Asebter amenzawi

Tubiret : Teddun ad ciren yiwen n uhil n 800 tnezduɣin AADL

TUBIRET – Ur ‘’ttɛeṭṭilen’’ ara ad ciren aseḍru n yiwen n uhil n 800 tnezduɣin, tid i umi ttinin kerru-azenzi (AADL), deg tlemmast n tɣiwant n Tubiret, i d-yenna, ass n larebɛa, lwali, Nacer Maskri.

Seg kfant tezrawin akked ufran n teṛmisin akken ad sseḍrun asenfar-a n 800 tnezduɣin (AADL), bḍan-tent ɣef sin yiḥricen n 400 iferdisen ara ciren war leɛḍil’’, i d-yessgzi, ɣer tama n yiwet n tfugla n usɣimi n uɣella amaynut n tdayrat n Yimecceddalen, Bouziane Derradji.

Ttunefkent i tɣiwant n Ṣṣur Lɣezlan, 400 n tnezduɣin AADL nniḍen mazal tent-ciren seg tent-teǧǧa teṛmist taṭeṛkit, ‘’ihi ad nefren taṛmist nniḍen akken ad nezmer ad ncir, sya d afella, lebni-nsent’’, i d-yenna, Mass Maskri.

Ugar 8.000 n yisutren n tnezduɣt i skelsen iseggasen-a yezrin deg twilayt n Tubiret, ɣef waken i d-nnan yiduba idiganen.