ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Seg Tasanayt s tmaziɣt imunen
Neggez ar: ẓer isebtar, anadi

ⵢⴻⵙⵙⴻⴼⴽ ⵓⵙⵙⴻⴵⵀⴻⴷ ⵏ ⵢⵉⵖⴰⵍⵍⴻⵏ ⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ

ⵜⴱⴻⵙⵙⴰ – ⵢⴻⴼⴽⴰ ⵍⴰⵎⴻⵕ ⵓⵊⵉⵏⵉⵕⴰⵍ ⴰⵎⴰⵊⵓⵕ ⵏⵧⵓⴱⴰ ⵎⴻⵏⴰⴷ, ⴰⵎⴻⵏⵣⴰⴹ ⵏ ⵜⴻⵎⵙⴻⵜⵍⴰ (ⴷⴰⵕⴰⴽ) ⵜⴰⵖⴻⵍⵏⴰⵡⵜ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴱⴻⵙⵙⴰ, ⵉ ⵓⵙⵙⵓⴳⴳⴻⵜ ⵏ ⵓⵅⴻⴷⴷⵉⵎ ⴷ ⵓⵙⵙⴻⴵⵀⴻⴷ ⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵉ ⵓⵃⵔⴰⵣ ⵏ ⵍⴰⵎⴰⵏ ⵏ ⵜⵎⵓⵔⵜ, ⵏ ⵎⴻⴷⴷⴻⵏ ⴷ ⵡⴰⵢⵍⴰ.

ⵎⵉ ⵢⴻⵙⵙⴻⴼⵇⴻⴷ ⵍⴱⴻⵏⵢⴰⵏⴰⵜ ⵉⵎⴰⵢⵏⵓⵜⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷⴻⴳ ⵜⵡⵉⵍⴰⵢⵜ-ⴰ ⴰⵢ ⴷ-ⵢⴻⵣⴳⴰⵏ ⴷⴻⴳ ⵓⴳⵎⵓⴹ (ⵛⵛⴻⵔⵇ) ⴰⵎⴻⴹⴹⴰⵔⴼⵓ ⵏ ⵜⵎⵓⵔⵜ, ⵢⴻⵏⵏⴰ-ⴷ ⵓⵊⵉⵏⵉⵕⴰⵍ ⴰⵎⴰⵊⵓⵕ ⵎⴻⵏⴰⴷ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵏⴻⵅⴷⴻⵎ ⴷⵉⵎⴰ ⵉ ⵓⵃⵔⴰⵣ ⵏ ⵜⵍⵉⵙⴰ ⵙⴻⴳ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵢⴻⵇⵇⵏⴻⵏ ⵖⴻⵔ ⵜⴻⵊⵔⵉⵎⵜ » ⵢⴻⵔⵏⴰ « ⴰⴷ ⵏⴻⵏⵏⴰⵖ ⵡⴰⵔ ⵕⵕⴻⵃⵎⴰ ⵎⴳⴰⵍ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ ⴷ ⵡⴰⴽⴽ ⵍⴻⵚⵏⴰⴼ ⵏ ⵜⴻⵊⵔⵉⵎⵜ ».

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⵉⵡⴻⵜ ⵙⴻⴳ ⵜⵓⵣⵡⵉⵔⵉⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷ ⵜⴰⵄⴻⵙⵙⴰⵙⵜ ⵏ ⵜⵍⵉⵙⴰ ⴷ ⵓⵃⵓⴷⴷⵓ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵓⵇⴱⴻⵍ ⵡⴰⵢⴰ, ⵢⴻⵙⵙⴻⴼⵇⴻⴷ ⵓⵎⴻⵏⵣⴰⴹ (ⵇⴰ’ⵉⴷ) ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴰⵛⴰⵏⵟⵉ ⵏ ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵖⴻⵔⴱⴰⵣ ⵏ ⵜⴻⵎⵙⴻⵜⵍⴰ ⴷⴻⴳ ⵄⵉⵏ ⵣⴻⵔⵔⵓⴳ, ⵙⴷⴰⵜ ⵜⴻⵎⴷⵉⵏⵜ ⵏ ⵜⴱⴻⵙⵙⴰ.

ⴰⵙⴻⵏⴼⴰⵔ-ⴰ, ⴰⵢ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ, ⴷ ⴰⵎⵓⵔ ⵙⴻⴳ ⵓⵃⵔⵉⵛ ⵏ 2008 ⵏ ⵓⵖⴰⵡⴰⵙ ⵏ ⵓⵃⵔⴰⵣ ⵏ ⵜⵍⵉⵙⴰ, ⵢⴻⵔⵏⴰ ⴰⴷ ⵉⵍⵉⵏ ⴷⴻⴳ-ⵙ ⴰⵟⴰⵙ ⵏ ⵍⴱⴻⵏⵢⴰⵏⴰⵜ ⵢⴻⵇⵇⵏⴻⵏ ⵖⴻⵔ ⵓⵏⵣⴰⴹ (ⵇⵉⵢⴰⴷⴰ) ⴷ ⵜⴻⴷⴱⴻⵍⵜ, ⴰⵎⵎⴰⴳⴻⵔ ⴷ ⵓⵙⵙⴻⵍⵎⴻⴷ, ⴰⵎ ⵡⴰⴽⴽⴻⵏ ⴰⴷ ⵉⵍⵉⵏⵜ ⴷⴻⴳ-ⵙ 4 ⵏ ⵜⵣⴻⵖⵡⵉⵏ ⵏ ⵡⴰⴷⴷⴰⵍ.


ⴰⵎⵎⴰⵙ-ⴰ ⵢⴻⵣⵎⴻⵔ ⴰⴷ ⵢⴰⵡⵉ 1536 ⵏ ⵢⵉⵎⴰⵏⵓⵏⴻⵏ (ⵎⵓⵜⴰⴷⴰⵔⵔⵉⴱ) ⵢⴻⵔⵏⴰ ⴰⴷ ⴷ-ⵉⴼⴰⴽ ⴷⴻⴳ ⵎⴰⵢⵓ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⴷⵉⵏ ⵉ ⵓⵊⵉⵏⵉⵕⴰⵍ ⴰⵎⴰⵊⵓⵕ.