ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⵔⵣⵓ ⵓⵙⴻⵍⵡⴰⵢ ⵓⴳⵓⵏⴷⵉ ⵜⵉⵔⵣⵉ ⵏ ⵓⵡⴰⵏⴻⴽ ⵖⴻⵔ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵙ ⵏ ⵍⵃⴻⴷⴷ-ⴰ ⴷ ⴰⴼⴻⵍⵍⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵡⵓⴳⵓⵏⴷⴰ, ⵢⵧⵡⴻⵔⵉ ⴽⴰⴳⵓⵜⴰ ⵎⵓⵙⴻⵠⴻⵏⵉ, ⴰⴷ ⴷ-ⵢⴻⵔⵣⵓ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵡⴰⵏⴻⴽ ⵖⴻⵔ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵙ ⵏ 18 ⵖⴻⵔ 21 ⵜⵓⴱⴻⵔ, ⵙⴻⴳ ⵉⵜ-ⵉⴷ-ⵢⴻⵙⵏⴻⴱⴻⴳⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⴷ-ⵜⴻⵏⵏⴰ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

ⴽⵔⴰ ⴰⵔⴰ ⵜⴻⴽⴽ ⵜⵉⵔⵣⵉ-ⴰ, ⵉⵙⴻⵍⵡⴰⵢⴻⵏ ⴱⵧⵓⵜⴻⴼⵍⵉⴽⴰ ⴰⴽⴽⴻⴷ ⵎⵓⵙⴻⵠⴻⵏⵉ, ⵉⵖⴻⵍⵍⴰⵜⴻⵏ ⵏ ⵢⵉⵡⵓⵏⴰⴽ ⵏ ⵙⵏⴰⵜ ⵜⵎⵓⵔⴰ ⵉ ⵉⵛⴻⵔⴽⴻⵏ ⴷⴷⴻⵇⵙ ⵏ ⵜⵎⵓⵖⵍⵉⵡⵉⵏ ⴷⴻⴳ ⵓⵖⴰⵡⴰⵙ ⴰⴳⵔⴰⵖⵍⴰⵏ, ⴰⴷ ⴰⵙⴻⵏ-ⵜⴻⵜⵜⵓⵏⴻⴼⴽ ⵜⴻⵙⵡⵉⵄⵜ ⴰⴽⴽⴻⵏ ⴰⴷ ⵙⴻⵍⵇⴰⵢⴻⵏ ⴰⵎⵛⵉⵡⴻⵔ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵡⵓⴳⵓⵏⴷⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵜⵉⵎⵏⴰⴹⴰⵏⵉⵏ ⴰⴽⴽⴻⴷ ⵜⴻⴳⵔⴰⵖⵍⴰⵏⵉⵏ,ⵉⴷⴻⴳ ⵜⴻⵍⵍⴰ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ, ⴰⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ ⴰⴽⴽⴻⴷ ⵜⵎⴻⵏⵖⵉⵡⵜ ⵢⴻⵜⵜⵉⵍⵉⵏ ⵙⴻⴳ ⵜⵎⵓⵔⵜ ⵖⴻⵔ ⵜⴰⵢⴻⴹ, ⵔⵏⵓ-ⴰⵙ ⵜⴰⵙⴻⵎⵎⴻⵙⴽⴻⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⴰⵙⵏⴻⴼⵍⵉ ⵏ ⵢⵉⵎⴱⵉⴷⴷⴰⵍⴻⵏ ⴰⴽⴽⴻⴷ ⵓⵎⴻⴷⵀⴻⵍ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵡⵓⴳⵓⵏⴷⴰ, ‘’ⴰⴷ ⵉⵍⵉⵏ ⴷⴰⵖⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵓⵎⵛⵉⵡⴻⵔ ⴰⵔⴰ ⵢⵉⵍⵉⵏ ⴳⴰⵔ ⵙⵉⵏ ⵢⵉⵖⴻⵍⵍⴰⵜⴻⵏ ⵏ ⵓⵡⴰⵏⴻⴽ’’, ⵉ ⴷ-ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ.