ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴻⵔⵔⴰⴱⵓ ⴰⵎⴰⵢⵏⵓ ⵉ ⵓⵙⵙⵉⵡⴻⴹ ⵏ ⵎⴻⴷⴷⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⴳⴰⵢⴻⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴹⴹⴻⴼ-ⴷ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⴰⵡⵍⴰⵍ ⵏ ⵢⵉⵎⵙⵉⴽⵍⴻⵏ (ⴻⵏⵜⵎⵠ), ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, 2 ⵏ ⵢⵉⵖⴻⵔⵔⵓⴱⴰ ⵉⵎⴰⵢⵏⵓⵜⴻⵏ, ⵢⵉⵡⴻⵏ ⵙⴻⴳ-ⵙⴻⵏ ⴰⴷ ⵢⵓⵖⴰⵍ ⴰⴷ ⵢⴻⵜⵜⴰⵡⵉ ⵎⴻⴷⴷⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⴳⴰⵢⴻⵜ.

ⴰⵖⴻⵔⵔⴰⴱⵓ-ⵏⵏⵉ ⴰⵎⴻⵣⵡⴰⵔⵓ ⵉⵙⴻⵎ-ⵏⵏⴻⵙ ⵙⵕⴰⵢⴷⵉ, ⵢⴻⵣⵎⴻⵔ ⴰⴷ ⵢⴰⵡⵉ 206 ⵏ ⵢⵉⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵢⴻⵔⵏⴰ ⴰⴷ ⵢⴻⵙⵙⴰⵡⴰⴹ ⵎⴻⴷⴷⴻⵏ ⴳⴰⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴱⴳⴰⵢⴻⵜ. ⴰⵙⵙⵉⴽⴻⵍ (ⵔⵔⵉⵃⵍⴰ) ⴰⵎⴻⵣⵡⴰⵔⵓ ⵏ ⵓⵖⴻⵔⵔⴰⴱⵓ-ⴰ ⵢⴻⵔⴽⴻⴱ ⴷⴻⴳ-ⵙ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ, ⵙ ⵜⵉⵎⵎⴰⴷ-ⵏⵏⴻⵙ.

ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⵉⵖⴻⵔⵔⵓⴱⴰ-ⴰ ⵙⵄⴰⵏ ⴰⵣⴰⵍ ⵏ 4 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵍⴻⵄⵎⴻⵕ-ⵏⵙⴻⵏ, ⵢⴻⵔⵏⴰ ⵢⴰⵍ ⵢⵉⵡⴻⵏ ⵙⴻⴳ-ⵙⴻⵏ ⵢⴻⵙⵇⴰⵎ-ⴷ 350 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⵉⵏⴻⵀⵀⴰⵕⴻⵏ ⵏ ⵢⵉⵖⴻⵔⵔⵓⴱⴰ-ⴰ ⴷ ⵉⴷⵣⴰⵢⵔⵉⵢⴻⵏ.

ⴰⵖⴻⵔⵔⴰⴱⵓ ⵏ « ⵙⵕⴰⵢⴷⵉ » ⴷ ⵡⵉⵏ ⵏ « ⴱⴰⴷⵊⵉ ⵎⵧⴽⵀⵜⴰⵔ 2 » ⵖⴻⵣⵣⵉⴼⵉⵜ 38 ⵏ ⵍⵎⵉⵜⵔⴰⵜ, ⵀⵔⴰⵡⵉⵜ 7 ⵏ ⵍⵎⵉⵜⵔⴰⵜ ⵢⴻⵔⵏⴰ ⵣⴻⵎⴻⵏ ⴰⴷ ⴰⵡⴹⴻⵏ ⵖⴻⵔ ⵜⴰⵣⵣⵍⴰ ⵏ 30 ⵏ ⵜⴽⴻⵔⵡⴰⵙ (ⵄⵓⵇⴷⴰ) ⴷⴻⴳ ⵍⴻⴱⵃⴻⵕ.

ⴰⵜⵉⴽⵉ ⵏ ⵔⵔⴻⴽⴱⴰ ⴷⴻⴳ ⵓⵖⴻⵔⵔⴰⴱⵓ ⵏ ⵙⵕⴰⵢⴷⵉ ⵢⴻⵙⵡⴰ ⴳⴰⵔ 500 ⴷ 1200 ⵏ ⵢⵉⴷⵉⵏⴰⵕⴻⵏ, ⵖⴻⴼ ⵍⴻⵃⵙⴰⴱ ⵏ ⵚⵚⴻⵏⴼ ⵏ ⵓⵏⵏⴻⵣⴷⵉ (ⵉⵛⵜⵉⵕⴰⴽ) (ⴰⵜⴻⵔⵔⴰⵙ, ⵜⴰⵡⴰⵛⵓⵍⵜ, ⵜⴰⴳⵔⴰⵡⵜ ⵏⴻⵖ ⴰⵎⴻⵄⴷⵓⵕ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ.

ⴰⵖⴻⵔⵔⴰⴱⵓ-ⴰ ⴰⴷ ⵢⴻⵙⵄⵓ ⵢⴰⵍ ⴰⵙⵙ ⵢⵉⵡⴻⵏ ⵏ ⵓⵙⵙⵉⴽⴻⵍ ⵏ ⵕⵕⵡⴰⵃ ⴷ ⵡⵓⵖⴰⵍ ⴳⴰⵔ ⵍⴻⵣⵣⴰⵢⴻⵔ ⴷ ⴱⴳⴰⵢⴻⵜ.