⵜⴻⵏ) », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵙⵄⵓ ⵜⵎⵓⵔⵜ ⵜⴰⵡⴻⵍⵀⴰ ⵜⵓⵏⵏⵉⴳⵜ ⴰⴷ ⵉⵡⴻⵍⵍⵀⴻⵏ ⵜⵉⵙⵓⴷⴰ ⵏⵉⴹⴻⵏ ⴷⴻⴳ ⵜⴻⵎⵙⴰⵍ ⵏ ⴷⴷⵉⵏ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⴰⵉⵙⵙⴰ ⴷ ⴰⴽⴽⴻⵏ ⵜⴰⵎⵓⵔⵜ ⵜⴻⵃⵡⴰⵊ ⴰⵖⴻⵔⴱⴰⵣ ⵉ ⵢⵉⵎⴰⵙⵙⴰⵏⴻⵏ (ⵄⵓⵍⴰⵎⴰ) ⵏ ⴷⴷⵉⵏ « ⴰⵢ ⵉⵄⴻⵡⵡⵍⴻⵏ ⴰⴷ ⵅⴻⴷⵎⴻⵏ, ⵃⴻⵎⵎⵍⴻⵏ ⵜⴰⵎⵓⵔⵜ-ⵏⵙⴻⵏ ⵢⴻⵔⵏⴰ ⵙⵄⴰⵏ ⴰⵙⵙⵉⵍⴻⵖ (ⵜⴰⴽⵡⵉⵏ) ⵢⴻⵍⵀⴰⵏ ⴷⴻⴳ ⵓⵙⵙⴻⴷⴷⵓ ⵏ ⵜⴻⵎⵙⴰⵍ ⵏ ⴷⴷⵉⵏ, ⴰⴽⴽⴻⵏ ⴰⴷ ⴳⴻⵏ ⵢⵉⴷⵣⴰⵢⵔⵉⵢⴻⵏ ⵍⴰⵎⴰⵏ ⴷⴻⴳ ⵓⴷⴰⴱⵓ-ⵏⵙⴻⵏ ⴰⵙⵖⴰⵏⴰⵏ (ⵙⵓⵍⵟⴰ ⴷⵉⵏⵉⵢⵢⴰ). »
