Asebter amenzawi

Lezzayer-Falesṭin: i lmend n « usseǧhed » n umɛawen asdawan

LEZZAYER TAMANEɣT – Iger-d tiɣri Louai Mahmoud Aissa, anmahal (safir) n Falesṭin deg Lezzayer, i lmend n « usseǧhed » n umɛawen asdawan gar snat-a n tmura, ɣef wakken ay d-yenna yiwen n ulɣu (bayan) n uɣlif n ulmud imineg d unadi ussnan.

Anmahal afalesṭini yemmuger-it uneɣlaf n ulmud imineg d unadi ussnan, Tahar Hadjar, yerna « yessuter asseǧhed n umɛawen asdawan gar snat-a n tmura, ladɣa deg wayen yerzan tukci n taggazin (minaḥ) i yinelmaden ifalesṭiniyen ay yebɣan ad kemmlen assileɣ-nsen (takwin) deg tesdawiyin tidzayriyin », ɣef wakken ay d-yenna ulɣu-nni.

Awal gar-asen yella-d daɣ ɣef « usdukkel n yixeddimen i usseǧhed n umɛawen, ladɣa deg unrar n umbaddel n ttejṛibat deg ussileɣ asensegman (bidaɣuǧi), azzun n yiselmaden, aheyyi n wahilen ucriken d ussebɣes n ussiknew (taw’ama) gar tesdawiyin n snat-a n tmura », ɣef wakken ay d-yenna ulɣu-a.

Msefhamen daɣ sin-a n yidisan « ad sǧehden ussisen-nsen (lmeǧhudat) deg unrar n usteɛṛef s yigerdasen (cahadat), asseǧhed n umɛawen d waṭas n yinurar ussnanen s wazzun n yimazzayen d yimsilɣen deg yinurar yemgerraden anda tisdawiyin-nneɣ xuṣṣent-ten yiselmaden ».

Deg umyager-a, ifuṛes daɣ unmahal afalesṭini tagnit akken ad yesnemmer « aɣref d unabaḍ (ḥukuma) idzayriyen ɣef uɛawen ay d-ttakfen i uɣref afalesṭini, ladɣa deg teswiɛin iweɛṛen », ɣef wakken ay tt-id-yextem ulɣu-nni.