ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵍⵡⴰⵢⴻⵏ ⴱⵧⵓⵜⴻⴼⵍⵉⴽⴰ ⴷ ⵎⵓⵙⴻⵠⴻⵏⵉ ⵢⴻⵛⵖⴻⴱ-ⵉⵜⴻⵏ ⵛⵛⵡⴰⵍ ⴷⴻⴳ ⵜⴻⴼⵔⵉⵇⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵓⵎⵜⵉⵍ-ⵏⵏⴻⵙ ⵓⴳⴰⵏⴷⵉ, ⵢⵧⵡⴻⵔⵉ ⴽⴰⴳⵓⵜⴰ ⵎⵓⵙⴻⵠⴻⵏⵉ, ⵏⵏⴰⵏ-ⴷ ⴷⴰⴽⴽⴻⵏ ⵢⴻⵛⵖⴻⴱ-ⵉⵜⴻⵏ ⵓⵄⴻⴹⴹⴻⵍ ⵏ ⵛⵛⵡⴰⵍ ⴷ ⵜⵍⵓⴼⴰ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵜⴻⴼⵔⵉⵇⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵓⵛⵔⵉⴽ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ ⵏ ⵓⵡⴰⵏⴰⴽ ⴰⵢ ⴷ-ⵉⴳⴰ ⵓⵙⴻⵍⵡⴰⵢ ⵓⴳⴰⵏⴷⵉ ⵖⴻⴼ ⵍⴷⵣⴰⵢⴻⵔ.
« ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ ⵓⵙⴻⵍⵡⴰⵢ ⵎⵓⵙⴻⵠⴻⵏⵉ ⴼⴻⵕⵃⴻⵏ ⵙ ⴷⴷⵓⵕ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⴼⴻⵔⵔⵓ ⵏ ⵜⵍⵓⴼⴰ ⵙ ⵜⴰⵍⵡⵉⵜ ⴷⴻⴳ ⵜⴻⴼⵔⵉⵇⵜ, ⵎⴰⵛⴰ ⵏⵏⴰⵏ-ⴷ ⴷⴰⴽⴽⴻⵏ ⵢⴻⵛⵖⴻⴱ-ⵉⵜⴻⵏ ⵓⵄⴻⴹⴹⴻⵍ ⵏ ⵛⵛⵡⴰⵍ ⴷ ⵜⵍⵓⴼⴰ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵜⴻⴼⵔⵉⵇⵜ ⵢⴻⵔⵏⴰ ⴰⵢⴰ ⵢⴻⴳⵍⴰ-ⴷ ⵙ ⵍⵎⴰⴹⴻⵔⵔⴰ ⵉ ⵓⵏⵏⴻⴼⵍⵉ (ⵏⵓⵎⵓⵡ) ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ (ⵉⴵⵜⵉⵎⴰⵄⵉ) ⵏ ⵜⴻⴼⵔⵉⵇⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.
ⵙⵉⵏ-ⴰ ⵏ ⵢⵉⵙⴻⵍⵡⴰⵢⴻⵏ ⵄⴰⵡⴷⴻⵏ ⵡⴻⴽⴽⴷⴻⵏ-ⴷ « ⴰⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜⵉⵏ ⵜⵉⴼⵔⵉⵇⵉⵢⵉⵏ ⵉ ⵡⵓⴳⵓⵔⴻⵏ ⵉⴼⵔⵉⵇⵉⵢⴻⵏ, ⵢⴻⵔⵏⴰ ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵅⴻⴷⴷⵉⵎ ⵉ ⵍⵎⴻⵏⴷ ⵏ ⵓⵏⵏⴻⴼⵍⵉ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ ⴷⴻⴳ ⵜⴻⴼⵔⵉⵇⵜ, ⵍⴰⴷⵖⴰ ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ ⵜⵉⵛⵛⵓⵔⴽⴰ ⵜⴰⵎⴰⵢⵏⵓⵜ ⵉ ⵓⵏⵏⴻⴼⵍⵉ ⵏ ⵜⴻⴼⵔⵉⵇⵜ (ⵏⴻⵒⴰⴷ) ⴰⵢ ⵢⴻⵜⵜⵖⵉⵎⵉⵏ ⴷ ⴰⵎⴻⴷⵢⴰ ⵉⵡⴰⵜⴰⵏ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴼⵔⵉⵇⵜ ».
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ ⵓⵎⵜⵉⵍ-ⵏⵏⴻⵙ ⵓⴳⴰⵏⴷⵉ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⴻⵜⵜⵡⴰⵙⵙⴻⴼⵄⴻⵍ ⵜⵙⴻⴳⴷⴰ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵜⴰⴼⵔⵉⵇⵉⵜ (ⴰⵒⵙⴰ) ⵙ ⵓⵙⵙⴻⴱⴷⴻⴷ ⵏ ⵢⵉⵖⴰⵍⵍⴻⵏ ⵉⴼⵔⵉⵇⵉⵢⴻⵏ ⵏ ⵜⵎⴻⵕⵊⵉⵡⵜ (ⴼⴰⴰ) ⴷ ⵜⴻⵣⵎⴻⵔⵜ ⵜⴰⴼⵔⵉⵇⵉⵜ ⵏ ⵜⴳⴻⵔⵎⴰⵏⵜ ⵜⵓⵄⵊⵉⵍⵜ ⴷⴻⴳ ⵜⵍⵓⴼⴰ (ⵛⴰⵔⵉⵛ) ».
ⴷⵖⴰ, ⴷⴻⴳ ⵓⵏⵔⴰⵔ-ⴰ, ⴼⴻⵕⵃⴻⵏ ⵙⵉⵏ-ⴰ ⵏ ⵢⵉⵙⴻⵍⵡⴰⵢⴻⵏ ⵙ ⵓⵎⵄⴰⵡⴻⵏ ⴷⴻⴳ ⵓⵃⵔⵉⵛ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⵢ ⴷ-ⵢⴻⵜⵜⴱⴰⵏⴻⵏ ⵢⴻⵡⵡⵉ-ⴷ ⵍⴼⴰⵢⴷⴰ ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⴷⴻⴳ ⵓⴽⴰⵜⴰⵔ ⵏ ⵓⴽⴰⵍⴰ (ⵎⴰⵙⴰⵕ) ⵏ ⵏⵡⴰⵇⵛⵓⵟ.
