ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴳⴰ ⴰⵙⵓⵔⵉⴼ ⴷ ⴰⵎⴻⵇⵔⴰⵏ ⴷⴻⴳ ⵓⵏⵔⴰⵔ ⵏ ⵜⵖⴻⵎⵙⴰ

ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵎⴰⵣⵣⴰⵢ (ⵅⴰⴱⵉⵔ) ⵏ ⵓⵙⵙⴻⵍⵖⵓ, ⴱⴻⵍⴽⴰⵛⴻⵎ ⴰⵀⵛⴻⵏⴻ ⴷⵊⴰⴱⴰⵍⵍⴰⵀ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⵍⴷⵣⴰⵢⴻⵔ ⵜⴳⴰ ⴰⵙⵓⵔⵉⴼ ⴷ ⴰⵎⴻⵇⵔⴰⵏ ⵖⴻⵔ ⵙⴷⴰⵜ ⴷⴻⴳ ⵓⵏⵔⴰⵔ ⵏ ⵜⵖⴻⵎⵙⴰ.

ⴷⵊⴰⴱⴰⵍⵍⴰⵀ, ⴰⵢ ⴷ-ⵢⴻⵄⵔⴻⴹ ⵓⵖⵎⵉⵙ ⴰⵢⴰⵍⵍⴰⵙ ⵏ ⴻⵍ ⴷⵊⵧⵓⵎⵀⵧⵓⵔⵉⴰ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵖⴻⵎⵙⴰ ⴰⴷ ⵢⴻⵜⵜⵡⴰⵙⴼⵓⴳⵍⴻⵏ ⴷⴻⴳ 22 ⵜⵓⴱⴻⵕ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴳⴰ, ⴷⴻⴳ ⵜⴰⵍⵍⵉⵜ-ⴰ ⵏ 25 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵉⴹⴻⴼⵔⴻⵏ ⴰⵙⵄⴻⴷⴷⵉ ⵏ ⵍⵇⴰⵏⵓⵏ ⵏ ⵓⵙⵙⴻⵍⵖⵓ (ⵉⵄⵍⴰⵎ) ⵏ 1990, ⴰⵙⵓⵔⵉⴼ ⴷ ⴰⵎⴻⵇⵔⴰⵏ ⵖⴻⵔ ⵙⴷⴰⵜ ⴷⴻⴳ ⵓⵏⵔⴰⵔ ⵏ ⵜⵖⴻⵎⵙⴰ ⵎⴰ ⵏⵇⵓⵔⴻⵏ-ⵉⵜⵜ ⵖⴻⵔ ⴽⵔⴰ ⵏ ⵜⵎⵓⵔⴰ.

ⵙ ⵡⴰⵢⴰ, ⵍⴷⵣⴰⵢⴻⵔ ⴰⵢ ⵢⴻⵍⵍⴰⵏ ⵜⴻⵙⵄⴰ 6 ⵏ ⵢⵉⵖⵎⵉⵙⴻⵏ ⵉⵢⴰⵍⵍⴰⵙⴻⵏ ⴷⴻⴳ 1990, ⵜⵓⵖⴰⵍ ⵜⴻⵙⵄⴰ ⴰⵙⵙ-ⴰ 143 ⵏ ⵢⵉⵖⵎⵉⵙⴻⵏ ⵉⵢⴰⵍⵍⴰⵙⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ 13 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵖⵔⵉⵢⴻⵏ (ⵇⵓⵔⵔⴰ’), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵏⴻⵖⵎⴰⵙⴻⵏ ⴷⴰⵖ ⵔⵏⴰⵏ ⵙⴻⴳ 1500 ⵖⴻⵔ 4000. ⵎⴰ ⴷ ⵜⵉⵏⴻⵙⵡⴰⵔⵉⵏ (ⵎⴰⵟⴰⴱⵉⵄ) ⵔⵏⴰⵏⵜ ⵙⴻⴳ 3 ⵖⴻⵔ 14, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵣⵣⴰⵢ-ⴰ ⴰⵢ ⵢⴻⵍⵍⴰⵏ, ⵣⵉⴽ, ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⵎⴰⵙⵙ ⴷⵊⴰⴱⴰⵍⵍⴰⵀ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵖⴰⵡⵙⴰ ⵏⵉⴹⴻⵏ ⴰⵢ ⴷ-ⵜⴻⵔⴱⴻⵃ ⵜⵖⴻⵎⵙⴰ ⵏⴻⵜⵜⴰⵜ ⴷ ⵜⵉⵍⴻⵍⵍⵉ ⵏ ⵡⴰⵡⴰⵍ, ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ « ⵓⵍⴰ ⴷⴻⴳ ⵜⴰⵍⵍⵉⵜ ⵏ ⵓⴽⴰⴱⴰⵔ ⴰⵢⵉⵡⴻⵏ, ⵢⴻⵍⵍⴰ-ⴷ ⵓⵏⵔⴰⵔ ⵉ ⵜⵍⴻⵍⵍⵉ ⵏ ⵡⴰⵡⴰⵍ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⵏ ⵓⵙⵍⵉⵣⵕⵉ (ⵙⴰⵎⵄⵉ-ⴱⴰⵚⴰⵔⵉ), ⵎⴰⵙⵙ ⴷⵊⴰⴱⴰⵍⵍⴰⵀ (ⴰⵢ ⵢⴻⵙⵙⴻⵍⵎⴰⴷⴻⵏ ⴷⴻⴳ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵖⴻⵎⵙⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷⴰⴱⵓ ⵏ ⵓⵃⴽⴰⵎ ⵏ ⵓⵙⵍⵉⵥⵔⵉ, ⵓⵍⴰ ⵎⴰ ⵢⴻⴱⴷⴰ ⵢⴻⵜⵜⴹⴰⴼⴰⵔ ⴰⵍⵓⴳ-ⵏⵏⴻⵙ (ⴷⴰⴼⵜⴰⵔ) ⵏ ⵛⵛⵓⵔⵓⴹ, ⵎⴰⵛⴰ ⵎⴰⵣⴰⵍ-ⵉⵜ ⵥⵥⴰⵢ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ, ⵢⴻⵔⵏⴰ ⵢⴻⵏⵏⴰ-ⴷ ⴷⵊⴰⴱⴰⵍⵍⴰⵀ ⵡⵉⵙⵙⴻⵏ « ⵎⴰ ⵢⴻⵍⵍⴰ ⴰⵍⵓⴳ-ⴰ ⵏ ⵛⵛⵓⵔⵓⴹ ⵢⴻⵔⵣⴰ ⵓⵍⴰ ⴷ ⵜⵉⵔⴻⴳⵡⴰ-ⵏⵏⵉ ⵜⵉⴳⴻⵏⵙⴰⵏⵉⵏ (ⵇⴰⵏⴰⵡⴰⵜ ⴼⴰⴹⴰ’ⵉⵢⵢⴰ) ⴰⵢ ⵍⴰ ⵢⴻⵜⵜⴻⴷⴷⵓⵏ ⵙ ⵍⵇⴰⵏⵓⵏ ⴰⴱⴻⵕⵕⴰⵏⵉ ».