ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⴻⴼ ⵏ ⵍⵃⵓⴽⵓⵎⴰ ⵏ ⵜⵓⵏⴻⵙ ⴰⴷ ⴷ-ⵢⴻⵔⵣⵓ ⵖⴻⵔ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵙ ⵏ ⵍⵃⴻⴷⴷ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵖⴻⴼ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ, ⴰⴷ ⴷ-ⵢⴻⴳ ⵜⵉⵔⵣⵉ ⵏ ⵓⵅⴻⴷⴷⵉⵎ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴷ ⴰⵙⴰⵡⴻⵏ, ⵙ ⵓⵏⴻⵄⵔⵓⴹ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵏⵣⵓ.

ⴰⵏⴻⵖⵍⴰⴼ ⴰⵎⴻⵏⵣⵓ ⴷ ⵓⵎⵜⵉⵍ-ⵏⵏⴻⵙ ⴰⵜⵓⵏⵙⵉ ⴰⴷ ⵙⵙⴻⵍⵡⵉⵏ (ⵢⴰⵜⴰⵕⴰ’ⴰⵙⵙⵓⵏ) ⵜⵉⵎⵍⵉⵍⵉⵜ ⵜⵉⵙ 20 ⵏ ⵜⵙⴻⵇⵇⴰⵎⵓⵜ ⵜⴰⵎⴻⵇⵔⴰⵏⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⵜⵉⵎⵍⵉⵍⵉⵜ-ⴰ ⴰⴷ ⵜⴼⴰⴽ ⵙ ⵓⵙⵜⴻⵏⵢⵉ ⵏ ⵡⴰⵟⴰⵙ ⵏ ⵢⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵏ ⵓⵎⵄⴰⵡⴻⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴻⴳ-ⵙ ⵓⵇⴻⵢⵢⴻⵎ ⵏ « ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴷⴻⴳ ⵢⵉⵏⵓⵔⴰⵔ ⵏ ⵜⵙⴻⵔⵜⵉⵜ, ⵜⴰⵖⴻⵍⵍⵉⵙⵜ (ⵍⴰⵎⴰⵏ), ⵜⴰⴷⴰⵎⵙⴰ ⴷ ⵜⵎⴻⵜⵜⵉ ».

ⵜⵉⵎⵍⵉⵍⵉⵜ-ⴰ ⴰⴷ ⵜⵉⵍⵉ, ⴷⴰⵖ, ⴷ ⵜⴰⴳⵏⵉⵜ ⵉ ⵡⴰⵡⴰⵍ ⵖⴻⴼ « ⴽⵔⴰ ⵏ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ ⵢⴻⵇⵇⵏⴻⵏ ⵖⴻⵔ ⵜⴻⴷⵢⴰⵏⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ).