ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵛⴽⴻⵕ-ⴷ ⵓⴽⴰⴱⴰⵔ ⴰⵎⴰⵍⵉ ⵏ ⵙⴰⴷⵉ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵛⴽⴻⵕ-ⴷ ⵓⵙⴻⵍⵡⴰⵢ ⵏ ⵓⴽⴰⴱⴰⵔ ⵏ ⵜⴻⵎⵙⴻⵜⵍⴻⵍⵜ ⵜⴰⴼⵔⵉⵇⵉⵜ ⵉ ⵜⵓⴳⴷⵓⵜ ⴷ ⵓⵣⴰⵔⵓⴳ (ⵙⴰⴷⵉ, ⵎⴰⵍⵉ), ⵧⵓⵎⴰⵔ ⵎⴰⵔⵉⴽⵧ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴷⵓⵕ ⵏ ⵍⴷⵣⴰⵢⴻⵔ ⴷⴻⴳ ⵓⵙⵜⴻⵏⵢⵉ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵓⵙⵙⴻⴼⵄⴻⵍ » ⵏ ⵓⵎⵜⴰⵡⴰ-ⴰ.
« ⵜⵜⴰⵔⵔⴰⵖ ⵜⴰⵊⵎⵉⵍⵜ ⵉ ⴷⴷⵓⵕ ⵏ ⵍⴷⵣⴰⵢⴻⵔ ⴷⴻⴳ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ. ⵢⴻⵙⵙⴻⴼⴽ ⴰⴷ ⵏⴽⴻⵎⵎⴻⵍ ⴰⴱⵔⵉⴷ ⵖⴻⵔ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵙⴻⵔⵜⵉ ⴰⵎⴰⵍⵉ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵜⵎⴰⵔⵓⵜ ⵜⴰⵎⴰⵜⵓⵜ ⵏ ⵓⴽⴰⴱⴰⵔ ⵏ ⵢⵉⵅⴻⴷⴷⴰⵎⴻⵏ, ⵍⵧⵓⵉⵙⴰ ⵀⴰⵏⵧⵓⵏⴻ, ⴷⴻⴳ ⵓⴽⴰⵜⴰⵔ ⵏ ⵓⵎⴱⴰⴷⴷⴻⵍ ⴳⴰⵔ ⵙⵉⵏ-ⴰ ⵏ ⵢⵉⴽⴰⴱⴰⵔⴻⵏ.
ⵎⴰⵙⵙ ⵎⴰⵔⵉⴽⵧ ⵢⴻⵔⵔⴰ ⴷⴰⵖ ⵜⴰⵊⵎⵉⵍⵜ ⵉ ⴷⴷⵓⵕ ⴰⵢ ⵜⵓⵔⴰⵔ ⵍⴷⵣⴰⵢⴻⵔ ⴷⴻⴳ ⵓⵃⵔⴰⵣ ⵏ ⵜⵏⴰⵢⴰ (ⵙⵉⵢⴰⴷⴰ) ⴷ ⵜⵓⵎⵎⴷⴰ ⵏ ⵡⴰⴽⴰⵍ ⵏ ⵎⴰⵍⵉ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵙⴰⵍⵜ ⵏ ⵢⵉⵎⴰⵍⵉⵢⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ « ⵜⴻⵙⵄⴰ ⴰⵣⴰⵍ » ⴷⴻⴳ ⵓⵙⵙⴻⴷⴷⵓ ⵏ ⵍⴻⵎⵛⴰⵡⵕⴰⵜ ⵖⴻⵔ ⵙⴷⴰⵜ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ « ⴰⴷ ⴷ-ⵓⵖⴰⵍⴻⵏ ⵓⴳⴰⵔ ⵏ 120.000 ⵏ ⵢⵉⵎⴰⵍⵉⵢⴻⵏ ⵢⴻⵍⵍⴰⵏ ⴷⴻⴳ ⵜⵎⵓⵔⴰ ⵜⵉⵊⵉⵔⴰⵜⵉⵏ ⵖⴻⵔ ⵢⵉⵅⵅⴰⵎⴻⵏ-ⵏⵙⴻⵏ ».
ⵏⵏⵉⴳ ⵡⴰⵢⴰ, ⵉⵡⴻⵜ-ⴷ ⵎⴰⵙⵙ ⵎⴰⵔⵉⴽⵧ ⴷⴻⴳ « ⵜⵎⵓⵖⵍⵉⵡⵉⵏ ⵜⵉⵎⵏⵓⴽⴷⴰⵏⵉⵏ (ⵉⵎⴱⵉⵔⵢⴰⵍⵉⵢⵢⴰ) ⴰⵢ ⵢⴻⵜⵜⵃⴰⴽⴰⵕⴻⵏ ⵜⴰⴼⵔⵉⵇⵜ », ⵢⴻⵔⵏⴰ ⵉⵄⴻⵢⵢⴻⵏ-ⴷ ⴷⴰⴽⴽⴻⵏ ⵢⴻⵍⵍⴰ « ⵚⵚⴻⵏⴼ ⴷ ⴰⵎⴰⵢⵏⵓ ⵏ ⵓⵄⴰⵡⴻⴷ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵕ) ⵙ ⵓⵙⵙⴻⴷⵔⴻⵎ ⴷ ⵓⴼⵔⴰⵇ ⵏ ⵢⵉⵡⴰⵏⴰⴽⴻⵏ-ⵉⵖⵍⴰⵏⴻⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵎⴰⵍⵉ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ ⵏ ⵓⴽⴰⴱⴰⵔ-ⴰ ⴰⵎⴰⵍⵉ ⴷⴰⴽⴽⴻⵏ ⵜⵉⵎⵓⵔⴰ ⵜⵓⵜⵔⵉⵎⵉⵏ (ⵜⵉⵖⴻⵔⴱⵉⵢⵉⵏ) ⵉⴵⴻⵀⴷⴻⵏ « ⵃⵓⴽⵕⴻⵏⵜ ⴰⴳⴰⴼⴰ (ⵛⴰⵎⴰⵍ) ⵏ ⵎⴰⵍⵉ ⵉⵎⵉ ⴷ ⵡⵉⵏ ⴰⵢ ⴷ ⴰⵎⴽⴰⵏ ⴰⵢⵙⴻⴳ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⵙⴻⴹⵄⴻⴼ ⵓⵡⴰⵏⴰⴽ (ⴷⴷⵓⵍⴰ) », ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⴱⵏⵓ ⵜⵎⵓⵔⵜ ⵡⴰⵔ ⵍⴻⵄⴹⵉⵍ.
ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵡⴰⵏⴰⴽⴻⵏ-ⵉⵖⵍⴰⵏⴻⵏ « ⵣⴳⴰⵏ-ⴷ ⴷ ⴰⵄⴻⵡⵡⵉⵇ ⵉ ⵜⵎⵓⵔⴰ ⵜⵉⵎⵙⵉⵀⵔⵉⵢⵉⵏ (ⵔⴰ’ⵙⵎⴰⵍⵉⵢⵢⴰ) ⴰⵢ ⵢⴻⴱⵖⴰⵏ ⴰⴷ ⴷ-ⵙⴱⴻⴷⴷⴻⵏⵜ ⴷⴻⴳ ⵓⵎⴽⴰⵏ-ⵏⵙⴻⵏ ⵉⵡⴰⵏⴰⴽⴻⵏ ⵉⵔⵏⴻⴳⴳⵉⵢⴻⵏ (ⴷⵓⵡⴰⵍ ⵎⴰⵔⵉⵇⴰ) ».
