ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵙⴱⴰⵏⵉⵢⵉⵏ ⵏ 17 ⵜⵓⴱⴻⵔ 1961: ⴷ ⵜⵉⴳⴰⵡⵜ ⵜⴰⵙⴻⵔⵜⵉⵜ ⵢⴻⵙⵄⴰⵏ ⴰⵣⴰⵍ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⴻⵙⴱⴰⵏⵉⵢⵉⵏ ⵏ 17 ⵜⵓⴱⴻⵕ 1961 ⵍⵍⴰⵏⵜ-ⴷ ⴷ « ⵉⴳⵉ (ⵄⴰⵎⴰⵍ) ⴰⵙⴻⵔⵜⵉ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ, ⵢⴻⵔⵏⴰ ⵜⴻⵙⵙⴽⴻⵏ-ⴷ ⴰⵃⵓⵍⴼⵓ ⵓⵛⵔⵉⴽ ⵏ ⵡⴰⴽⴽ ⵉⴷⵣⴰⵢⵔⵉⵢⴻⵏ ⴰⵏⴷⴰ ⵎⴰ ⵍⵍⴰⵏ, ⴰⵎ ⵡⴰⴽⴽⴻⵏ ⵓⵔ ⵢⴻⵣⵎⵉⵔ ⴰⴷ ⵢⴻⵜⵜⵡⴰⵏⴽⴻⵕ ⴷⴰⴽⴽⴻⵏ ⵜⴻⵜⵜⴻⴽⴽⴰ ⴷⴻⴳ ⵢⵉⵎⴻⵏⵖⵉ ⵉ ⵓⵣⴰⵔⵓⴳ ⵏ ⵍⴷⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵙⵙⴻⴱⵜ.
« ⴰⵙⵙ ⵏ ⵢⵉⵏⵉⴳ ⴷ ⵜⴰⴳⵏⵉⵜ ⵉ ⵢⵉⵔⵉⵔⵉ ⵏ ⵜⴻⵊⵎⵉⵍⵜ ⵉ ⵢⵉⴳⵉⵎⴰⵏ-ⵏⵏⵉ (ⵓⵍⵓⴼ) ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⵓⵔⴰⵏ ⴰⵙⵙ ⵏ 17 ⵜⵓⴱⴻⵕ 1961 ⴷⴻⴳ ⵓⵎⴻⵣⵔⵓⵢ ⵏ ⵍⴷⵣⴰⵢⴻⵔ ⵢⴻⵔⵏⴰ ⴷ ⵜⴰⴳⵏⵉⵜ ⵉ ⵓⵎⵎⴻⴽⵜⵉ ⵏ ⵡⵉⴷ ⴷ ⵜⵉⴷ ⴰⵢ ⵉⵅⴻⵍⵍⵚⴻⵏ ⵙ ⵜⵎⴻⴷⴷⵓⵔⵜ-ⵏⵙⴻⵏ ⴰⵙⵙⵓⵜⴻⵔ-ⵏⵙⴻⵏ ⵏ ⵜⵍⴻⵍⵍⵉ, ⵍⴻⵇⴷⴻⵔ ⴷ ⵓⵣⴰⵔⵓⴳ (ⵍⵉⵙⵜⵉⵇⵍⴰⵍ) ⵏ ⵜⵎⵓⵔⵜ-ⵏⵙⴻⵏ, ⵎⵉ ⵜⵜⵡⴰⴹⴻⵢⵢⵔⴻⵏ ⴷ ⵉⵎⵓⴷⴷⵉⵔⴻⵏ ⴷⴻⴳ ⵡⴰⵎⴰⵏ ⵏ ⵡⴰⵙⵉⴼ ⵏ ⵙⴻⵉⵏⴻ ⵉⵎⵉ ⴽⴰⵏ ⴰⵢ ⵜⵜⴻⴽⴽⴰⵏ ⴷⴻⴳ ⵜⵎⴻⵙⴱⴰⵏⵉⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴻⴳⵏⵉⵜ-ⴰ ⵏ ⵓⵙⴼⵓⴳⴻⵍ ⵏ ⵡⴰⵙⵙ-ⴰ ⴰⵢ ⵢⵓⴷⴼⴻⵏ ⴷⴻⴳ ⵓⵎⴻⵣⵔⵓⵢ ⵏ ⵓⵖⵔⴻⴼ ⴰⴷⵣⴰⵢⵔⵉ ⴷ ⵢⵉⵎⴻⵏⵖⵉ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵣⴰⵔⵓⴳ-ⵏⵏⴻⵙ.
« ⴰⵙⵙ-ⴰ ⴰⵢ ⵢⴻⵜⵜⴼⴻⴵⴵⵉⴵⴻⵏ ⴷⴻⴳ ⵓⵎⴻⵣⵔⵓⵢ ⵏ ⵍⴷⵣⴰⵢⴻⵔ ⴷ ⵡⵉⵏ ⴰⴷ ⵢⴻⴵⴵⴻⵏ ⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵖ ⴷⴻⴳ ⵓⵣⵖⴰⵔ ⴰⴷ ⴽⴻⵎⵎⵍⴻⵏ ⴰⴷ ⴹⴹⴼⴻⵏ ⴷⴻⴳ ⵜⵎⵓⵔⵜ-ⵏⵙⴻⵏ ⵢⴻⵔⵏⴰ ⴰⴷ ⴳⴻⵏ ⵉⴼⴰⴷⴷⴻⵏ ⵉ ⵓⵡⴰⵏⴰⴽ (ⴷⴷⵓⵍⴰ) ⴰⴷⵣⴰⵢⵔⵉ ⴷ ⵢⵉⴷⵓⴱⴰ ⵉⴳⴷⵓⴷⴰⵏⴻⵏ ⴰⴽⴽⴻⵏ ⴰⴷ ⴳⴻⵏ ⴰⴽⴽ ⴰⵢⴻⵏ ⵓⵎⵉ ⵣⴻⵎⵔⴻⵏ ⵉ ⵓⵄⴰⵡⴻⵏ ⴷ ⴼⴻⵔⵔⵓ ⵏ ⵢⵉⵖⴻⴱⵍⴰⵏ ⵏ ⵢⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ, ⴰⵎ ⵢⵉⴹⴻⵍⵍⵉ, ⴰⵎ ⵡⴰⵙⵙ-ⴰ, ⴷⴻⴳ ⵓⵙⵍⴻⵍⵍⵉ ⴷ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
« ⴷⵖⴰ ⵏⴻⵜⵜⴰⵔⵔⴰ ⵜⴰⵊⵎⵉⵍⵜ, ⴷⴻⴳ ⵜⴻⴳⵏⵉⵜ-ⴰ, ⴰⴽⴽ ⵡⵉⴷ ⴰⵢ ⵢⴻⵙⴳⵓⴳⵍⴻⵏ ⴰⵙⵙ-ⴰ ⴰⵎⴰ ⴷⴻⴳ ⴼⵕⴰⵏⵙⴰ ⵏⴻⵖ ⴰⵏⴷⴰ ⵏⵉⴹⴻⵏ, ⴰⵎ ⵡⴰⴽⴽⴻⵏ ⴰⵢ ⵏⴻⵔⵔⴰ ⵜⴰⵊⵎⵉⵍⵜ ⵉ ⵓⵙⴼⴻⵍ ⴰⵢ ⴼⴽⴰⵏ ⵢⵉⴷⵣⴰⵢⵔⵉⵢⴻⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
