Asebter amenzawi

Timlilit tis 3 n COMEFA tessken-d agerrez n wassaɣen gar Lezzayer d Fṛansa

PARIS – Timlilit tis 3 n Useqqamu uxliḍ adamsan adzayri-afṛensis (COMEFA) ad d-yilin ass n letniyen deg Paris ad tfak s ustenyi n 9 n yimtawayen (ittifaqat) ucrikan, yerna aya yesskanay-d agerrez n wassaɣen, gar snat-a n tmura ay yennernan s umbaddel n terza n uswir unnig.

Uqbel ma yebda-d uxeddim n temlilit-a, ad yemmager uselway François Hollande aneɣlaf adzayri n tɣawsiwin n uzɣar, Ramtane Lamamra, d uneɣlaf n temguri (ṣinaɛa) d lminat, Abdesselam Bouchouareb.

Gar yimtawayen ad yettwastenyin deg tgara n temlilit-a, ad d-ilin wid yerzan amesni (naql), tafellaḥt, ayla aggagan (fikri), d tukci n lviza i yilemẓiyen ay yesɛan igerdasen (cahadat).

Deg yijifeṛ n temlilit-nni tameqrant, ad d-ilint daɣ temliliyin yerzan iḥricen yemgerraden deg Texxamt n Tnezzut d Temguri n temnaḍt n Paris-Île-de-France.

Wid ad yettekkin deg tmagla (wufud) n Lezzayer d Fṛansa ad d-ssukken tiṭ ɣef temsal yerzan asnerni n tesnatwilt tumḍint (tiknuluǧya raqmiya) d umɛawen deg uḥric n temguri n tuččit.

ɣer yidis n waya, ad d-ilint daɣ temliliyin n « Wussan n Fṛansa d Lezzayer ɣef umɛawen amguran (ṣinaɛi) d usnefli (tanmiya) aduman » deg Usinat, yerna din ad d-iɣer uneɣlaf n temguri inaw-nnes, ass n ttlata, sdat yimḍebbren n tkebbaniyin tifṛensisin.