ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Seg Tasanayt s tmaziɣt imunen
Neggez ar: ẓer isebtar, anadi

ⵜⵉⵎⵍⵉⵍⵉⵜ ⵜⵉⵙ 3 ⵏ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⴳⴰⵔ ⵍⵀⴻⵏⴷ ⴷ ⵜⴻⴼⵔⵉⵇⵜ ⴰⵙⵙ ⵏ ⵍⵊⴻⵎⵄⴰ


ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⵜⵉⵙ 3 ⵏ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⴳⴰⵔ ⵍⵀⴻⵏⴷ ⴷ ⵜⴻⴼⵔⵉⵇⵜ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵏⴻⵡ ⴷⴻⵍⵀⵉ, ⵢⴻⵔⵏⴰ ⵢⵉⵡⴻⵏ ⵙⴻⴳ ⵢⵉⵙⴻⵍⵡⴰⵢⴻⵏ-ⵏⵏⴻⵙ ⴷ ⴰⵙⴻⵍⵡⴰⵢ ⵏ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ, ⴰⵍⵉ ⵀⴰⴷⴷⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⵎⴰⴳⴻⵔ-ⴰ.

ⵜⵉⵎⵍⵉⵍⵉⵜ-ⴰ ⵏ ⵢⵉⵡⴻⵥⵍⴰ ⴰⴷ ⴷ-ⵜⴻⵍⵀⵓ ⵍⴰⴷⵖⴰ ⴷ ⵜⴼⴻⵍⵍⴰⵃⵜ ⴷ ⵜⴻⵎⴳⵓⵔⵉ (ⵚⵚⵉⵏⴰⵄⴰ) ⵏ ⵜⵓⵞⵞⵉⵜ, ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ, ⵜⴰⵎⴳⵓⵔⵉ ⵏ ⵛⵛⴰⵛ, ⵍⵎⵉⵏⴰⵜ, ⴰⵒⵉⵜⵕⵓⵍ ⴷ ⵍⴳⴰⵣ ⴰⴳⴰⵎⴰⵏ, ⵜⴰⵙⵏⴰⵜⵡⵉⵍⵜ (ⵜⵉⵍⵓⴵⵢⴰ) ⵏ ⵓⵙⵙⴻⵍⵖⵓ, ⵉⵎⴻⵥⵍⴰ (ⵅⴰⴷⴰⵎⴰⵜ), ⵜⵉⴱⴰⵏⴽⵉⵡⵉⵏ ⴷ ⵜⴷⵓⵎⵚⵓⴽⵉⵡⵉⵏ (ⴱⵓⵏⴰ ⵜⴰⵃⵜⵉⵢⵢⴰ) ⵏ ⵍⵍⵙⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵍⴱⴰⵢⴰⵏ ⵏ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ.

ⴰⴷ ⴷ-ⵜⵉⵍⵉ ⴷⴰⵖ ⵜⴻⵎⵍⵉⵍⵉⵜ-ⴰ ⴷ ⵜⴰⴳⵏⵉⵜ ⵉ ⵓⵙⴻⵍⵡⴰⵢ ⵏ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴰⴽⴽⴻⵏ ⴰⴷ ⴷ-ⵢⴻⵙⵙⵉⵡⴻⵍ ⵙ ⵢⵉⵙⴻⵎ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴼⵔⵉⵇⵉⵢⵉⵏ ⵢⴻⵔⵏⴰ ⴷ-ⵉⵇⴻⴷⴷⴻⵎ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵉ ⵓⵛⵔⴰⴽ ⵏ ⵓⵙⵙⴻⴼⵜⵉ ⴳⴰⵔ ⵜⴻⴼⵔⵉⵇⵜ ⴷ ⵍⵀⴻⵏⴷ.

ⵎⴰⵙⵙ ⵀⴰⴷⴷⴰⴷ ⵜⴻⴼⵔⴻⵏ-ⵉⵜ-ⵉⴷ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⴷ-ⵉⴳⴻⵏⵙⴻⵙ (ⵢⵓⵎⴰⵜⵜⵉⵍ) ⵜⴰⴼⵔⵉⵇⵜ ⵉⵎⵉ ⴰⵢ ⵢⴻⵍⵍⴰ ⴳⴰⵔ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵉⴼⴰⵣⴻⵏ ⴰⴽⴽ ⴷⴻⴳ ⵜⴻⴼⵔⵉⵇⵜ, ⵢⴻⵔⵏⴰ ⵢⴻⵜⵜⴻⴽⴽⴰ ⵎⵍⵉⵃ ⴷⴻⴳ ⵓⵏⵏⴻⴼⵍⵉ (ⵏⵓⵎⵓⵡ) ⴰⵏⵎⴻⵜⵜⵉ-ⴰⴷⴰⵎⵙⴰⵏ ⴰⴷⵓⵎⴰⵏ, ⵉⵎⵉ ⴰⵏⵏⴻⴼⵍⵉ-ⴰ ⴷ ⵜⵜⴰⵡⵉⵍ ⵓⵏⴼⵉⵄ ⵉ ⵢⵉⵎⴻⵏⵖⵉ ⵎⴳⴰⵍ ⵍⴻⵅⵚⴰⵚ ⴷ ⵓⵙⵙⴻⵍⵀⵓ ⵏ ⵜⵓⴷⴻⵔⵜ ⴷⴻⴳ ⵜⴻⴼⵔⵉⵇⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵍⴱⴰⵢⴰⵏ-ⴰ.


ⵎⴰⵙⵙ ⵀⴰⴷⴷⴰⴷ « ⴰⴷ ⴷ-ⵉⴳⴻⵔ ⵜⵉⵖⵔⵉ ⵉ ⵓⵙⵏⴻⴼⵍⵉ (ⵜⴰⵟⵡⵉⵔ) ⵏ ⵓⵙⵙⴻⴼⵜⵉ ⴷ ⵓⵙⵙⴻⴱⴷⴻⴷ ⵏ ⵜⵉⵛⵛⵓⵔⴽⵉⵡⵉⵏ ⴰⴽⴽⴻⵏ ⴰⴷ ⴰⵡⴹⴻⵏⵜ ⵜⵎⵓⵔⴰ ⵖⴻⵔ ⵓⵏⵏⴻⴼⵍⵉ ⴰⴷⴰⵎⵙⴰⵏ ⴰⴷ ⵢⴻⵙⴷⵓⴽⴽⵍⴻⵏ ⵙⵏⴰⵜ-ⴰ ⵏ ⵜⴻⵎⵏⴰⴹⵉⵏ, ⵢⴻⵔⵏⴰ ⴷ ⵡⵉⵏ ⴰⴷ ⵢⴻⵜⵜⵡⴰⴱⵏⵓⵏ ⵍⴰⴷⵖⴰ ⵖⴻⴼ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ.