ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⴱⵖⴰⵏ ⵢⵉⵅⵚⵉⵎⴻⵏ ⴰⴷ ⴷ-ⵓⵖⴰⵍⴻⵏ ⵖⴻⵔ ⵍⴻⵎⵛⴰⵡⵕⴰⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵅⵚⵉⵎⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴰⵍⵓⴼⵜ ⵏ ⵢⴰⵎⴰⵏ ⴱⴰⵏⴻⵏ-ⴷ ⴱⵖⴰⵏ ⴰⴷ ⴳⴻⵏ ⵜⴰⵍⵡⵉⵜ ⴳⴰⵔ-ⴰⵙⴻⵏ ⵉⵎⵉ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵙⵄⴰⵏ ⵏⵏⴻⵢⵢⴰ ⴰⴷ ⵓⵖⴰⵍⴻⵏ ⵖⴻⵔ ⵍⴻⵎⵛⴰⵡⵕⴰⵜ, ⵍⴰⴷⵖⴰ ⵉⵎⵉ ⴰⵢ ⴷ-ⵉⴱⴰⵏ ⴷⴰⴽⴽⴻⵏ ⴰⵎⴰ ⴷ ⵉⵖⴰⵍⵍⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ), ⴰⵎⴰ ⴷ ⵉⵃⵓⵜⵉⵢⴻⵏ, ⵀⴻⵢⵢⴰⵏ ⴰⴽⴽⴻⵏ ⴰⴷ ⵇⴻⴱⵍⴻⵏ ⴰⵙⵙⵓⵎⴻⵔ (ⵉⵇⵜⵉⵔⴰⵃ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ (ⵇⴰⵔⴰⵔ) 2216.

ⵜⴻⵏⵛⴻⴷ-ⴷ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵙⵙ ⵏ ⵙⵙⴻⴱⵜ, ⴰⵏⴰⴱⴰⴹ ⴰⵢⴰⵎⴰⵏⵉ ⴷ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵉⵣⴰⵢⴷⵉⵢⴻⵏ ⵉⵃⵓⵜⵉⵢⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⵓⴼⴰⴽⵉ ⵏ ⵜⴰⵍⵓⴼⵜ ⵜⴰⵢⴰⵎⴰⵏⵉⵜ ⴰⵢ ⵉⵏⴻⴽⵔⴻⵏ 7 ⵏ ⵡⴰⵢⵢⵓⵔⴻⵏ ⴰⵢⴰ.

« ⵏⴻⴹⴹⴻⴼ-ⴷ ⴰⵏⴻⵄⵔⵓⴹ ⵙⵖⵓⵔ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵢⴻⵙⵙⴰⵡⴻⴹ-ⴰⵖ-ⵜ-ⵉⴷ ⵓⵎⴰⵣⵓⵏ-ⵏⵏⴻⵙ ⵓⵣⵣⵉⴳ (ⵎⴰⴱⵄⵓⵜ ⵅⴰⵚⵚ) ⵉ ⵢⴰⵎⴰⵏ, ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ, ⴰⴽⴽⴻⵏ ⴰⴷ ⵏⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵍⴻⵎⵛⴰⵡⵕⴰⵜ ⴷ ⵢⵉⵃⵓⵜⵉⵢⴻⵏ ⴷ ⴰⵍⵉ ⴰⴱⴷⴰⵍⵍⴰⵀ ⵙⴰⵍⴻⵀ (ⴰⵙⴻⵍⵡⴰⵢ ⴰⵇⴱⵓⵔ ⵢⴻⵔⵏⴰ ⴷ ⴰⵎⴻⴷⴷⴰⴽⴻⵍ ⵏ ⵢⵉⵃⵓⵜⵉⵢⴻⵏ) ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ 2216 » ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵔⴰⵊⴻⵀ ⴱⴰⴷⵉ.

ⵜⴰⵏⴻⵖⵜⵓⵙⵜ 2216 ⵜⴻⵙⵙⴻⴼⵔⴰⵢ ⴰⴷ ⵊⴻⴱⴷⴻⵏ ⵢⵉⵖⴻⵡⵡⴰⵖⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵜⴻⵎⵏⴰⴹⵉⵏ ⴰⵢ ⴹⴹⴼⴻⵏ. ⵓⵍⴰ ⵎⴰ ⵡⴻⵔⵄⴰⴷ ⵓⵔ ⴷ-ⵢⴻⵍⵍⵉ ⴰⵔⴰ ⵓⵎⵙⴻⴼⵀⴰⵎ ⵖⴻⴼ ⵓⵎⴽⴰⵏ ⴷ ⵡⴰⴽⵓⴷ ⴰⵢⴷⴻⴳ ⴰⴷ ⴷ-ⵉⵍⵉⵏⵜ ⵍⴻⵎⵛⴰⵡⵕⴰⵜ-ⴰ, ⵢⴻⵏⵏⴰ-ⴷ ⵓⵏⴰⴱⴰⴹ ⴰⵢⴰⵎⴰⵏⵉ ⴷⴰⴽⴽⴻⵏ ⴰⴷ ⴷ-ⵢⴻⵔⵔ « ⵙ ⵓⴱⵔⵉⴷ ⵓⵏⵚⵉⴱ » (ⵕⴰⵙⵎⵉⵢⵢⴰⵏ) ⵉ ⵓⵏⴻⵄⵔⵓⴹ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⴷ ⴰⵛⵓ ⴽⴰⵏ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⴰⵔⴰⵎⴻⵏ ⴰⴷ ⵢⵓⵖⴰⵍ ⵓⵏⴰⴱⴰⴹ ⴰⵢⴰⵎⴰⵏⵉ ⴷ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵖⴻⵔ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⵓⵇⴱⴻⵍ ⵜⴳⴰⵔⴰ ⵏ ⵜⵓⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ-ⴰ, ⵊⴰⵏ ⴻⵍⵉⴰⵙⵙⵧⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵏⵏⴰⵏⵜ-ⴷ ⵜⴻⵎⵍⵉⵛⵉⵏ ⵜⵉⵃⵓⵜⵉⵢⵉⵏ ⴷ ⵢⵉⵎⵙⵉⵙⴰⵏ-ⵏⵙⴻⵏⵜ (ⵃⵓⵍⴰⴼⴰ’) ⴷⴰⴽⴽⴻⵏ ⵇⴻⴱⵍⴻⵏⵜ ⴰⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ 2216 ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵇⴱⴻⵍ ⵎⴰ ⴱⴷⴰⵏⵜ-ⴷ ⵍⴻⵎⵛⴰⵡⵕⴰⵜ ⵏ ⵓⵏⴰⴱⴰⴹ, ⴷⵖⴰ ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵍⴻⴱⵖⵉ ⵏ ⵜⵉⴷⴷⵉⵜ ⵖⴻⵔ ⵙⴷⴰⵜ ⵉ ⵓⴼⴰⴽⵉ ⵏ ⵢⵉⵎⴻⵏⵖⵉ-ⴰ.