ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 120 ⵏ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⵙⴻⵔⴷⴰⵙⵉⵜ ⵏ ⵓⴽⴰⵔⴰⵟⵉ

ⴳⴰⵍⵎⴰ – 124 ⵏ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵜⴰⵙⴻⵔⴷⴰⵙⵉⵜ ⵏ 2015-2016 ⵏ ⵓⴽⴰⵔⴰⵟⵉ ⴰⵢ ⵢⴻⴱⴷⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵓⵖⴻⵔⴱⴰⵣ ⵏ ⵢⵉⴷⵓⴼⴻⵙⵢⴰⵏⴻⵏ ⵏ ⴳⴰⵍⵎⴰ.

ⵜⴰⵍⵖⵓⵖⴰ-ⴰ ⵜⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⴻⵇⵇⴰⵎⵓ ⵏ ⵓⴹⴻⴱⴱⴻⵔ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 5, ⵢⴻⵔⵏⴰ ⴰⴷ ⵜⴻⵇⵇⵉⵎ ⵙⵉⵏ ⵏ ⵡⵓⵙⵙⴰⵏ. 22 ⵏ ⵜⴻⵖⵍⴰⵎⵉⵏ ⵙⴻⴳ 6 ⵏ ⵜⴻⵎⵏⴰⴹⵉⵏ ⵜⵉⵙⴻⵔⴷⴰⵙⵉⵢⵉⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ-ⴰ ⴰⴷ ⴷ-ⵢⵉⵍⵉⵏ ⴷⴻⴳ ⵜⵣⴻⵇⵇⴰ ⵏ ⵡⴰⴷⴷⴰⵍ ⵏ ⵓⵖⴻⵔⴱⴰⵣ-ⴰ ⴰⵙⴻⵔⴷⴰⵙⵉ. ⵜⵉⵖⵍⴰⵎⵉⵏ-ⴰ ⵓⵙⴰⵏⵜ-ⴷ ⵙⴻⴳ ⵢⵉⵖⴰⵍⵍⴻⵏ ⵏ ⵡⴰⴽⴰⵍ, ⵏ ⵢⵉⵍⴻⵍ (ⴱⴰⵃⵕ), ⵏ ⵢⵉⴳⴻⵏⵏⵉ, ⵙⴻⴳ ⵜⴻⵎⵙⴻⵜⵍⴰ (ⴷⴰⵕⴰⴽ) ⵜⴰⵖⴻⵍⵏⴰⵡⵜ, ⵙⴻⴳ ⵜⵉⴹⴰⴼ ⵜⵉⴳⴷⵓⴷⴰⵏⵉⵏ, ⵙⴻⴳ ⵜⴻⵎⵃⴰⴷⴷⵉⵜ ⵜⴰⴳⴻⵏⵡⴰⵏⵜ ⵏ ⵡⴰⴽⴰⵍ, ⵙⴻⴳ ⵜⴽⴰⴷⵉⵎⵉⵜ ⵜⴰⴳⵔⵓⵎⵔⵉⴳⵜ ⵏ ⵛⴻⵔⵛⴰⵍ ⴷ ⵢⵉⵖⴻⵔⴱⴰⵣⴻⵏ ⵉⵙⴻⵔⴷⴰⵙⵉⵢⴻⵏ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⴷ-ⵢⴻⵍⵀⴰⵏ ⴷ ⵜⴻⵍⵖⵓⵖⴰ-ⴰ.

ⵉⵎⴹⴻⴱⴱⴻⵔ ⵏ ⵓⵖⴻⵔⴱⴰⵣ-ⴰ, ⴰⴽⵏⴰⵏⴻⵔ (ⵄⴰⵇⵉⴷ) ⵣⴰⵉⴷⵉ ⴷⵊⴰⵔⴱⵧⵓⴰ, ⵢⴻⵏⵏⴰ-ⴷ ⴷⴻⴳ ⵜⵉⵏⴰⵡⵜ-ⵏⵏⴻⵙ ⵏ ⵓⵔⵥⴰⵎ ⴷⴰⴽⴽⴻⵏ « ⴰⴷⴷⴰⵍⴻⵏ ⵏ ⵢⵉⵎⴻⵏⵖⵉ ⵔⴻⵏⵏⵓⵏ ⴷⴻⴳ ⵜⵣⴻⵎⵎⴰⵔ ⵏ ⵓⵙⴻⵔⴷⴰⵙ ».

ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴰⴽⴽⴻⵏ ⴰⴷ ⵏⵏⴰⵖⴻⵏ ⵙ ⵓⵇⴰⴷⴻⵔ ⵏ ⵕⵕⵓⵃ ⴰⵏⴰⴷⴷⴰⵍ ⵢⴻⵔⵏⴰ ⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵙⵙⴻⵇⴷⴻⵛ ⴰⴽⴽ ⵜⵜⴰⵡⵉⵍⴰⵜ ⵉ ⵓⵙⵏⴻⴼⵍⵉ (ⵜⴰⵟⵡⵉⵔ) ⵏ ⵡⴰⴷⴷⴰⵍ ⴰⵙⴻⵔⴷⴰⵙⵉ.

ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵓⵔⵥⴰⵎ ⵏ ⵜⴻⵍⵖⵓⵖⴰ-ⴰ, ⵢⴻⵍⵍⴰ-ⴷ ⵓⵎⵙⵓⴷⴻⵖ (ⵉⵙⵜⵉⵄⵔⴰⴹ) ⴰⵢⴷⴻⴳ ⴷ-ⵄⴻⴷⴷⴰⵏⵜ ⴰⴽⴽ ⵜⴻⵖⵍⴰⵎⵉⵏ ⴰⵢ ⵢⴻⵜⵜⴻⴽⴽⴰⵏ.