Asebter amenzawi

Tebboun iger-d tiɣri i Yicenwaten ad sseftin deg lmawadd n lebni deg Lezzayer

LEZZAYER TAMANEɣT – Abdelmadjid Tebboune, aneɣlaf n tnezduɣt d temdint, iger-d tiɣri, ass n ssebt deg Ldzayer, i tkebbaniyin ticinwatin akken ad d-rrent lwelha-nsent ɣer yisenfaren ucriken d tkebbaniyin tidzayriyin ad d-ixeddmen tinegwa (mawadd) n lebni.

Deg yiwet n temlilit n umahil d uselway n Useqqamu Acinwat n Usmal (tarqiya) n Umɛawen Anẓul-Anẓul, Mass Lu Xin Hua, iɛawed iwekked-d uneɣlaf dakken Ldzayer teḍfer tasertit n ussenqes n waǧaw n sselɛa seg uzɣar, yerna tekkat akken ad tebnu tinezduɣin aydeg 90% seg tnegwa n lebni ttwaxedment-d deg Ldzayer.

« Tasertit-a tamaynut n Ldzayer ur tekkis ara i tkebbaniyin ticinwatin ad gent isenfaren ucriken d Yidzayriyen akken ad d-sfaydint tkebbaniyin tidzayriyin seg tmussni ay sɛant tcinwatin deg uḥric n lebni », ɣef wakken ay d-yenna.

Dɣa, deg tegnit-a, iwekked-d Mass Tebboune dakken Ldzayer ur tetteḥwiǧi ara ad d-taǧew asiman seg uzgen wis sin n 2016 d asawen, am wakken ur tettuɣal ara ad d-taǧew uzzal n lebni seg useggas ay d-yettedun d asawen.

Yessarem daɣ, Mass Tebboune, ad d-tennulfu temguri (ṣṣinaɛa) n tidet n lebni n tnezduɣt yerna tamguri-a ad tesseqdec ttawilat imaynuten, am wakken ay d-yenna dakken iswi-a zemrent ad ttekkint deg-s tkebbaniyin ticinwatin s ussileɣ (takwin) n yixeddamen izzayriyen.