Asebter amenzawi

Tacirt n uqecwal (tilawin): GSP terna El Fahisse n Luṛdun

LQAHIRA – Timaririn tidzayriyin n tcirt n uqecwal n GS Petroliers ssawḍent ad ɛeddint ɣer uzgen n tneggarut deffir ma rnant taɣlamt tuṛdunit n El Fahisse s 73 ɣer 71 (azgen n wakud ifuk s 46-21), deg temlilit n tis 4 n tneggarut n Telɣuɣa Taɛṛabt n Teɣlamin Tilɣuɣin, ay d-yellan ass n laṛebɛa deg Lqahira.

Deg tuzzya tamezwarut, taɣlamt n GSP tfuk d tis snat deg tegrawt A deffir ma terbeḥ-d 3 n temliliyin mgal AS Dar Chaabane n Tunes (65-55), Al-Jazeera n Maṣer (69-65) d Sharjah n Limaṛat Taɛṛabin Yeddukklen (79-43).

Timlilit tawḥidt ay xeṣrent Tdzayriyin tella-d mgal Erryadi n Lubnan s 56 ɣer 66.

GSP d nettat ay d taɣlamt tadzayrit tawḥidt ay yettekkan deg telɣuɣa-a aydeg llant 10 n teɣlamin.

Ahil n tis 4 n tneggarut:

GS Petroliers (Ldzayer) - El Fahisse (Luṛdun) 73-71 Al-Jazeera (Maṣer) - Al-Amel Erryadi (Tunes) Erryadi Club (Lubnan) - Sirouane (Ɛiraq) Sayd (Maṣer) - Sharjah (Limaṛat Taɛṛabin Yeddukklen)