Asebter amenzawi

Ilemẓiyen Inaddalen n Leqbayel: Bijotat yesḥassef ɣef « nneyya » n yimariren-nnes

LEZZAYER TAMANEɣT – Dominique Bijotat, asleɣmay (mudarrib) n Yilemẓiyen Inaddalen n Leqbayel, yesḥassef ɣef « nneyya » n yimariren-nnes ur yessawḍen ara ad rnun taɣlamt n MC Ldzayer (3 ɣer 1) ass n ljemɛa deg usarir n Omar-Hamadi deg Buluɣin (Ldzayer), deg wass wis 8 n wurar n Temɣunt 1ut, yerna iṛeggem-d Bijotat « ad iɛawed tamuɣli deg kra n tɣawsiwin » ay yeqqnen ɣer teɣlamt-nnes (fariq). « Ur yelli ara yessefk ad nexṣer timlilit-nni, ladɣa imi d nekkni ay yuraren mliḥ deg uzgen amezwaru ay ifuken deg lfayda-nneɣ. Yuɣ lḥal, nella nezmer ad neḍmen ula d rrbeḥ deg uzgen-nni amezwaru imi ay d-llant aṭas n tegnatin ay zeglen yimariren-inu ɣef lǧal n nneyya-nsen », ɣef wakken ay d-yenna Bijotat i Tnegga n Yisalan n Ldzayer mi tfuk temlilit-nni.

« Greɣ tamawt dakken bran yimariren i yiman-nsen deg 3-a n wussan ineggura. Iban-iyi-d ur fkin ara azal i uɛeyyen-inu, yerna ass-a, nxelleṣ aya ɣlay », ɣef wakken ay d-yesḥassef.

Taɣlamt n Yilemẓiyen Inaddalen n Ldzayer terbeḥ 4 n temliliyin ɣef usref, d acu kan, ur tessaweḍ ara ad tkemmel amecwaṛ-nnes war ma texṣer.

« Yessefk ad nɛawed tamuɣli deg tɣawsiwin-nneɣ war leɛḍil, ma ulac ad tt-nxelleṣ. Yessefk daɣ ad beddleɣ cwiṭ n yimariren, acku kra seg-sen ur iyi-sqenɛen ara deg temlilit-a », ɣef wakken ay d-yenna Bijotat ay d-yusan deg umkan n Mourad Karouf.