ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 200 ⵏ ⵜⴽⴻⴱⴱⴰⵏⵉⵢⵉⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵎⵣⵉⴽⴽⴻⵏⵜ ⵏ « ⵍⵧⴳⵉⴱⴰⵜ ⴱⴰⵜⵉⵡⴻⵙⵜ 2015 »

ⵡⴻⵀⵕⴰⵏ – 210 ⵏ ⵜⴽⴻⴱⴱⴰⵏⵉⵢⵉⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⵎⴻⵙⵔⵉⵜ (ⵚⴰⵍⵓⵏ) ⵜⴰⴳⵔⴰⵖⵍⴰⵏⵜ ⵜⵉⵙ 12 ⵏ ⵍⴻⴱⵏⵉ, ⵜⵉⵏⴻⴳⵡⴰ ⵏ ⵍⴻⴱⵏⵉ ⴷ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ « ⵍⵧⴳⵉⴱⴰⵜ ⴱⴰⵜⵉⵡⴻⵙⵜ 2015 », ⴰⴷ ⵉⵔⴻⵥⵎⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵇⵚⴻⵔ ⵏ ⵜⴻⵎⵣⵉⴽⴽⵏⵉⵏ ⵏ ⴻⵎⴻⵛ ⴷⴻⴳ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ (ⵡⴻⵀⵕⴰⵏ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵡⵉⴷ ⴰⵢ ⴷ-ⵉⴳⴰⵏ ⵜⵉⵎⵣⵉⴽⴽⴻⵏⵜ-ⴰ.

ⴳⴰⵔ ⵜⴽⴻⴱⴱⴰⵏⵉⵢⵉⵏ-ⴰ ⵍⵍⴰⵏⵜ ⴰⵣⴰⵍ ⵏ 30 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵟⴻⵔⴽⵉⵢⵉⵏ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏⵜ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ ⴰⵢ ⴷ-ⵢⵓⵙⴰⵏ ⵙⴻ 8 ⵏ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏⵜ ⵍⴰⵍⵎⴰⵏ, ⵙⵒⴻⵏⵢⵓⵍ, ⴼⵕⴰⵏⵙⴰ, ⵟⵟⴰⵍⵢⴰⵏ, ⵒⵓⵍⵓⵏⵢⴰ ⴷ ⵜⵓⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵣⵧⵓⴱⵉⵔ ⵧⵓⴰⵍⵉ, ⴰⵏⴻⵎⵀⴰⵍ, ⴰⵎⴰⵜⵓ ⵏ ⵙⵧⴳⴻⵅⵒⵧ ⴰⵢ ⴷ-ⵢⴻⵍⵀⴰⵏ ⴷ ⵜⴻⴷⵢⴰⵏⵜ-ⴰ. ⵜⵉⵎⵣⵉⴽⴽⴻⵏⵜ ⵏ ⵓⵙⴻⴳⴳⴰⵙ-ⴰ ⴰⴷ ⴷ-ⵜⵉⵍⵉ ⵙ ⵓⴱⴻⵔⵔⵉⵃ ⵏ « ⵎⵉ ⴰⴷ ⵢⵓⵖⴰⵍ ⵍⴻⴱⵏⵉ ⵏ ⵓⵣⴻⴽⴽⴰ ⴷ ⵜⵉⴷⴻⵜ ».

60% ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵢⴻⵎⵎⴻⵕⴽⴰⵏ ⴷⴻⴳ ⵜⴻⵎⵣⵉⴽⴽⴻⵏⵜ-ⴰ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵢⴻⵔⵏⴰ ⵜⴰⴷⵢⴰⵏⵜ-ⴰ ⴰⴷ ⵜⴻⵇⵇⵉⵎ ⵙⴻⴳ 19 ⵖⴻⵔ 24 ⵜⵓⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵢⵉⵎⵙⵓⴷⴷⵙⴻⵏ-ⵏⵏⴻⵙ (ⵎⵓⵏⴰⴹⴹⵉⵎⵉⵏ).

ⴰⴷ ⵜⵜⴻⴽⴽⵉⵏⵜ ⴷⴰⵖ 7 ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵓⵃⵔⵉⵛ-ⴰ ⵢⴻⵔⵏⴰ ⵇⵇⵏⴻⵏⵜ ⵖⴻⵔ ⵜⴻⴳⵔⴰⵡⵉⵏ ⵏ ⵛⴻⵠⵉⵜⴰⵍ ⴷ ⵀⴰⴷⴷⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵙⵧⴳⴻⵅⵒⵧ.