Asebter amenzawi

Wwḍen-d yimḥuǧǧen umi yebded uselway n tegduda

LEZZAYER TAMANEɣT – Tagrawt n yimḥuǧǧen igellilen d wid ay yeddren deg yixxamen n yimɣaren yeqqnen ɣer uɣlif n temsetlelt (taḍamun) taɣelnawt wwḍen-d ɣer tmurt ass n lḥedd, deffir ma fuken lḥiǧǧ-nsen. Imḥuǧǧen-a d aselway n tegduda, Abdelaziz Bouteflika, ay asen-ibedden akken ad d-ḥiǧǧen.

Mi d-wwḍen ɣer unafag agraɣlan n Houari-Boumediene, d taneɣlaft n temsetlelt taɣelnawt, Mounia Meslem Si Ameur ay ten-yemmugren ɣer yidis n kra n yikataren (iṭarat) n uɣlif-nnes d twaculin n kra seg yimḥuǧǧen-a.

Massa Meslem tenna-d, deg yiwet n tseɣrut (taṣriḥ) i tɣemsa dakken « akk imḥuǧǧen-a uɣalen-d ɣer twaculin-nsen deg tegnit yelhan » deffir ma fuken-d lḥiǧǧ-nsen.

Terna-d dakken aɣlif-nnes « tefren-d imḥuǧǧen ay iṣeḥḥan yerna ur kkin ara i 72 n yiseggasen akken ad d-ḥiǧǧen akken iwata ».

Nnig waya, tenna-d dakken aɣlif-nnes « yesseḥbabeṛ ɣef uqader imdeqqeq n lewṣayat n uselway n tegduda ay d-icerḍen dakken ad ttwasqedcen akk ttawilat iwatan i usserbeḥ n ccɣel-a ».