ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⵓⵔ ⵏ ⵍⴻⵅⵚⴰⵚ ⵏ ⵓⵙⵉⵎⴰⵏ ⴰⴷ ⵉⴼⴰⴽ ⴷⴻⴳ ⵜⴳⴰⵔⴰ ⵏ 2016 (ⴳⵉⵛⴰ)

ⵡⴻⵀⵕⴰⵏ – ⵜⴰⴳⵔⴰⵡⵜ ⵜⴰⵎⴳⵓⵔⴰⵏⵜ ⵏ ⵢⵉⵙⵉⵎⴰⵏⴻⵏ ⵏ ⵍⴷⵣⴰⵢⴻⵔ (ⴳⵉⵛⴰ) ⴰⴷ ⵜⴻⴼⵔⵓ ⵓⴳⵓⵔ ⵏ ⵍⴻⵅⵚⴰⵚ ⵏ ⵓⵙⵉⵎⴰⵏ ⴰⵙⵎⵉ ⴰⴷ ⵉⴼⴰⴽ ⵓⵙⵙⴻⵎⵖⴻⵔ ⵏ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⵏ ⵙⴹⵉⴼ ⴷ ⵛⵛⵍⴻⴼ ⴷⴻⴳ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴻⵀⵕⴰⵏ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵜⴻⴳⵔⴰⵡⵜ-ⴰ. ⵉ ⵓⵙⵎⴻⴽⵜⵉ, ⵍⴷⵣⴰⵢⴻⵔ ⵜⵜⵅⴰⵚⵚⴰⵏ-ⵜⵜ ⵢⴰⵍ ⴰⵙⴻⴳⴳⴰⵙ 4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ.

ⵓⴳⵓⵔ-ⴰ ⴰⴷ ⵢⴻⴼⵔⵓ ⵎⵉ ⴰⴷ ⵉⴼⴰⴽ ⵓⵙⵙⴻⵎⵖⴻⵔ ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ ⵏ ⵄⵉⵏ ⵍⴻⴽⴱⵉⵔⴰ ⴷⴻⴳ ⵙⴹⵉⴼ (ⴰⵢ ⴷ-ⵉⵅⴻⴷⴷⵎⴻⵏ ⵓⴳⴰⵔ ⵏ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ) ⴷ ⵛⵛⵍⴻⴼ (2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⵎⴰⵙⵙ ⴰⵀⵎⴻⴷ ⵙⵧⵓⵉⴷⵉ, ⴰⵖⴻⵍⵍⴰ ⵏ ⵜⴰⵥⵓⵏⵜ ⴷⴻⴳ ⵜⴻⴳⵔⴰⵡⵜ-ⴰ, ⴷⴻⴳ ⵢⵉⵡⴻⵏ ⵏ ⵡⴰⵙⵙ ⴰⵜⴻⴽⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵙⵔⵉⵜ (ⵚⴰⵍⵓⵏ) ⵏ « ⴱⴰⵜⵉⵡⴻⵙⵜ ⴰⵍⴳéⵔⵉⴻ 2015 ».

« ⴰⵇⵍ-ⴰⵖ ⴷⴰⵖ ⵍⴰ ⵏⴻⵜⵜⴻⴷⴷⵓ ⴰⴷ ⵏⴻⵙⵜⴻⵏⵢⵉ ⵍⴻⵄⵇⴻⴷ ⴷ ⵢⵉⵡⴻⵏ ⵏ ⵓⵛⵔⵉⴽ ⴰⴱⴻⵕⵕⴰⵏⵉ ⵉ ⵓⵙⵙⴻⵎⵖⴻⵔ ⵏ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⵏ ⵣⴰⵀⴰⵏⴰ (ⴷⴻⴳ ⵎⵄⴻⵙⴽⴻⵕ) ⴷ ⴱⵏⵉ ⵚⴰⴼ (ⴷⴻⴳ ⵄⵉⵏ ⵜⵉⵎⵓⵛⴻⵏⵜ). ⵡⵉ ⴷ ⵉⵙⴻⵏⴼⴰⵔⴻⵏ ⴰⵢ ⴷ-ⵎⴰⵣⴰⵍ ⴷⴻⴳ ⵜⴻⵣⵔⴰⵡⵜ (ⴷⵉⵔⴰⵙⴰ) ⵢⴻⵔⵏⴰ ⵣⴻⵎⵔⴻⵏ ⴰⴷ ⴷ-ⵔⵏⵓⵏ ⵍⵖⴻⵍⵍⴰ ⵏ 3,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵧⵓⵉⴷⵉ.

ⵉⵎⵉⵔ-ⴰ, ⵜⴰⴳⵔⴰⵡⵜ-ⴰ ⵜⴻⵙⵄⴰ 23 ⵏ ⵜⴽⴻⴱⴱⴰⵏⵉⵢⵉⵏ ⵢⴻⵔⵏⴰ ⵜⵅⴻⴷⴷⴻⵎ-ⴷ, ⵙ ⵓⵊⴻⵎⵎⴰⵍ, 11,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ, ⵢⴻⵔⵏⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵙⵙⵉⵡⴻⴹ ⴰⴼⴰⵔⴻⵙ-ⵏⵏⴻⵙ (ⵉⵏⵜⴰⴵ) ⵖⴻⵔ 15,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016, ⴰⵎ ⵡⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ 18,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ 2018.

ⵎⴰ ⴷ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⴰⴷ ⵢⴻⵜⵜⵡⴰⴱⵏⵓⵏ ⴷ ⵜⵉⵎⴰⵢⵏⵓⵜⵉⵏ, ⴰⵊⴻⵎⵎⴰⵍ ⵏ ⵓⴼⴰⵔⴻⵙ-ⵏⵙⴻⵏⵜ ⴰⴷ ⵢⴰⵡⴻⴹ ⵖⴻⵔ 3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ ⵉ ⵓⵙⴻⴳⴳⴰⵙ. ⵜⵉ ⴷ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⵏ ⵙⵉⴳⵓⵙ (ⵓⵎ ⵍⴻⴱⵡⴰⵇⵉ) ⴷ ⴱⴻⵛⵛⴰⵕ, ⵢⴻⵔⵏⴰ ⴰⴷ ⴱⴷⵓⵏⵜ ⴰⵅⴻⴷⴷⵉⵎ ⴷⴻⴳ ⵏⵡⴻⵎⴱⴻⵕ ⵏ 2018.