ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ: 185 ⵏ ⵢⵉⵏⴻⵀⵀⴰⵕⴻⵏ ⴰⴷ ⵢⴻⵜⵜⴻⴽⴽⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵥⵔⵉⴳⵜ (ⵟⴰⴱⵄⴰ) ⵜⴰⵎⴻⵣⵡⴰⵔⵓⵜ ⵏ ⵓⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴷⵣⴰⵢⴻⵔ « ⴰⵛⵇⵉⵔⵔⴻⵡ ⴰⴳⵔⴰⵖⵍⴰⵏ ⵏ ⵓⵏⴻⵥⵔⵓⴼ ⴰⵎⴻⵇⵔⴰⵏ », ⴰⴷ ⴷ-ⵢⵉⵍⵉ ⴳⴰⵔ ⵓⵎⴻⵣⵡⴰⵔⵓ ⴷ 9 ⵏⵡⴻⵎⴱⴻⵕ, ⵢⴻⵔⵏⴰ ⴰⴷ ⵢⴻⴹⴼⴻⵔ ⴰⵎⴻⵛⵡⴰⵕ ⵏ 1770 ⵏ ⵢⵉⴽⵉⵍⵓⵎⵉⵜⵔⴻⵏ ⴳⴰⵔ ⵍⴷⵣⴰⵢⴻⵔ ⴷ ⵍⴻⵖⵡⴰⵟ, ⴰⵎ ⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵕⴰⵍⵉ-ⴰ 185 ⵏ ⵢⵉⵏⴻⵀⵀⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵉⵎⵉⴽⴰⵏⵉⵢⴻⵏ.

« ⴷⴷⴰⵡ ⵍⴻⵄⵏⴰⵢⴰ ⵜⵓⵏⵏⵉⴳⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ‘ⴰⵛⵔⵉⵇⵇⵔⴻⵡ ⴰⴳⵔⴰⵖⵍⴰⵏ ⵏ ⵓⵏⴻⵥⵔⵓⴼ ⴰⵎⴻⵇⵔⴰⵏ’ ⴰⴷ ⵢⵉⵍⵉ ⴷ ⴰⵎⴻⵛⵡⴰⵕ ⵏ ⵜⵉⴷⴻⵜ ⵉ ⵓⵎⴻⵔⵔⴻⵃ ⴷⴻⴳ ⵜⵎⵓⵔⵜ ⵉ ⵜⵎⵓⵙⵙⵏⵉ ⵏ ⵛⵛⴱⴰⵃⴰ ⵏ ⵓⵏⴻⵥⵔⵓⴼ ⴰⴷⵣⴰⵢⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ.

ⴷⴻⴳ ⵜⴻⵥⵔⵉⴳⵜ-ⴰ ⵜⴰⵎⴻⵣⵡⴰⵔⵓⵜ, ⴰⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴷⵣⴰⵢⴻⵔ ⴰⴷ ⵢⴻⴽⴽ ⵖⴻⴼ 1770 ⵏ ⵢⵉⴽⵉⵍⵓⵎⵉⵜⵔⴻⵏ (1210 ⵏ ⵢⵉⴽⵉⵍⵓⵎⵉⵜⵔⴻⵏ ⴱⴻⵕⵕⴰ ⵉ ⵓⴱⵔⵉⴷ, 560 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴱⵔⵉⴷ). ⵜⵉⵎⵙⵉⵣⵣⴻⵍⵜ-ⴰ ⴰⴷ ⵜⴻⴱⴹⵓ ⵖⴻⴼ 6 ⵏ ⵢⵉⵃⵔⵉⵛⴻⵏ ⴳⴰⵔ ⵍⴷⵣⴰⵢⴻⵔ ⴷ ⵍⴻⵖⵡⴰⵟ, ⵢⴻⵔⵏⴰ ⴰⴷ ⵜⵄⴻⴷⴷⵉ ⵖⴻⴼ ⵜⵉⵎⵉⵎⵓⵏ, ⵍⴻⵎⵏⵉⵄⴰ ⴷ ⵍⴻⴱⵢⵓⴹ ⵙⵉⴷⵉ ⵛⵛⵉⵅ.

Ɣⴻⴼ ⵍⴻⵃⵙⴰⴱ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵡⴰⴷⴷⴰⵍⴻⵏ ⵉⵎⵉⴽⴰⵏⵉⵢⴻⵏ, 185 ⵏ ⵢⵉⵏⴻⵀⵀⴰⵕⴻⵏ ⴰⴷ ⵢⴻⵜⵜⴻⴽⴽⵉⵏ ⵙⴻⴳ 14 ⵏ ⵜⵎⵓⵔⴰ. ⴰⴷ ⵉⵍⵉⵏ ⴷⴻⴳ ⵜⴻⵎⵙⵉⵣⵣⴻⵍⵜ-ⴰ 60 ⵏ ⵢⵉⵎⵓⵟⵓⵜⴻⵏ, 40 ⵏ ⵜⴽⴻⵕⵕⵓⵙⵉⵏ, 10 ⵏ ⵢⵉⴽⴰⵎⵢⵓⵏⴻⵏ, 10 ⵏ ⵜⴽⴻⵕⵕⵓⵙⵉⵏ ⵜⵓⵣⵣⵉⴳⵉⵏ (ⵙⵙⵠ) ⴷ 15 ⵏ ⵢⵉⴽⵡⴰⴷⴻⵏ. ⵜⵉⵎⵓⵔⴰ ⴰⴷ ⵢⴻⵜⵜⴻⴽⴽⵉⵏ ⴷ ⵍⴷⵣⴰⵢⴻⵔ, ⵟⵟⴰⵍⵢⴰⵏ, ⵍⵉⴱⵢⴰ, ⵙⵒⴻⵏⵢⵓⵍ, ⴱⵉⵍⵊⵉⴽ, ⵇⴰⵟⴰⵔ, ⴼⵕⴰⵏⵙⴰ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⵍⴰⵍⵎⴰⵏ, ⵍⵓⵕⴷⵓⵏ, ⵜⵉⵎⵓⵔⴰ ⵏ ⵡⴰⴷⴷⴰ, ⵜⴰⴳⴷⵓⴷⴰ ⵜⴰⵞⵉⴽⵉⵜ, ⵜⵓⵜⵔⵉⵛⵜ ⴷ ⵏⵓⵕⵡⵉⵊ.

ⵡⵉⴷ ⴰⵢ ⴷ-ⵢⴻⵍⵀⴰⵏ ⵙ ⵓⵕⴰⵍⵉ-ⴰ ⵏⵏⴰⵏ-ⴷ ⴷⴰⵖ ⴷⴰⴽⴽⴻⵏ 45 ⵏ ⵢⵉⵏⴻⵖⵎⴰⵙⴻⵏ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⵜⴰⴳⵔⴰⵖⵍⴰⵏⵜ.