ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵍⵎⴻⴷ: ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏⵜ ⵜⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ
ⵜⵍⴻⵎⵙⴰⵏ – ⴳⵔⴻⵏ-ⴷ ⵜⵉⵖⵔⵉ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⴰⵎⵏⴰⴹⴰⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵓⵙⵙⴻⵍⵎⴻⴷ ⵏ ⵢⵉⵍⴻⵎⵥⵉⵢⴻⵏ. ⴰⵙⴰⵔⴰⴳ-ⴰ ⵢⴻⴱⴷⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵍⴻⵎⵙⴰⵏ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⵧⵀⴰⵎⴻⴷ ⴱⴻⵜⵜⴰⵛⵀⴻ, ⴰⴷⵓⵏⴻⵎⵀⴰⵍ ⵏ ⵓⵙⵙⴻⵍⵎⴻⴷ ⴷⴻⴳ ⵓⵖⵍⵉⴼ ⵏ ⵓⵙⵙⵉⵍⴻⵖ, ⴷⴰⴽⴽⴻⵏ ⵜⵉⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ ⴷ ⵏⵉⵜⴻⵏⵜⵉ ⴰⵢ ⴷ ⵍⵍⵙⴰⵙ ⵏ ⵓⵙⵙⴻⵍⵎⴻⴷ, ⵢⴻⵔⵏⴰ « ⵎⴰ ⵢⴻⵍⵍⴰ ⵜⵉⴽⴻⴱⴱⴰⵏⵉⵢⵉⵏ-ⴰ ⴰⴷ ⵓⵔⴰⵔⴻⵏⵜ ⴷⴷⵓⵕ-ⵏⵙⴻⵏⵜ ⵏ ⵓⵎⵎⴰⴳⴻⵔ ⵏ ⵢⵉⵍⴻⵎⵥⵉⵢⴻⵏ ⴷ ⵓⵙⵙⴻⵍⵎⴻⴷ-ⵏⵙⴻⵏ ⴷⴻⴳ ⵓⵏⵔⴰⵔ ⴷⴻⴳ ⵜⵏⴻⵎⵙⴰⵍ (ⵡⴰⵕⴰⵛⴰⵜ), ⴰⵙⵙⴻⵍⵎⴻⴷ-ⴰ ⵢⴻⴻⵣⵎⴻⵔ ⴰⴷ ⵢⴻⵏⵏⴻⵔⵏⵉ ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⵓⴼⴼⴻⵖ ⵏ ⵡⵓⴳⴰⵔ ⵏ ⵢⵉⵅⴻⴷⴷⴰⵎⴻⵏ ⵢⴻⵙⵙⵏⴻⵏ ⵚⵚⴻⵏⵄⴰ ».
ⵢⴻⵔⵏⴰ-ⴷ ⵓⵎⴰⵙⴰⵢ-ⴰ (ⵎⴻⵙ’ⵓⵍ) ⴷⴰⴽⴽⴻⵏ ⴰⵙⵙⴻⵍⵎⴻⴷ ⴷⴻⴳ ⵜⴽⴻⴱⴱⴰⵏⵉⵢⵉⵏ ⵓⵔ ⴷ-ⵢⴻⵙⵇⴰⵎⴰⵢ ⴰⵔⴰ ⴰⵟⴰⵙ ⵢⴻⵔⵏⴰ ⵓⵔ ⵢⴻⵃⵡⴰⴵ ⴰⵔⴰ ⵜⵜⴰⵡⵉⵍ ⴷ ⴰⵎⴻⵇⵔⴰⵏ ⵎⴰ ⵏⵇⵓⵔⴻⵏ-ⵉⵜ ⵖⴻⵔ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⵢⴷⴻⴳ ⵉⵏⴻⵍⵎⴰⴷⴻⵏ ⴰⴷ ⵏⵙⴻⵏ ⴷⴻⴳ ⵓⵎⴽⴰⵏ ⴰⵢⴷⴻⴳ ⵍⴻⵎⵎⴷⴻⵏ, ⵢⴻⵔⵏⴰ ⴰⵖⵍⵉⴼ ⵏ ⵓⵙⵙⵉⵍⴻⵖ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⵚⵚⴻⵏⴼ-ⴰ ⵏ ⵓⵙⵙⴻⵍⵎⴻⴷ.
ⵉⵙⵡⵉ ⵏ ⵓⵖⵍⵉⴼ ⵏ ⵓⵙⵙⵉⵍⴻⵖ ⴷ ⴰⵙⵏⴻⵔⵏⵉ ⵏ ⵓⵙⵙⴻⵍⵎⴻⴷ ⵙⴻⴳ 50% ⵖⴻⵔ 70%, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴷ ⵉⵍⴻⵎⵥⵉⵢⴻⵏ, ⴰⴷ ⵍⴻⵎⴷⴻⵏ ⴷⴻⴳ ⵢⵉⵎⵓⴽⴰⵏ ⵏ ⵓⵙⵙⵉⵍⴻⵖ ⴰⵢⴷⴻⴳ ⴰⴷ ⵜⵜⵏⵓⵙⵓⵏ.
ⵎⴰ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⵏⴻⴼⵍⵉ ⴷ ⵓⵙⵙⴻⵍⵎⴻⴷ ⵏ ⵓⵙⵙⵉⵍⴻⵖ ⵢⴻⵜⵜⴽⴻⵎⵎⵉⵍⴻⵏ, ⴽⴰⵎⴻⵍ ⵧⵓⴰⵍⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵙⵡⵉ ⵏ ⵓⵙⵙⴻⵍⵎⴻⴷ ⵏⴻⵜⵜⴰ ⴷ ⴰⴽⵙⴰⴱ ⵏ ⵜⵜⴻⵊⵕⵉⴱⴰ ⴷⴻⴳ ⵓⵅⴻⴷⴷⵉⵎ ⵢⴻⵔⵏⴰ ⴰⵢⴰ ⵢⴻⵜⵜⴰⴵⴵⴰ ⵉⵍⴻⵎⵥⵉⵢⴻⵏ ⴰⴷ ⴳⴻⵏ ⵚⵚⴻⵏⵄⴰⵜ ⵢⴻⵇⵇⵏⴻⵏ ⵖⴻⵔ ⵓⴼⴰⵔⴻⵙ (ⵉⵏⵜⴰⴵ) ⴷ ⵢⵉⵎⴻⵥⵍⴰ (ⵅⴰⴷⴰⵎⴰⵜ), ⵡⴰⵏⴰⴳ ⴰⵙⵙⵉⵍⴻⵖ ⵢⴻⵜⵜⵉⵍⵉ-ⴷ ⴽⴰⵏ ⴷⴻⴳ ⵡⴰⵎⵎⴰⵙ (ⵎⴰⵔⴽⴰⵣ) ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵜⵎⵓⵙⵙⵏⵉ ⵏ ⵓⵏⴻⵍⵎⴰⴷ.
ⴰⵙⴰⵔⴰⴳ-ⴰ ⴰⵎⵏⴰⴹⴰⵏ (ⴵⵉⵀⴰⵡⵉ) ⵏ ⵙⵉⵏ ⵏ ⵡⵓⵙⵙⴰⵏ ⵉⴳⴰ-ⵜ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵙ ⵓⵎⵄⴰⵡⴻⵏ ⴷ ⵜⵎⴻⵀⵍⴰ ⵏ ⵓⵙⵙⵉⵍⴻⵖ ⴷ ⵓⵙⵙⴻⵍⵎⴻⴷ ⴰⵙⴰⴷⵓⵔⴰⵏ ⵏ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ. ⵉⵙⵡⵉ-ⵏⵏⴻⵙ ⴷ ⴰⵙⵇⴻⵔⴷⴻⵛ ⵖⴻⴼ ⵡⴰⵎⴻⴽ ⴰⴷ ⵢⴻⵜⵜⵡⴰⵙⵏⴻⵔⵏⵉ ⵓⵙⵙⴻⵍⵎⴻⴷ ⵙ ⵓⵎⵄⴰⵡⴻⵏ ⴷ ⵜⴽⴻⴱⴱⴰⵏⵉⵢⵉⵏ.