ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴼⴻⵍⵍⴰⵃⴻⵏ ⴷ ⵢⵉⵎⴻⴽⵙⴰⵡⴻⵏ ⴰⴷ ⵙⵄⵓⵏ ⴹⴹⵎⴰⵏⴰ ⴷ ⵍⴰⵏⵜⵔⵉⵜ ⴰⴽⴽⴻⵏ ⴰⴷ ⵔⴻⴽⴷⴻⵏ ⴷⴻⴳ ⵓⵅⴻⴷⴷⵉⵎ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⴰⵖⵍⵉⴼ ⵏ ⵜⴼⴻⵍⵍⴰⵃⵜ ⵉⵄⴻⵡⵡⴻⵍ ⴰⴷ ⴷ-ⵢⴻⴼⴽ ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵉ ⵓⵙⵙⴻⵔⴽⴻⴷ ⵏ ⵢⵉⴼⴻⵍⵍⴰⵃⴻⵏ, ⵢⴻⵔⵏⴰ, ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⴰⵙⴻⵏ-ⵢⴻⴳ ⴰⴱⵔⵉⴷ ⵉ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ) ⴷ ⵜⴻⵙⵜⴰⵖⵜ (ⵜⴰⵇⴰⵄⵓⴷ).

« ⵍⴰ ⵏⵅⴻⴷⴷⴻⵎ ⴰⴽⴽⴻⵏ ⴰⴷ ⵏⴻⴳ ⴰⴱⵔⵉⴷ ⵉ ⵢⵉⵅⴻⴷⴷⴰⵎⴻⵏ ⵏ ⵜⴼⴻⵍⵍⴰⵃⵜ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵡⴰⴽⴽ ⵍⴼⴰⵢⴷⴰⵜ ⵏ ⵓⵅⴻⴷⴷⵉⵎ, ⴳⴰⵔ-ⴰⵙⴻⵏⵜ ⵜⴰⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵜⴰⵙⵜⴰⵖⵜ ⴷ ⵓⴱⵣⴰⵔ ⵙ ⵢⵉⵃⵔⵉⵛⴻⵏ, ⴰⵎ ⵡⴰⴽⴽⴻⵏ ⴰⵢ ⵏⴻⵙⵙⴻⵃⴱⵉⴱⵉⵔ ⵖⴻⴼ ⵓⵙⵙⴻⵍⵀⵓ ⵏ ⵜⴻⴳⵏⵉⵜ ⵜⴰⴷⴰⵎⵙⴰⵏⵜ, ⵙ ⵓⵎⵄⴰⵡⴻⵏ ⴷ ⵢⵉⵖⵍⵉⴼⴻ ⵏⵉⴹⴻⵏ, ⴰⴽⴽⴻⵏ ⴰⴷ ⵏⴻⴳ ⵉⴼⴰⴷⴷⴻⵏ ⵉ ⵎⴻⴷⴷⴻⵏ ⴰⴷ ⴳⴻⵏ ⵜⴰⴼⴻⵍⵍⴰⵃⵜ ⵢⴻⵔⵏⴰ ⴰⴷ ⴷ-ⵏⴻⵊⴱⴻⴷ ⵓⴳⴰⵔ ⵏ ⵢⵉⵅⴻⴷⴷⴰⵎⴻⵏ ⵖⴻⵔ ⵓⵃⵔⵉⵛ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⴻⵔⵔⵧⵓⴽⵀⵉ ⴷⴻⴳ ⵢⵉⵊⵉⴼⴻⵕ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵓⵞⵞⵉⵜ ⴰⵢ ⴷ-ⵢⴻⵍⵍⴰⵏ, ⴰⵙⴻⴳⴳⴰⵙ-ⴰ, ⵙ ⵓⴱⴻⵔⵔⵉⵃ ⵏ « ⵜⴼⴻⵍⵍⴰⵃⵜ ⴷ ⵓⵃⵓⴷⴷⵓ ⴰⵏⵎⴻⵜⵜⵉ ».

« ⴰⵖⵍⵉⴼ ⵢⴻⴳⴳⵓⵏⵉ-ⵜ ⵛⵛⵖⴻⵍ ⴷ ⴰⵎⴻⵇⵔⴰⵏ ⵢⴻⵔⵣⴰⵏ ⴰⵙⴷⵓⵎⵓ ⴷ ⵓⵣⵔⴰⵄ ⵏ ⵜⴼⴻⵍⵍⴰⵃⵜ ⴷ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴳⴰⵔ ⵎⴻⴷⴷⴻⵏ ⵉ ⵍⵎⴻⵏⴷ ⵏ ⵓⵜⵜⴻⴽⴽⵉ ⵏ ⵡⵓⴳⴰⵔ ⵏ ⵎⴻⴷⴷⴻⵏ ⴷⴻⴳ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⴷ ⵓⴹⵎⴰⵏ ⵏ ⵜⵓⵞⵞⵉⵜ ⵉ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⴰⴷ ⵜⵄⴻⴷⴷⵉ ⵉ 11% ⴷⴻⴳ ⵓⵏⵏⴻⵔⵏⵉ ⴷⴻⴳ ⵜⴷⴰⵎⴰⵙⴰ ⵜⴰⵖⴻⵍⵏⴰⵡⵜ, ⵍⴰ ⵉⵅⴻⴷⴷⴻⵎ ⵓⵖⵍⵉⴼ ⵏ ⵜⴼⴻⵍⵍⴰⵃⵜ ⴰⴽⴽⴻⵏ ⴰⴷ ⵢⴻⴳ ⴰⴱⵔⵉⴷ ⵉ ⵢⴰⵍ ⴰⵅⴻⴷⴷⴰⵎ ⴷⴻⴳ ⵓⵃⵔⵉⵛ ⵏ ⵜⴼⴻⵍⵍⴰⵃⵜ ⴰⴽⴽⴻⵏ ⴰⴷ ⴷ-ⵢⴻⵙⴼⴰⵢⴷⵉ ⵙⴻⴳ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵏⴰⴳⵔⴰⵡ ⴰⵙⴻⵎⵎⴰⴷ ⵏ ⵓⵏⵏⴻⵔⵏⵉ ⴰⵢ ⵢⴻⴱⴹⴰⵏ ⵖⴻⴼ ⵡⴰⵛⵃⴰⵍ ⵏ ⵡⴰⵀⵉⵍⴻⵏ.

ⴰⵀⵉⵍⴻⵏ-ⴰ ⴰⴷ ⵜⵜⵡⴰⵙⴼⴻⵄⵍⴻⵏ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⴰ ⵜⵜⵡⴰⵀⴻⵢⵢⴰⵏ-ⴷ ⵙ ⵓⵎⵄⴰⵡⴻⵏ ⴳⴰⵔ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵏ ⵢⵉⵅⴻⴷⴷⴰⵎⴻⵏ ⴷ ⵜⴽⴻⴱⴱⴰⵏⵉⵢⵉⵏ, ⵉⵏⵎⵓⵍⴰ (ⵏⴰⵇⴰⴱⴰⵜ), ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵙⴻⴳ ⵢⵉⵖⵍⵉⴼⴻⵏ ⵏⵉⴹⴻⵏ, ⵢⴻⵔⵏⴰ ⴷ ⵡⵉ ⴰⵢ ⴷ ⵜⵜⴰⵡⵉⵍ ⴰⴷ ⵢⴻⴵⴵⴻⵏ ⴰⴽⴽ ⵉⴼⴻⵍⵍⴰⵃⴻⵏ ⴷ ⵢⵉⵎⴻⴽⵙⴰⵡⴻⵏ ⴰⴷ ⴰⴷⴼⴻⵏ ⵖⴻⵔ ⵓⵏⴰⴳⵔⴰⵡ (ⵏⵉⴹⴰⵎ) ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷ ⵜⴻⵖⵜⴰⵙⵜ, ⴰⵎ ⵡⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⴼⵓⵔⴽ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⵉⵍⴰⵍⵜ ⵏ ⵜⴼⴻⵍⵍⴰⵃⵜ (ⵛⵏⵎⴰ) ⵉ ⵓⵄⴰⵡⴻⵏ ⵏ ⵢⵉⴼⴻⵍⵍⴰⵃⴻⵏ ⴷ ⵢⵉⵎⴻⴽⵙⴰⵡⴻⵏ ⵉⵍⴻⵎⵥⵉⵢⴻⵏ.