ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⵍⴰⵉⴱ ⴷ ⵢⵉⴼⴻⵍⵍⴰⵃⴻⵏ ⵍⵀⴰⵏⴷ ⴷ ⵡⵓⴳⵓⵔ ⵏ ⵓⵙⵙⴻⵏⵣⵉ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴻⵍⵍⴰ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴳⴰⵔ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ (ⵜⵉⴵⴰⵕⴰ), ⴱⴰⴽⵀⵜⵉ ⴱⴻⵍⴰⵉⴱ, ⴷ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵍⵍⴰⵃⴻⵏ ⵉⴷⵣⴰⵢⵔⵉⵢⴻⵏ ⵉ ⵓⵙⵇⴻⵔⴷⴻⵛ ⵖⴻⴼ ⵡⵓⴳⵓⵔⴻⵏ ⴰⵢ ⴷ-ⵜⵜⵎⴰⴳⴰⵔⴻⵏ ⵢⵉⴼⴻⵍⵍⴰⵃⴻⵏ ⴷⴻⴳ ⵓⵙⵙⴻⵏⵣⵉ ⵏ ⵙⵙⴻⵍⵄⴰ-ⵏⵙⴻⵏ.

ⴰⵎⴰⵔⵓ ⴰⵎⴰⵜⵓ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵍⵍⴰⵃⴻⵏ ⵉⴷⵣⴰⵢⵔⵉⵢⴻⵏ, ⵎⵧⵀⴰⵎⴻⴷ ⴰⵍⵉⵧⵓⵉ, ⴷ ⵢⵉⴳⴻⵏⵙⴰⵙⴻⵏ (ⵎⴻⵙ’ⵓⵍⵉⵏ) ⵏⵉⴹⴻⵏ ⵏ ⵜⴷⵓⴽⵍⵉ-ⴰ, ⵙⵙⵓⵎⵔⴻⵏ-ⴷ (ⵇⵜⴰⵔⵃⴻⵏ-ⴷ) ⵖⴻⴼ ⵓⵏⴰⴱⴰⴹ ⴰⴷ ⴷ-ⵢⴻⵍⵀⵓ ⴷ ⵡⵓⴳⵓⵔⴻⵏ-ⴰ, ⵢⴻⵔⵏⴰ ⴰⵎⴻⵣⵡⴰⵔⵓ ⴷⴻⴳ-ⵙⴻⵏ ⴷ ⵡⵉⵏ ⵏ ⵙⵙⵓⵎⴰ ⴷ ⵍⴻⵎⵄⴰⵡⵏⴰ ⵙ ⵜⴻⴷⵔⵉⵎⵜ.

ⵙ ⵡⴰⵢⴰ, ⵙⵙⵓⵎⵔⴻⵏ-ⴷ ⴰⴷ ⴷ-ⵜⵉⵍⵉ ⵜⴰⵍⴰⵙⵜ ⴷⴻⴳ ⵙⵙⵓⵎⴰ ⵜⵓⵏⵏⵉⴳⵜ ⵏ ⵍⵖⴻⵍⵍⴰⵜ ⵏ ⵜⴼⴻⵍⵍⴰⵃⵜ ⴰⵢ ⵢⴻⵜⵜⵏⵓⵣⵓⵏ ⴰⵟⴰⵙ ⴰⴽⴽⴻⵏ « ⴰⴷ ⵢⴻⵃⴱⴻⵙ ⵡⵓⵔⴰⵔ ⵙ ⵙⵙⵓⵎⴰⵜ ⴰⵢ ⴷ-ⵃⴻⵜⵜⵎⴻⵏ ⵡⵉⴷ ⴰⵢ ⵢⴻⵙⵏⵓⵣⵓⵢⴻⵏ ⵙ ⵓⵊⴻⵎⵎⴰⵍ ⴷ ⵡⵉⴷ ⵢⴻⵜⵜⵄⴰⵡⴰⴷⴻⵏ ⴰⵙⵙⴻⵏⵣⵉ, ⵉⵎⵉ ⴷ ⵏⵉⵜⵏⵉ ⴰⵢ ⵉⵔⴻⵏⵏⵓⵏ ⴷⴻⴳ ⵙⵙⵓⵎⴰ ⵢⴻⵔⵏⴰ ⵜⵜⴹⵓⵔⵔⵓⵏ ⵜⴰⵣⵎⴻⵔⵜ ⵏ ⵜⵎⴻⵙⵖⵉⵡⵜ ⵏ ⵓⵎⴻⵛⵜⴰⵔⵉ ».

« ⵅⴻⵍⵄⴻⵖ ⵎⵉ ⵥⵔⵉⵖ ⵟⵓⵎⴰⵟⵉⵛ ⴰⵢ ⵥⵥⵉⵖ ⵢⴻⵔⵏⴰ ⵙⵙⴻⵏⵣⴻⵖ-ⵜⵜ ⵙ 30 ⵏ ⵢⵉⴷⵉⵏⴰⵕⴻⵏ ⵉ ⵓⴽⵉⵍⵓⴳⵕⴰⵎ, ⵜⴻⵜⵜⵏⵓⵣⵓ ⵙ 150 ⵏ ⵢⵉⴷⵉⵏⴰⵕⴻⵏ ⴷⴻⴳ ⵣⵔⴰⴷⵍⴰ (ⵍⴷⵣⴰⵢⴻⵔ) » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⴼⴻⵍⵍⴰⵃ ⵙⴻⴳ ⵓⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ.

ⵙⵙⴰⵡⵍⴻⵏ ⴷⴰⵖ ⵖⴻⴼ ⵓⵏⴰⴳⵔⴰⵡ (ⵏⵉⴹⴰⵎ) ⵏ ⵍⴻⵖⵔⴰⵎⴰ ⴰⴷ ⵢⴻⴼⴽⴻⵏ ⴰⵣⴰⵍ ⵉ ⵍⵖⴻⵍⵍⴰ ⵜⴰⵖⴻⵍⵏⴰⵡⵜ ⵏ ⵜⴼⴻⵍⵍⴰⵃⵜ ⵢⴻⵔⵏⴰ ⴰⴷ ⵢⴻⵔⵥ ⵍⵖⴻⵍⵍⴰⵜ ⵜⵉⴱⴻⵕⵕⴰⵏⵉⵢⵉⵏ ⴷⴻⴳ ⵙⵙⵓⵎⴰ.

« ⴰⴼⴻⵍⵍⴰⵃ ⵢⴻⴽⴽⴰⵜ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⵏⴻⵜⵜⴰ ⵢⴻⵙⴼⵓⵍⵍⵓⵃ, ⵙⴰⴽⴽⵉⵏ, ⴷⴻⴳ ⵜⴳⴰⵔⴰ, ⴷ ⵍⵖⴻⵍⵍⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙⴻⴳ ⵓⵣⵖⴰⵔ ⴰⴷ ⵜ-ⵢⴻⵔⵥⴻⵏ ⴷⴻⴳ ⵙⵙⵓⵎⴰ, ⵢⴻⵔⵏⴰ ⵍⵖⴻⵍⵍⴰ-ⵏⵏⵉ ⵓⵖⴻⵏ-ⵜⵜ-ⵉⴷ ⵙ ⵢⵉⴷⵔⵉⵎⴻⵏ ⵏ ⵜⴱⴰⵏⴽⵉⵡⵉⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ ⵢⵉⵡⴻⵏ ⵏ ⵓⴼⴻⵍⵍⴰⵃ.