ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵜⵄⴻⴷⴷⵉ ⵉⵙⵕⴰⵢⵉⵍⵉ: ⵉⴼⴰⵍⴻⵙⵟⵉⵏⵉⵢⴻⵏ ⵙⵙⵓⵜⵓⵔⴻⵏ ⴰⵃⵓⴷⴷⵓ ⵙⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵙⵙⵓⵜⵔⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵡⴰⵍⵉⵏ ⵎⴰ ⵣⴻⵎⵔⴻⵏ ⴰⴷ ⴰⵣⵏⴻⵏ ⵉⵖⴰⵍⵍⴻⵏ ⵉⵖⵔⴰⵖⵍⴰⵏⴻⵏ ⴰⴷ ⵉⵃⵓⴷⴷⴻⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ (ⵜⴰⵛⴻⵔⵇⵉⵜ) ⵢⴻⵔⵏⴰ ⴰⴷ ⵙⵙⴻⵏⵙⴻⵏ ⵜⵉⵎⴻⵙ ⴰⵢ ⵙⵏⴻⴽⵔⴻⵏ ⵢⵉⵙⵕⴰⵢⵉⵍⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⴰⴼⴰⵍⴻⵙⵟⵉⵏⵉ ⴷⴻⴳ ⵢⵉⵖⴰⵏⴻⵏ ⵢⴻⴷⴷⵓⴽⴽⵍⴻⵏ, ⵔⵉⵢⴰⴷ ⵎⴰⵏⵙⵧⵓⵔ.
ⴰⵃⵓⴷⴷⵓ-ⴰ ⴰⴷ ⴷ-ⵢⴻⴷⴷⵓ ⴷⴻⴳ ⵢⵉⵡⴻⵜ ⵏ ⵜⵏⴻⵖⵜⵓⵙⵜ (ⵇⴰⵔⴰⵔ) ⴰⴷ ⴷ-ⵇⴻⴷⴷⵎⴻⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⴻⵏ. ⵜⵉⵎⵓⵔⴰ-ⴰ ⴰⴷ ⴳⴻⵏⵜ ⵜⵉⵎⵍⵉⵍⵉⵜ ⴰⵙⵙ ⵏ ⵍⴻⵅⵎⵉⵙ ⴰⴽⴽⴻⵏ ⴰⴷ ⵜⵜ-ⵉⴷ-ⴼⵔⵓⵏⵜ ⵖⴻⴼ ⵎⴰ ⵢⴻⵍⵍⴰ ⴰⴷ ⵙⵙⵓⵜⵔⴻⵏⵜ ⵜⵉⵎⵍⵉⵍⵉⵜ ⵜⵓⵄⵊⵉⵍⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵉ ⵓⵙⵇⴻⵔⴷⴻⵛ ⵏ ⵛⵛⵡⴰⵍ ⴰⵢ ⵍⴰ ⵢⴻⵜⵜⵉⵎⵖⵓⵔⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ. ⴰⴷ ⴷ-ⵢⵉⵍⵉ, ⵢⴰⴳⵉ, ⵜⴻⵎⵍⵉⵍⵉⵜ ⵜⴰⵏⵓⵎⴰⵏⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⴼ ⵓⴳⵎⵓⴹ (ⵛⵛⴻⵔⵇ) ⴰⵍⴻⵎⵎⴰⵙ ⴰⵙⵙ ⵏ ⵙⵙⴻⴱⵜ.
ⴰⵙⴻⵏⴼⴰⵔ-ⴰ ⵏ ⵜⵏⴻⵖⵜⵓⵙⵜ (ⵇⴰⵔⴰⵔ) ⴰⴷ ⵢⴻⵙⵙⵓⵜⴻⵔ ⵙⴻⴳ ⵉⵙⵕⴰⵢⵉⵍ ⴰⴷ ⵜⴻⵊⴱⴻⴷ ⵉⵖⴰⵍⵍⴻⵏ-ⵏⵏⴻⵙ ⵏ ⵜⵖⴻⵍⵍⵉⵙⵜ ⵙⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⴷ-ⵢⴻⵍⵍⴰ ⵛⵛⵡⴰⵍ, ⵢⴻⵔⵏⴰ ⴰⴷ ⵜⵜⵡⴰⴼⴻⵔⵇⴻⵏ ⵢⵉⵖⴰⵍⵍⴻⵏ ⵏ ⵓⵃⵓⴷⴷⵓ ⵉ ⵓⵃⵔⴰⵣ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴷ ⵜⴻⵎⴷⵉⵏⵜ ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ.
« ⵏⴻⵜⵜⵡⴰⵍⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⴼⴻⵔⵇⴻⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ) ⵏⴻⵖ ⵉⵖⴰⵍⵍⴻⵏ ⵉⴳⵔⴰⵖⵍⴰⵏⴻⵏ ⵉ ⵓⴹⵎⴰⵏ ⵏ ⵓⴽⴻⵎⵎⴻⵍ ⵏ ⵜⴻⴳⵏⵉⵜ ⵢⴻⵍⵍⴰⵏ ⵓⵇⴱⴻⵍ ⴷ ⵓⵃⵓⴷⴷⵓ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⴻⴷⴷⵓⵏ ⴰⴷ ⵥⵥⴰⵍⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵙⵧⵓⵔ ⵉ ⵢⵉⵏⴻⵖⵎⴰⵙⴻⵏ ⴷⴻⴳ ⵏⴻⵡ ⵢⵧⵔⴽ.
« ⵜⴰⴳⵏⵉⵜ-ⴰ ⵜⵃⴻⵜⵜⴻⵎ-ⴷ ⴰⴷ ⴷ-ⵢⵉⵍⵉ ⵓⵃⵓⴷⴷⵓ ⵏ ⵓⵖⵔⴻⴼ-ⵏⵏⴻⵖ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵉⵎⵓⴽⴰⵏ ⵉⵎⴻⵣⵡⵓⵔⴰ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⵃⵓⴷⴷⴻⵏ ⴷ ⵜⴰⵎⴷⵉⵏⵜ ⵜⴰⵇⴱⵓⵔⵜ ⵏ ⵍⵇⵓⴷⵙ ⴷ ⵜⵎⴻⵙⴳⵉⴷⴰ ⵏ ⵍⴰⵇⵚⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵙⵧⵓⵔ.
ⵜⴰⵏⴰⵔⵉⵜ (ⵍⴱⵉⵔⵓ) ⵏ ⵜⴻⵎⵙⴰⵍ ⵏ ⵛⵛⵕⴻⵄ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵙⵧⵓⵔ, ⵉⵀⴻⵢⵢⴰ-ⴷ ⵢⵉⵡⴻⵏ ⵏ ⵓⵕⴰⴱⵓⵍ ⵏ 44 ⵏ ⵢⵉⵙⴻⴱⵜⴰⵔ (ⵚⴰⴼⴰⵃⴰⵜ) ⴰⵢ ⴷ-ⵢⴻⴼⴽⴰⵏ ⵜⵜⴼⴰⵚⵉⵍ ⵖⴻⴼ ⵓⵃⵓⴷⴷⵓ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵎⴰⵛⴰ ⵡⴻⵔⵄⴰⴷ ⵓⵔ ⴷ-ⵢⴻⵙⵙⵓⴽⴽ ⴰⵔⴰ ⴼⴻⵍⵍ-ⴰⵙ ⵜⵉⵟ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ.
